இண்டர்நெட் தேவையில்லை! கூகுளின் Gemma 3n ஏஐ மாடல்! – அப்படி என்ன ஸ்பெஷல்?

செயற்கை நுண்ணறிவின் (Artificial Intelligence) வளர்ச்சி நாளுக்கு நாள் அதிகரித்து வருகிறது. கல்வி, வேலைவாய்ப்பு, மருத்துவம் ஆகிய அனைத்து துறைகளிலும் ஏஐயின் பயன்பாடு நுழைந்து விட்டது. இதனைக் கருத்தில் கொண்டு பல முன்னணி நிறுவனங்கள் நாளுக்கு நாள் புதுபுதுப் ஏஐ மாடல்களை அறிமுகப்படுத்தி வருகின்றன. இவை ஒவ்வொன்றும் தனித்துவமான பல அம்சங்களைக் கொண்டுள்ளது. அந்த வகையில் கூகுள் (Google) நிறுவனமானது “Gemma 3n” என்ற புதிய ஏஐ (AI) மாடலை அறிமுகப்படுத்தியுள்ளது. இந்த மாடல் ஒரு சாதாரண ஸ்மார்ட்போனிலேயே, இண்டர்நெட் இல்லாமல் இயங்கக்கூடியது என்பது இதன் மிகப்பெரிய சிறப்பம்சமாகும். மேலும் இது ஒரே நேரத்தில் டெக்ஸ்ட்,  ஆடியோ (Audio), இமேஜையும், வீடியோவையும் (Video) புரிந்து கொண்டு செயல்படக்கூடிய மல்டிமாடல் திறன்களை கொண்டது.

Gemma 3n-ன் சிறப்பம்சங்கள் என்ன?

• 2ஜிபி ரேம் கொண்ட மொபைலில் இயங்கும்.

  இதையும் படியுங்கள்

  

  எண்ணங்களை வார்த்தைகளாக மாற்றும் ஏஐ தொழில்நுட்பம் – ஆஸ்திரேலிய விஞ்ஞானிகள் சாதனை

  

  இந்தியாவில் ஏஐ-ஆல் இந்த துறைகளில் வேலைவாய்ப்பு அதிகரிக்கும் – சமீபத்திய ஆய்வில் ஆச்சரிய தகவல்

  

  20 விநாடிகளில் முழு உடல் பரிசோதனை: வியப்பில் ஆழ்த்தும் ஏஐ கருவி – மருத்துவ உலகில் பெரும் புரட்சி

  

  5 ஆண்டுகளில் ஏஐ பல வேலைகளை மாற்றி அமைக்கும் – கூகுள் டீப் மைண்ட் சிஇஓ எச்சரிக்கை

• இன்டர்நெட் இல்லாமலேயே வேலை செய்யும்.

• ஒரே நேரத்தில் டெக்ஸ்ட், ஆடியோ, இமேஜ், வீடியோ ஆகியவற்றை புரிந்துகொண்டு தெளிவான பதில்களை அளிக்கும்.

• கட்டுரைகளை துல்லியமாக மொழிபெயர்ப்பு செய்யும், பிராம்ப்ட் கொடுத்தால் கட்டுரைகளை உருவாக்கும்

• கூடுதல் சிறப்பம்சமாக வீடியோ அனலிசிஸ் போன்றவை செய்யும். இதன் மூலம் நீங்கள் ஒரு வீடியோ கொடுத்தால் அதன் ஸ்கிரிப்ட் உள்ளிட்டவற்றை ஆராய்ந்து உங்களுக்கு சொல்லும்.

• கூகுள் பிக்சல் போன்களில் ரியல் டைம் வீடியோ பரிசோதனை செய்யும் திறன் கொண்டது.

• இந்த மாடல் 140க்கும் மேற்பட்ட மொழிகளில் செயல்படும்.

Gemma 3n ஏஐ மாடல் குறித்த எக்ஸ் பதிவு

We’re fully releasing Gemma 3n, which brings powerful multimodal AI capabilities to edge devices. 🛠️

Here’s a snapshot of its innovations 🧵 pic.twitter.com/ARo2nHdUzC

— Google DeepMind (@GoogleDeepMind) June 26, 2025

போனிலேயே இண்டர்நெட் இல்லாமல் தகவல்களை வழங்கும்

தற்போது வரை ஏஐ செயலிகள் பெரும்பாலும் கிளவுட் பவர் சார்ந்தவை. ஆனால் Gemma 3n  அதை விட அதிக திறனுடன் மொபைல் போனிலேயே, இன்டர்நெட் இல்லாமல் வழங்குகிறது. இது ரஷ்யா பொம்மைகளைப் போல, ஒரு பெரிய மாடலுக்குள் பல சிறிய மாடல்கள் என இருக்கும் காரணத்தால், இது செயல்திறனை மேம்படுத்துகிறது. இது இரண்டு வகைகளில் கிடைக்கிறது. இது 2ஜிபி ரேம் கொண்ட பேன்களுக்கு E2B என்ற ஒரு மாடலும், 3ஜிபி ரேம் கொண்ட போன்களுக்கு E4B என்ற மாடலும் கிடைக்கிறது.

Per-Layer Embedding (PLE) என்ற அம்சம் போனில் கொடுக்கப்பட்டிருக்கும் கிராஃபிக்ஸ் சிப்பிற்கு அதிகம் வேலை கொடுக்காமல் பிராசசரை வைத்து வேலை செய்யும். இதனால் மெமரியை சேமிக்கும் போது போனின் வேகம் வழக்கம்போல செயல்படும்.  KV Cache Sharing  என்ற அம்சம் மூலம் ஆடியோ மற்றும் வீடியோவை வேகமாக புரிந்துகொள்ளும் திறன் கொண்டது.

யூனிவர்சல் ஸ்பீச் மாடல் (Universal Speech Model) வழியாக பேசுவதை எழுத்துகளாக மாற்றும் அம்சம், மொழிபெயர்ப்பு போன்றவற்றை சிறப்பாக செய்கிறது. MobileNet-V5 மூலம் 60fps வீடியோவையும் சிறந்த முறையில் புரிந்துகொள்ளும் திறன் கொண்டது.