IPL 2026: RCBக்கு எதிராக கடைசி ஓவரில் மில்லர் மிரட்டல்.. சேஸ் செய்து மேட்ச் முடித்த டெல்லி!
RCB vs DC Highlights: ஐபிஎல் 2026 சீசனில் இன்று அதாவது 2026 ஏப்ரல் 18ம் தேதி எம்.சின்னசாமி ஸ்டேடியத்தில் ராயல் சேலஞ்சர்ஸ் பெங்களூரு அணியும், டெல்லி கேப்பிட்டல்ஸ் அணியும் மோதியது. இந்த போட்டியில் முதலில் பேட்டிங் செய்த ராயல் சேலஞ்சர்ஸ் பெங்களூரு அணி 20 ஓவர்கள் முடிவில் 8 விக்கெட்டுகள் இழப்பிற்கு 175 ரன்கள் எடுத்தது. இலக்கை துரத்திய டெல்லி கேப்பிட்டல்ஸ் அணி 19.4 ஓவர்களில் வெற்றியை பதிவு செய்தது.
ஐபிஎல் 2026 சீசனில் (IPL 2026) இன்று அதாவது 2026 ஏப்ரல் 18ம் தேதி எம்.சின்னசாமி ஸ்டேடியத்தில் ராயல் சேலஞ்சர்ஸ் பெங்களூரு (Royal Challengers Bengaluru) அணியும், டெல்லி கேப்பிட்டல்ஸ் அணியும் மோதியது. இந்த போட்டியில் முதலில் பேட்டிங் செய்த ராயல் சேலஞ்சர்ஸ் பெங்களூரு அணி 20 ஓவர்கள் முடிவில் 8 விக்கெட்டுகள் இழப்பிற்கு 175 ரன்கள் எடுத்தது. இலக்கை துரத்திய டெல்லி கேப்பிட்டல்ஸ் அணியில் கே.எல். ராகுல் மற்றும் டிரிஸ்டன் ஸ்டப்ஸ் ஆகியோரின் அரைசதங்களின் உதவியுடன், ஐபிஎல் 2026 தொடரில் தனது மூன்றாவது வெற்றியைப் பதிவு செய்தது. இந்தியன் பிரீமியர் லீக்கின் 18வது ஆண்டு விழாவையொட்டி, டெல்லி கேப்பிட்டல்ஸ் அணி ராயல் சேலஞ்சர்ஸ் பெங்களூரு அணியை வீழ்த்தியது.
ALSO READ: ஐபிஎல் 2026ல் ஆர்சிபி டிக்கெட்டின் விலை ரூ. 15,000? ப்ளாக் மார்க்கெட்டில் கல்லா கட்டியதால் பரபரப்பு!
மிரட்டிய மில்லர்:
டெல்லி கேப்பிட்டல்ஸ் அணிக்கு கடைசி இரண்டு ஓவர்களில் 24 ரன்கள் தேவைப்பட்டன. ரசிக் தார் சலாம் 19வது ஓவரில் 10 ரன்களை விட்டுக்கொடுத்ததால், டெல்லி அணி வெற்றி பெற கடைசி ஓவரில் 15 ரன்கள் தேவைப்பட்டது. கடைசி நேரத்தில், பெங்களுக்கு அணிக்கு பந்துவீச ஆள் இல்லாததால் முந்தைய போட்டியில் ஒரு ஓவர் கூட பந்து வீசாத ரொமாரியோ ஷெப்பர்ட் மீது இந்தப் பொறுப்பு விழுந்தது.
முதல் இரண்டு பந்துகளில் இரண்டு ரன்கள் மட்டுமே வந்ததால், ஒரு கணம் ஆட்டம் பெங்களூருவின் பக்கம் திரும்புவது போல் தோன்றியது. ஆனால், களத்தில் டிரிஸ்டன் ஸ்டப்ஸ் மற்றும் டேவிட் மில்லர் என்ற இரண்டு அதிரடியான பேட்ஸ்மேன்கள் இருந்தனர். மில்லர் மூன்றாவது பந்தில் ஒரு பிரம்மாண்டமான சிக்ஸரை அடித்து, ஆட்டத்தை டெல்லிக்கு சாதகமாகத் திருப்பினார். அடுத்த பந்திலேயே மில்லர் மற்றொரு சிக்ஸரை விளாசி, டெல்லியின் வெற்றியை ஏறக்குறைய உறுதி செய்தார். இப்போது, டெல்லிக்கு இரண்டு பந்துகளில் ஒரு ரன் மட்டுமே தேவைப்பட்டது. மில்லர் 5வது பந்தில் ஒரு பவுண்டரி அடித்து டெல்லியின் வெற்றியை உறுதி செய்தார்.
ALSO READ: ஐபிஎல் 2026 பிளேஆஃப் போட்டியிலிருந்து KKR வெளியேறிவிட்டதா? முழு விவரம்!
முடிவுக்கு வந்த ஆர்சிபியின் வெற்றிப் பயணம்:
ராயல் சேலஞ்சர்ஸ் பெங்களூரு அணி தொடர்ச்சியாக 2 வெற்றிகளைப் பெற்றிருந்த நிலையில், ஐபிஎல் 2026 தொடரில் ஆர்சிபி அணியை வீழ்த்திய இரண்டாவது அணி என்ற பெருமையை டெல்லி கேப்பிட்டல்ஸ் பெற்றுள்ளது. ராயல் சேலஞ்சர்ஸ் பெங்களூரு அணி 6 போட்டிகளில் 4 வெற்றிகளைப் பெற்றுள்ளது. கே.எல். ராகுல் 34 பந்துகளில் 54 ரன்களும், ஸ்டப்ஸ் 47 பந்துகளில் 60 ரன்களும் எடுத்து ஆட்டமிழக்காமல் இருந்தனர். மில்லரின் 10 பந்துகளில் 22 ரன்கள் எடுத்த அதிரடி ஆட்டமும் டெல்லியின் வெற்றிக்கு முக்கியப் பங்காற்றியது.
