IND vs SA 5th T20: அணிக்கு திரும்பும் பும்ரா, சாம்சன்.. SA அணிக்கு எதிரான இந்திய லெவன் அணி எப்படி இருக்கும்?
IND vs SA 5th T20 Probable Playing 11: தென்னாப்பிரிக்காவுக்கு எதிரான நடந்து வரும் டி20 தொடருக்கான விளையாடும் லெவன் அணியில் சஞ்சு சாம்சன் இதுவரை இடம் பெறவில்லை. ஆஸ்திரேலிய சுற்றுப்பயணத்தின் போது, சஞ்சு சாம்சன் மிடில் ஆர்டரில் 2 டி20 போட்டிகளில் மட்டுமே விளையாடினார். லக்னோவில் நடைபெறவிருந்த போட்டிக்கு முன்னதாக, சுப்மன் கில்லின் காலில் காயம் ஏற்பட்டது.
இந்தியா vs தென்னாப்பிரிக்கா டி20 தொடரின் பாதியில் சொந்த காரணங்களுக்காக நாடு திரும்பிய ஜஸ்பிரித் பும்ரா, தற்போது மீண்டும் அணியில் இணைந்துள்ளார். அதேநேரத்தில், சஞ்சு சாம்சன் 4வது டி20 போட்டியில் விளையாட திட்டமிடப்பட்டிருந்த நிலையில், மூடுபனி (Fog) காரணமாக ஒரு பந்து கூட வீசப்படாமல் கைவிடப்பட்டது. அதன்படி, தென்னாப்பிரிக்கா அணிக்கு எதிரான 5வது மற்றும் கடைசி டி20 போட்டியில் (IND vs SA 5th T20) விளையாடுவார் என்று எதிர்பார்க்கப்படுகிறது. இந்தியா – தென்னாப்பிரிக்கா இடையிலான டி20 தொடரின் 5வது மற்றும் இறுதி போட்டி இன்று அதாவது 2025 டிசம்பர் 19ம் தேதி நரேந்திர மோடி ஸ்டேடியத்தில் இரவு 7 மணிக்கு தொடங்குகிறது.
ALSO READ: கடும் பனி.. டாஸ் போட தாமதம்.. இந்தியா – தென்னாப்பிரிக்கா இடையிலான 4வது டி20 ரத்து..!
முன்னிலையில் இந்திய அணி:
சூர்யகுமார் யாதவ் தலைமையிலான இந்திய அணி, 5 போட்டிகள் கொண்ட தொடரில் 2-1 என முன்னிலை வகிக்கிறது. கட்டாக் மற்றும் தர்மசாலாவில் நடந்த முதல் மற்றும் மூன்றாவது போட்டிகளில் இந்திய அணி வெற்றி பெற்றது. அதே நேரத்தில், தென்னாப்பிரிக்கா நியூ சண்டிகரில் நடந்த 2வது டி20 போட்டியில் பிரமாண்ட வெற்றி பெற்றது. இப்போது, அகமதாபாத்தில் நடைபெறும் தொடரை 3-1 என வெல்லும் நோக்கில் இந்திய அணி களமிறங்கும். இருப்பினும், தென்னாப்பிரிக்கா அணி தொடரை 2-2 என்ற கணக்கில் சமநிலையில் முடிக்க முயற்சிக்கும்.
அணிக்கு திரும்பும் பும்ரா – சாம்சன்:
தென்னாப்பிரிக்காவுக்கு எதிரான நடந்து வரும் டி20 தொடருக்கான விளையாடும் லெவன் அணியில் சஞ்சு சாம்சன் இதுவரை இடம் பெறவில்லை. ஆஸ்திரேலிய சுற்றுப்பயணத்தின் போது, சஞ்சு சாம்சன் மிடில் ஆர்டரில் 2 டி20 போட்டிகளில் மட்டுமே விளையாடினார். லக்னோவில் நடைபெறவிருந்த போட்டிக்கு முன்னதாக, சுப்மன் கில்லின் காலில் காயம் ஏற்பட்டது. இதன் காரணமாக சஞ்சு சாம்சன் களமிறங்குவார் என்று எதிர்பார்க்கப்பட்டபோது, மூடுபனி காரணமாக டாஸ் கூட ஒத்திவைக்கப்பட்டது.
5வது டி20 போட்டியில் கில் விளையாடுவது சாத்தியமில்லை என்று கருதப்படுகிறது. எனவே, கில் இல்லாத நிலையில், அபிஷேக் சர்மாவுடன் சஞ்சு தொடக்க வீரராக களமிறங்கலாம். தனிப்பட்ட காரணங்களுக்காக மூன்றாவது டி20 போட்டிக்கு முன்பு நாடு திரும்பிய ஜஸ்பிரித் பும்ரா, லக்னோ போட்டிக்கு முன்னதாக அணியில் மீண்டும் இணைந்துள்ளார். முதல் மூன்று டி20 போட்டிகளில் விளையாடிய விக்கெட் கீப்பர்-பேட்ஸ்மேன் ஜிதேஷ் சர்மா, அகமதாபாத்தில் விளையாடும் லெவன் அணியில் இருந்து நீக்கப்படலாம். முதல் மற்றும் இரண்டாவது போட்டிகளில் முறையே 10 மற்றும் 27 ரன்கள் எடுத்தார். மூன்றாவது போட்டியில் ஜிதேஷ் சர்மா பேட்டிங் செய்யவில்லை.
ALSO READ: ஒரு பந்து கூட வீசவில்லை.. ரத்தான இந்திய போட்டி.. ஆதங்கத்தில் ரசிகர்கள்..!
கணிக்கப்பட்ட இந்திய அணியின் விவரம்:
அபிஷேக் சர்மா, சஞ்சு சாம்சன் (விக்கெட் கீப்பர்), சூர்யகுமார் யாதவ் (கேப்டன்), திலக் வர்மா, ஹர்திக் பாண்டியா, சிவம் துபே, வாஷிங்டன் சுந்தர், ஜஸ்பிரித் பும்ரா , அர்ஷ்தீப் சிங், குல்தீப் யாதவ், வருண் சக்ரவர்த்தி.
கணிக்கப்பட்ட தென்னாப்பிரிக்கா அணியின் விவரம்:
ரீசா ஹென்ட்ரிக்ஸ், குயின்டன் டி காக் (விக்கெட் கீப்பர்), ஐடன் மார்க்ரம் (கேப்டன்), டெவால்ட் ப்ரீவிஸ், டிரிஸ்டன் ஸ்டப்ஸ், டோனோவன் ஃபெரீரா, மார்கோ ஜான்சன், கார்பின் போஷ், அன்ரிச் நார்ட்ஜே, லுங்கி என்கிடி, ஒட்னீல் பார்ட்மேன்
