Team India: விரைவில் முடியும் ஐபிஎல்.. அடுத்த 6 நாட்களில் சர்வதேச போட்டி.. இந்திய அணியின் அட்டவணை இதோ!
India Upcoming Matches 2026: இந்திய கிரிக்கெட் அணியின் முதல் வெளிநாட்டுப் பயணம் அயர்லாந்திற்கு நடைபெறுகிறது. இங்கு இரண்டு போட்டிகள் கொண்ட டி20 தொடர் திட்டமிடப்பட்டுள்ளது. இந்தப் பயணத்தில் வைபவ் சூர்யவன்ஷியும் இடம்பெறலாம் என நம்பப்படுகிறது. இந்தத் தொடரின் இரண்டு போட்டிகளும் பெல்ஃபாஸ்டில் நடைபெறும். இதைத் தொடர்ந்து, இந்திய அணி இங்கிலாந்துக்குச் செல்கிறது.
இந்தியன் பிரீமியர் லீக்கின் (IPL 2026) 19வது பதிப்பானது வருகின்ற 2026 மே 31ம் தேதி இறுதிப்போட்டியுடன் முடிவடைகிறது. எனவே, இந்த நடப்பு ஐபிஎல் 2026 சீசன் முடிந்தவுடன், அனைவரும் இந்திய அணியின் (Indian Cricket Team) போட்டிகளுக்காக ஆவலுடன் காத்திருக்கிறார்கள். இருப்பினும், ரசிகர்கள் நீண்ட காலம் காத்திருக்க வேண்டியதில்லை. ஐபிஎல் 2026 முடிவடைந்த ஒரு வாரத்திற்குள் இந்தியாவின் முதல் போட்டி தொடங்கிவிடும். இதில், நீண்ட நாட்களுக்கு பிறகு, இந்திய கிரிக்கெட் அணியும் ஆப்கானிஸ்தான் கிரிக்கெட் அணியும் ஒரே ஒரு போட்டிகளில் விளையாட இருக்கின்றன. இதற்கான சுப்மன் கில் தலைமையிலான இந்திய டெஸ்ட் அணி ஏற்கனவே அறிவிக்கப்பட்டது குறிப்பிடத்தக்கது.
ALSO READ: ஒருநாள் கிரிக்கெட்டில் முக்கிய விதியை மாற்றும் ஐசிசி.. பலன் பெறும் சர்வதேச அணிகள்!
இந்திய கிரிக்கெட் அணியின் அடுத்த போட்டி எப்போது?
ஐபிஎல் 2026 சீசன் முடிவடைந்து ஆறு நாட்களுக்குப் பிறகு, வருகின்ற 2026 ஜூன் 6ம் தேதி ஆப்கானிஸ்தானுக்கு எதிரான இந்திய கிரிக்கெட் அணியின் அடுத்த போட்டி தொடங்கும். இரு நாடுகளுக்கும் இடையிலான ஒரே டெஸ்ட் போட்டி நியூ சண்டிகரில் (முல்லன்பூர்) நடைபெறும். ஆப்கானிஸ்தானுக்கு எதிரான ஒரே ஒரு டெஸ்ட் போட்டியைத் தொடர்ந்து, சுப்மன் கில் தலைமையிலான இந்திய அணி, ஆப்கானிஸ்தானுக்கு எதிராக 3 போட்டிகள் கொண்ட ஒருநாள் தொடரில் விளையாட உள்ளது. இந்த ஒருநாள் தொடரில் விராட் கோலி மற்றும் ரோஹித் சர்மா ஆகியோரும் விளையாட இருப்பதால் மிகப்பெரிய எதிர்பார்ப்பு நிலவுகிறது. இருப்பினும், ரோஹித்தின் பங்கேற்பு அவரது உடற்தகுதியைப் பொறுத்தது என்று பிசிசிஐ தெளிவுபடுத்தியுள்ளது.
இதனை தொடர்ந்து, இந்திய கிரிக்கெட் அணியின் முதல் வெளிநாட்டுப் பயணம் அயர்லாந்திற்கு நடைபெறுகிறது. இங்கு இரண்டு போட்டிகள் கொண்ட டி20 தொடர் திட்டமிடப்பட்டுள்ளது. இந்தப் பயணத்தில் வைபவ் சூர்யவன்ஷியும் இடம்பெறலாம் என நம்பப்படுகிறது. இந்தத் தொடரின் இரண்டு போட்டிகளும் பெல்ஃபாஸ்டில் நடைபெறும். இதைத் தொடர்ந்து, இந்திய அணி இங்கிலாந்துக்குச் செல்கிறது. அங்கு இரு அணிகளும் 5 போட்டிகள் கொண்ட டி20 மற்றும் 3 போட்டிகள் கொண்ட ஒருநாள் தொடரில் விளையாடும்.
ஆப்கானிஸ்தான் இந்திய சுற்றுப்பயணம்
- ஒரே ஒரு டெஸ்ட் போட்டி – 2026 ஜூன் 6-10 (புது சண்டிகர்)
- முதல் ஒருநாள் போட்டி: 2026 ஜூன் 14 (தர்மசாலா)
- 2வது ஒருநாள் போட்டி: 2026 ஜூன் 17 (லக்னோ)
- 3வது ஒருநாள் போட்டி: 2026 ஜூன் 20 (சென்னை)
அயர்லாந்திற்கான இந்திய சுற்றுப்பயணம்
- முதல் டி20: 2026 ஜூன் 26 (பெல்ஃபாஸ்ட்)
- 2வது டி20: 2026 ஜூன் 28 (பெல்ஃபாஸ்ட்)
இங்கிலாந்துக்கு இந்திய சுற்றுப்பயணம்
- முதல் டி20: 2026 ஜூலை 1 (செஸ்டர்-லெ-ஸ்ட்ரீட்)
- 2வது டி20: 2026 ஜூலை 4 (மான்செஸ்டர்)
- 3வது டி20: 2026 ஜூலை 7 (நாட்டிங்ஹாம்)
- 4வது டி20: 2026 ஜூலை 9 (பிரிஸ்டல்)
- 5வது டி20: 2026 ஜூலை 11 (சவுத்தாம்ப்டன்)
- முதல் ஒருநாள் போட்டி: 2026 ஜூலை 14 (பர்மிங்ஹாம்)
- 2வது ஒருநாள் போட்டி: 2026 ஜூலை 16 (கார்டிஃப்)
- 3வது ஒருநாள் போட்டி: 2026 ஜூலை 19 (லண்டன்)
ஜிம்பாப்வேக்கான இந்தியப் பயணம்
- முதல் டி20: ஜூலை 23 (ஹராரே)
- 2வது டி20: ஜூலை 25 (ஹராரே)
- 3வது டி20: ஜூலை 26 (ஹராரே)
ALSO READ: கில் தலையீடு! பண்ட் துணை கேப்டன் பதவியிலிருந்து நீக்கப்பட்டாரா? வைரலாகும் போட்டோ!
இலங்கைக்கான இந்தியப் பயணம்
இந்திய கிரிக்கெட் அணி தனது இலங்கை சுற்றுப்பயணத்தின் போது 2 டெஸ்ட் போட்டிகளில் விளையாட உள்ளது. இருப்பினும், இந்தப் போட்டிகளுக்கான அட்டவணை இன்னும் அறிவிக்கப்படவில்லை.
