IND vs NZ: அணிகளுக்குள் 2 அதிரடி மாற்றங்கள்.. வெற்றி பெற்று கௌரவத்தை காப்பாற்றுமா நியூசிலாந்து?
India vs New Zealand 4th T20 Preview: இந்தியா நியூசிலாந்து இடையேயான டி20 தொடரில் இந்தியா 3-0 என முன்னிலை வகிக்கிறது. தற்போது 4வது டி20 போட்டி ஆக்லாந்தில் உள்ள ஈடன் பார்க்கில் நடைபெற உள்ளது. நியூசிலாந்து அணியில் முக்கிய வீரர்கள் விலகியுள்ளனர். டாஸ் முக்கியத்துவம் வாய்ந்தது. ஈடன் பார்க்கில் இந்தியா வலுவான சாதனை படைத்துள்ளது.
இந்தியா மற்றும் நியூசிலாந்து அணிகளுக்கு (IND vs NZ) இடையே 5 போட்டிகள் கொண்ட டி20 தொடர் நடைபெற்று வருகிறது. இதுவரை 3 போட்டிகள் விளையாடப்பட்டுள்ளன, அனைத்திலும் இந்திய அணி (Indian Cricket Team) வெற்றி பெற்றுள்ளது. தற்போது, இரு அணிகளுக்கும் இடையே 4வது டி20 போட்டி நடைபெற உள்ளது. இந்தியா ஏற்கனவே தொடரை வென்றுவிட்டது. எனவே, மீதமுள்ள 2 போட்டிகளில் நியூசிலாந்து அணி தங்களது கௌரவத்தை ஓரளவு மீட்டெடுக்க முயற்சிக்கும். 4வது மற்றும் 5வது டி20 போட்டிகளுக்கு முன்னதாக, நியூசிலாந்து அணியில் மேட் ஹென்றி மற்றும் லாக்கி பெர்குசன் ஆகியோர் 4வது மற்றும் 5வது டி20 போட்டிகளில் இருந்து விலக்கப்பட்டுள்ளனர்.
ALSO READ: பிரசித் கிருஷ்ணா காயம்.. நியூசிலாந்து ஒருநாள் தொடரில் யார் மாற்று வீரர்..?
நியூசிலாந்துக்கு எதிரான இந்த டி20 தொடரின் முதல் 3 போட்டிகளிலும், இந்திய கேப்டன் ஷ்ரேயாஸ் ஐயர் டாஸ் வென்று முதலில் ரன்களைத் துரத்த முடிவு செய்தார். அந்த 3 போட்டிகளிலும் இந்தியா வெற்றிகரமாக இலக்கைத் துரத்திப் பிடித்தது. 4வது டி20 போட்டியிலும் டாஸ் முக்கியத்துவம் வாய்ந்ததாக இருக்கும். எனவே, எந்த கேப்டன் டாஸ் வென்றாலும், அவர் முதலில் பந்துவீசவே விரும்புவார்.
4வது டி20 போட்டி எப்போது, எங்கே மற்றும் எந்த நாளில் நடைபெறும்?
இந்தியா மற்றும் நியூசிலாந்து அணிகளுக்கு இடையேயான 4வது டி20 போட்டி, 2026 அக்டோபர் 30ம் தேதியான நாளை ஆக்லாந்தில் உள்ள ஈடன் பார்க் மைதானத்தில் நடைபெற உள்ளது. இந்திய நேரப்படி மதியம் 12:30 மணிக்கு போட்டி தொடங்கும். டாஸ் மதியம் 12:00 மணிக்கு நடைபெறும். சோனி ஸ்போர்ட்ஸ் நெட்வொர்க் சேனல்களில் இந்தப் போட்டியை நீங்கள் தொலைக்காட்சியில் நேரலையாகக் காணலாம். போட்டியின் நேரலை ஒளிபரப்பு சோனி லிவ் செயலியில் காணலாம்.
ஆக்லாந்தில் இந்திய அணி வலுவான சாதனை:
இந்தியா மற்றும் நியூசிலாந்து அணிகளுக்கு இடையேயான 4வது டி20 போட்டி ஆக்லாந்தில் உள்ள ஈடன் பார்க் ஸ்டேடியத்தில் நடைபெற உள்ளது. இந்த ஸ்டேடியத்தில் இந்திய அணிக்கு வலுவான சாதனை உள்ளது. இந்தியா இதுவரை அங்கு 3 டி20 போட்டிகளில் விளையாடி, மூன்றிலும் வெற்றி பெற்றுள்ளது. 5 போட்டிகள் கொண்ட இந்தத் தொடரில், அதுவும் இந்த மைதானத்தில், தங்களின் முதல் வெற்றியை நியூசிலாந்து அணி எதிர்நோக்கியுள்ளது.
ALSO READ: இந்திய அணிக்கு லக்! நியூசிலாந்து அணிக்கு ஜர்க்! ஆக்லாந்து ஸ்டேடியத்தில் இதுவரை யார் ஆதிக்கம்?
4வது மற்றும் 5வது டி20 போட்டிகளுக்கான நியூசிலாந்து அணி :
மிட்செல் சான்ட்னர் (கேப்டன்), ஃபின் ஆலன், மைக்கேல் பிரேஸ்வெல், மார்க் சாப்மேன், ஜோஷ் கிளார்க்சன், டெவன் கான்வே, ஜேக்கப் டஃபி, மாட் ஃபிஷர், ஜாக் ஃபௌல்க்ஸ், பெவன் ஜேக்கப்ஸ், ஆடம் மில்னே, டேரில் மிட்செல், கிளென் பிலிப்ஸ், டிம் சீஃபர்ட், நாதன் ஸ்மித், பிளேயர் டிக்னர்.
