IND vs NZ: குணமடைந்த இஷான்! வெளியேறும் சூர்யவன்ஷி..? இந்திய அணியின் பிளேயிங் லெவனில் மாற்றமா?
India Playing XI: இந்தியா-நியூசிலாந்து 4வது T20 போட்டி இன்று ஈடன் பார்க்கில். இந்தியா தொடரில் 3-0 என முன்னிலை வகிக்க, இஷான் கிஷான் காயம் குணமடைந்து திரும்புவாரா என்ற எதிர்பார்ப்பு எழுந்துள்ளது. கடந்த போட்டியில் சிறப்பாக ஆடிய வைபவ் சூர்யவன்ஷியின் இடம் கேள்விக்குறியாகியுள்ளது. இந்திய அணி வலுவான ஆடும் லெவனை முடிவு செய்ய இந்த குழப்பம் நிலவுகிறது.
இந்தியா மற்றும் நியூசிலாந்து அணிகளுக்கு (IND vs NZ) இடையேயான டி20 தொடரின் 4வது போட்டி, ஆக்லாந்தில் உள்ள ஈடன் பார்க் ஸ்டேடியத்தில் இன்று அதாவது 2026 அக்டோபர் 30ம் தேதி மதியம் 12.30 மணிக்கு தொடங்குகிறது. ஷ்ரேயாஸ் ஐயரும் அவரது அணியும் தொடரில் 3-0 என்ற கணக்கில் வெல்ல முடியாத முன்னிலையைப் பெற்றுள்ளனர். இப்போது, மீதமுள்ள 2 போட்டிகளும் நியூசிலாந்து அணிக்கு கௌரவப் போராட்டமாக அமையும். இந்திய அணி (Indian Cricket Team) இப்போது தொடரை முழுமையாக வெல்லும் முனைப்பில் உள்ளது. இஷான் கிஷன் உடற்தகுதியுடன் இருந்தால், ஆடும் லெவனில் இருந்து யார் நீக்கப்படுவார்? வைபவ் சூர்யவன்ஷி வெளியே உட்கார நேரிடுமா என்பதே மிகப்பெரிய கேள்வியாக உள்ளது. சூர்யவன்ஷி கடந்த போட்டியில் அபிஷேக் ஷர்மாவுடன் இணைந்து 133 ரன்கள் தொடக்கக் கூட்டணி அமைத்து, 45 ரன்கள் என்ற சிறப்பான ஆட்டத்தை வெளிப்படுத்தினார்.
ALSO READ: இந்திய அணிக்கு லக்! நியூசிலாந்து அணிக்கு ஜர்க்! ஆக்லாந்து ஸ்டேடியத்தில் இதுவரை யார் ஆதிக்கம்?
கிறிஸ்ட்சர்ச்சில் நடைபெற்ற முதல் மற்றும் 2வது டி20 போட்டிகளில் இந்தியா வெற்றி பெற்றது. வெலிங்டனில் நடைபெற்ற கடைசிப் போட்டியில், இந்திய அணி 199 ரன்கள் என்ற இலக்கை 40 பந்துகள் மீதமிருக்க எட்டி, தொடரைக் கைப்பற்றியது. அந்தப் போட்டியில் வைபவ் சூர்யவன்ஷி, அபிஷேக் ஷர்மாவுடன் இணைந்து 133 ரன்களுக்கு தொடக்க ஆட்டக்காரர் பார்ட்னர்ஷிப் அமைத்தார். இந்த ஜோடி 5 ஓவர்களில் 100 ரன்களை எட்டிய சாதனையைப் படைத்தது, எனவே வைபவை அணியிலிருந்து நீக்குவது கடினமாக இருக்கும்.
இஷான் கிஷனின் காயம் குறித்த தற்போதைய நிலவரம் என்ன?
காயம் காரணமாக முதல் போட்டியில் இஷான் கிஷனால் 3வது இடத்தில் பேட்டிங் செய்ய முடியவில்லை. அதைத் தொடர்ந்து, அவரது வலது தொடையில் லேசான தசைநார் பாதிப்பு ஏற்பட்டிருப்பதாக பிசிசி அறிவித்தது. மூன்றாவது டி20 போட்டிக்கு முன்பு, அவர் காயத்திலிருந்து முழுமையாகக் குணமடையவில்லை என்று பிசிசிஐ அறிவித்தது. 4வது போட்டிக்கு முன்பு அவரது உடல்நிலை குறித்து எந்த அதிகாரப்பூர்வ அறிவிப்பும் வெளியிடப்படவில்லை. இருப்பினும், அவர் ஆக்லாந்தில் வலைப்பயிற்சியில் பேட்டிங் பயிற்சி செய்தது, அவர் உடற்தகுதியுடன் இருப்பதைக் காட்டுகிறது. இப்போது கேள்வி என்னவென்றால், அவர் ஆடும் லெவனில் திரும்புவாரா என்பதுதான். அப்படித் திரும்பினால், வைபவ் சூர்யவன்ஷி அணியிலிருந்து நீக்கப்படுவாரா? இஷான் கிஷன் அணியிலிருந்து விலக்கப்பட்டபோதுதான் அவருக்கு ஆடும் லெவனில் வாய்ப்பு வழங்கப்பட்டது.
இஷான் கிஷன் குணமடைந்தாலும் கூட, பிசிசிஐ அவரை அவசரமாகப் போட்டியில் களமிறக்காது என்றே தெரிகிறது. இந்திய அணி ஏற்கனவே தொடரில் வெல்ல முடியாத முன்னிலையை எடுத்துள்ளது. எனவே, நான்காவது போட்டிக்கான ஆடும் லெவனிலும் வைபவ் சூர்யவன்ஷிக்கு இடம் கிடைக்கலாம்.
ALSO READ: பிரசித் கிருஷ்ணா காயம்.. நியூசிலாந்து ஒருநாள் தொடரில் யார் மாற்று வீரர்..?
இந்தியாவின் உத்தேச ஆடும் 11 பேர் கொண்ட அணி
வைபவ் சூர்யவன்ஷி, அபிஷேக் சர்மா, சஞ்சு சாம்சன் (விக்கெட் கீப்பர்), ஷ்ரேயாஸ் ஐயர் (கேப்டன்), திலக் வர்மா, நமன் தீர், அக்சர் படேல், நிதிஷ் குமார் ரெட்டி, புவனேஷ்வர் குமார், அர்ஷ்தீப் சிங், பிரின்ஸ் யாதவ்.
