AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

வீட்டிலிருந்து வந்த கெட்ட வாடை.. “40 ஆண்டுகால திருமண வாழ்க்கை இப்படியா முடியனும்”.. சென்னையில் முதிய தம்பதிக்கு நேர்ந்த கொடுமை..

Elderly Couple Found Dead in chennai: சென்னை புரசைவாக்கத்தில் வீட்டிலிருந்து துர்நாற்றம் வீசியதைத் தொடர்ந்து, தன்ராஜ் (78) மற்றும் அவரது மனைவி சந்திரா (72) ஆகியோர் அழுகிய நிலையில் சடலமாக மீட்கப்பட்டனர். கீழ்ப்பாக்கம் போலீசார் சந்தேக மரண வழக்குப் பதிவு செய்து உடல்களைப் பிரேதப் பரிசோதனைக்கு அனுப்பி விசாரித்து வருகின்றனர்.

வீட்டிலிருந்து வந்த கெட்ட வாடை.. “40 ஆண்டுகால திருமண வாழ்க்கை இப்படியா முடியனும்”.. சென்னையில் முதிய தம்பதிக்கு நேர்ந்த கொடுமை..
மாதிரிப் படம்
Esakkiraja Selvarathinam
Esakkiraja Selvarathinam | Published: 22 Nov 2026 12:30 PM IST

சென்னை, நவ.22: சென்னை புரசைவாக்கம் சரவணப் பெருமாள் முதல் தெருவில் வசித்து வந்த முதிய தம்பதியினர் வீட்டிலிருந்து துர்நாற்றம் வீசியதைத் தொடர்ந்து அழுகிய நிலையில் சடலமாக மீட்கப்பட்ட சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது. தன்ராஜ் (78) மற்றும் அவரது மனைவி சந்திரா (72) ஆகியோரே இவ்வாறு சடலமாக மீட்கப்பட்டவர்கள் எனத் தெரிய வந்துள்ளது. கடந்த 40 ஆண்டுகளாகக் குழந்தை இல்லாமல் அதே வீட்டில் வசித்து வந்த இவர்கள், நேற்று இரவு வீட்டிலிருந்து துர்நாற்றம் வீசுவதாக அருகிலிருந்த பொதுமக்கள் அளித்த தகவலின் பேரில் காவல்துறையினரால் கண்டறியப்பட்டனர். முதிய தம்பதியின் இந்த மரணம் குறித்துக் கீழ்ப்பாக்கம் காவல்துறையினர் தீவிர விசாரணையில் ஈடுபட்டு வருகின்றனர்.

இதையும் படிக்க: நாகர்கோவில் ரயிலில் பெண் கற்பழித்து கொலை! டிஜிபிக்கு பறந்த நோட்டீஸ்.. எண்ட்ரி கொடுத்த மகளிர் ஆணையம்!

வாழ்வாதாரமும் உடல்நலப் பாதிப்பும்:

கடந்த சில ஆண்டுகளுக்கு முன்பு வரை நகை ஆசாரியாகப் பணியாற்றி வந்த தன்ராஜ், பின்னர் உடல்நிலை பாதிக்கப்பட்டதாகத் தெரிவிக்கப்பட்டுள்ளது. அதனைத் தொடர்ந்து தமது மனைவியின் நகைகளை விற்று வங்கியில் நிரந்தர வைப்புத் தொகையாக (Fixed Deposit) முதலீடு செய்து, அதில் கிடைக்கும் வட்டித் தொகையைக் கொண்டு இருவரும் வாழ்க்கையை நடத்தி வந்ததாகக் கூறப்படுகிறது. மேலும், தன்ராஜ் நடக்க முடியாத அளவிற்கு உடல்நலக்குறைவால் பாதிக்கப்பட்டு வீட்டிலேயே முடங்கியதால், அவரது மனைவி சந்திரா அவரைக் கவனித்து வந்ததாகவும் தகவல்கள் தெரிவிக்கின்றன.

காவல்துறை வருகையும் உடல்கள் மீட்பும்:

நேற்று இரவு வீட்டிலிருந்து துர்நாற்றம் வீசுவதை உணர்ந்த அக்கம்பக்கத்தினர் உடனடியாகக் காவல்துறைக்குத் தகவல் அளித்துள்ளனர். சம்பவ இடத்திற்கு விரைந்து வந்த கீழ்ப்பாக்கம் காவல்துறையினர், வீட்டின் கதவை உடைத்து உள்ளே சென்று பார்த்தபோது தன்ராஜ் மற்றும் சந்திரா ஆகிய இருவரும் அழுகிய நிலையில் சடலமாகக் கிடந்தது தெரிய வந்தது. அதனைத் தொடர்ந்து இருவரின் உடல்களையும் மீட்ட போலீசார், பிரேதப் பரிசோதனைக்காகக் கீழ்ப்பாக்கம் அரசு மருத்துவமனைக்கு அனுப்பி வைத்தனர்.

இதையும் படிக்க: “300 கிலோ எடை, 9 அடி நீளம்!”.. கடலூர் அருகே குடியிருப்புக்குள் புகுந்த ராட்சத முதலை.. வீட்டை விட்டு வெளியே வந்தவரை கடித்ததால் பரபரப்பு!!

சந்தேக மரண வழக்கு மற்றும் முதற்கட்ட விசாரணை:

இந்தச் சம்பவம் தொடர்பாகக் கீழ்ப்பாக்கம் போலீசார் சந்தேக மரணம் என்ற பிரிவின் கீழ் வழக்குப் பதிவு செய்து விசாரணை நடத்தி வருகின்றனர். முதற்கட்ட விசாரணையில், கணவரான தன்ராஜ் உயிரிழந்து சுமார் மூன்று நாட்களாக அவரது சடலத்துடனேயே மனைவி இருந்து வந்ததாகவும், அதன் பின்னர் மனைவியும் உயிரிழந்திருக்கலாம் எனவும் காவல்துறை தரப்பில் தகவல் வெளியாகியுள்ளது. இருப்பினும், பிரேதப் பரிசோதனை அறிக்கை கிடைத்த பின்னரே இருவரின் மரணத்திற்கான துல்லியமான காரணம் முழுமையாகத் தெரியவரும் எனத் தெரிவிக்கப்பட்டுள்ள நிலையில், போலீசார் மற்றும் உறவினர்கள் தொடர் விசாரணையை மேற்கொண்டு வருகின்றனர்.

Follow Us