U-18 Hockey Asia Cup: அண்டர் 18 ஆசியக் கோப்பையை தூக்கிய இந்தியா.. பிரதமர் மோடி வாழ்த்து..!
India Wins U-18 Hockey Asia Cup: நேற்று அதாவது 2026 ஜூன் 5ம் தேதி நடைபெற்ற இறுதிப் போட்டியில் ஜப்பானை 4-1 என்ற கோல் கணக்கில் வீழ்த்திய இந்திய அணி, கோப்பையை வென்றது. முன்னதாக, அரையிறுதிப் போட்டியில் பாகிஸ்தானை 5-3 என்ற கோல் கணக்கில் வீழ்த்தி இந்தியா இறுதிப் போட்டிக்கு முன்னேறியது. 18 வயதுக்குட்பட்டோருக்கான ஹாக்கி ஆசியக் கோப்பையை இந்தியா வெல்வது இது 3வது முறையாகும்.
இந்தியா 2026ம் ஆண்டுக்கான 18 வயதுக்குட்பட்டோருக்கான ஹாக்கி ஆசியக் கோப்பையை (U-18 Hockey Asia Cup) வென்றுள்ளது. நேற்று அதாவது 2026 ஜூன் 5ம் தேதி நடைபெற்ற இறுதிப் போட்டியில் ஜப்பானை 4-1 என்ற கோல் கணக்கில் வீழ்த்திய இந்திய அணி, கோப்பையை வென்றது. முன்னதாக, அரையிறுதிப் போட்டியில் பாகிஸ்தானை 5-3 என்ற கோல் கணக்கில் வீழ்த்தி இந்தியா இறுதிப் போட்டிக்கு முன்னேறியது. 18 வயதுக்குட்பட்டோருக்கான ஹாக்கி ஆசியக் கோப்பையை இந்தியா (Indian Hockey Team) வெல்வது இது 3வது முறையாகும். இந்த மறக்க முடியாத வெற்றிக்காக இந்திய அணிக்கு பிரதமர் நரேந்திர மோடி வாழ்த்து தெரிவித்தார்.
ALSO READ: பிரமாண்டமாக தொடங்கும் ஃபிஃபா உலகக் கோப்பை.. தொடக்க விழா எப்போது தெரியுமா?
அரையிறுதிப் போட்டியின் இறுதிக் கால் பகுதியில் ஆஷிஷ் பூர்த்தி ஆட்டத்தின் போக்கையே மாற்றியது போலவே, இறுதிப் போட்டியிலும் 3 கோல்களை அடித்து, ஆட்டத்தை வெல்லும் வகையிலான சிறப்பான ஆட்டத்தை வெளிப்படுத்தினார். ஆட்டம் தொடங்கிய 2வது நிமிடத்திலேயே இந்தியா 1-0 என்ற கோல் கணக்கில் முன்னிலை பெற்றது. 3வது கால் பகுதியின் முடிவில், இந்திய அணி 4-0 என்ற கோல் கணக்கில் வெற்றிப் பாதையில் சென்றுகொண்டிருந்தது.
4வது காலாண்டில் ஜப்பானுக்கு ஒரு அற்புதமான செயல்பாடு தேவைப்பட்டது. ஆட்டம் முழுவதும் ஜப்பானின் ஒரே கோல் நான்காவது காலாண்டில்தான் வந்தது. ஆனால் இது இந்திய அணியைத் தோற்கடிக்கப் போதுமானதாக இல்லை. இந்தியா இதற்கு முன்னர் 2001 மற்றும் 2016ம் ஆண்டுகளில் 18 வயதுக்குட்பட்டோருக்கான ஆசியக் கோப்பையை வென்றுள்ளது.
பிரதமர் மோடி:
A splendid accomplishment by our young hockey players!
Congratulations to the Indian Men’s U18 Hockey Team on winning the Men’s U18 Asia Cup 2026. The team displayed exceptional skill and teamwork throughout the tournament, culminating in a memorable victory in the final. This… pic.twitter.com/w5xIVAvN13
— Narendra Modi (@narendramodi) June 6, 2026
ALSO READ: விரைவில் ஃபிஃபா உலகக் கோப்பை.. வீரர்களின் ஒழுக்கமே முக்கியம்.. புதிய விதிகள் அதிரடியாக அறிமுகம்!
இந்தியாவின் 18 வயதுக்குட்பட்ட ஆண்கள் ஹாக்கி அணிக்கு வாழ்த்து தெரிவித்து, பிரதமர் நரேந்திர மோடி சமூக வலைதளத்தில், “நமது இளம் ஹாக்கி வீரர்களின் குறிப்பிடத்தக்க சாதனை. 18 வயதுக்குட்பட்ட ஆசியக் கோப்பையை வென்றதற்காக முழு அணிக்கும் வாழ்த்துகள். போட்டி முழுவதும் அணி சிறப்பான திறமையையும், அருமையான குழுப்பணியையும் வெளிப்படுத்தியதன் விளைவாக, இறுதிப் போட்டியில் இந்தியா ஒரு மறக்க முடியாத வெற்றியைப் பெற்றது. இந்தச் சாதனை, ஹாக்கி விளையாட்டு இளைஞர்களிடையே பிரபலமடைந்து வருவதை நிரூபிக்கிறது. இந்திய அணிக்கு வரவிருக்கும் சவால்களுக்கு எனது வாழ்த்துகள்” என்று எழுதியுள்ளார்.
