Astrology: சாதகமாக அமையும் குரு பகவான்.. இந்த 6 ராசிக்கு நடக்கப்போகும் மாற்றம்!

ஜோதிடத்தின்படி நவக்கிரங்கள் செயல்பாடு என்பது மிகவும் முக்கியமான ஒன்றாக பார்க்கப்படுகிறது. அதேபோல் ராசியில் அவை அமைந்திருக்கும் இடமும் கணக்கில் கொள்ளப்படுகிறது. அந்த வகையில் நான்காவது வீடும் நான்காவது வீட்டின் அதிபதியும் ஜாதகத்திலோ அல்லது கிரக இயக்கத்திலோ சாதகமாக இருந்தால் ஒருவருக்கு சொந்த வீடு, சொந்த வாகனம் மற்றும் சொத்து நிச்சயமாகக் கிடைக்கும் என சொல்லப்பட்டுள்ளது. இவை அனைத்திற்கும் காரணமானது குரு கிரகம் ஆகும். இவை சாதகமாக இருந்தால், அனைத்தும் எளிதாகவும் எந்த பிரச்சனையும் இல்லாமல் நடக்க வாய்ப்புள்ளது. அந்த வகையில் இப்போது நிகழ்ந்துள்ள கிரக இயக்கத்தின் அடிப்படையில், ரிஷபம், மிதுனம், சிம்மம், துலாம், தனுசு மற்றும் மகரம் ஆகிய ராசிகளுக்கு வீடு, வாகனம் மற்றும் சொத்து கிடைப்பதற்கான வாய்ப்புகள் அதிகமாக உள்ளது என சொல்லப்படுகிறது. வேறு என்ன பலன்கள் கிடைக்கும் என பார்க்கலாம்.

என்னென்ன ராசிகள் பலன் பெறும்?

1. ரிஷபம்:  இந்த ராசிக்காரர்களுக்கு வீடு, வாகனம், சொத்து வைத்திருப்பது ஆரம்பத்திலிருந்தே ஒரு கனவாக இருக்கும்.  இவற்றுக்காக பணத்தை முன்னதாகவே சேமிக்கத் தொடங்கியிருப்பார்கள். தற்போது, நான்காவது வீட்டின் அதிபதியான ரவியும், வீட்டு அதிபதியான குருவும் இவர்களுக்கு மிகவும் சாதகமாக இருக்கிறார். அதனால் இந்த ஆண்டு இறுதிக்குள், ராசியினர் தங்கள் கனவுகளை நிச்சயமாக நனவாக்குவார்கள். வீடு மற்றும் வாகனம் வாங்கி மகிழ்வார்கள். தந்தையிடமிருந்து சொத்து லாபம் கிடைக்கும்.
2. மிதுனம்: இந்த ஆண்டு, ராசியின் அதிபதியான புதனும், செல்வத்தை தரும் குருவும் மிகவும் சாதகமாக இருக்கிறார்கள். அதனால் அக்டோபர் முதல் டிசம்பர் வரை வீடு மற்றும் வாகன யோகங்கள் கிடைக்க வாய்ப்பு உள்ளது. நிதி பாதுகாப்பு மற்றும் மகிழ்ச்சியான வாழ்க்கைக்கு  இந்த ராசிக்காரர்கள் மிகுந்த முக்கியத்துவம் கொடுப்பார்கள். பொதுவாக ஒரு திட்டத்தின் படி தங்கள் சொந்த வீடு மற்றும் சொத்தை வாங்குவார்கள். சொத்து தகராறுகள் மற்றும் நீதிமன்ற வழக்குகள் சாதகமாக தீர்க்கப்படும், மேலும் மதிப்புமிக்க சொத்துக்கள் கிடைக்கும்.
3. சிம்மம்: இந்த ராசிக்காரர்களைப் போல வேறு எந்த ராசிக்காரர்களும் நிலையான வாழ்க்கை மற்றும் நிதிப் பாதுகாப்பிற்காக பாடுபடுவதில்லை என சொல்லலாம். அவர்களின் முழு கவனமும் சொந்த வீடு, வாகனம் மற்றும் சொத்துக்களில் இருக்கும். மற்ற அனைவரையும் விட உயர்ந்தவராக இருக்க வேண்டும் என்ற எண்ணம் எப்போதும் இருக்கும். ஆசை காரணமாக, அவர்கள் அசையும் மற்றும் அசையா சொத்துக்களுக்காக தீவிர முயற்சிகளை மேற்கொள்வார்கள். சொந்தமாக வீடு வாங்க வேண்டும் என்ற  கனவு இந்த ஆண்டு டிசம்பருக்குள் நனவாகும். நிலங்களில் அதிக பணத்தை முதலீடு செய்வார்கள்.
4. துலாம்: சாதகமான கிரக சக்திகளால், இந்த ராசிக்காரர்கள் தங்கள் வருமானத்தை அதிகரித்து, ஒன்றுக்கு இரண்டு வீடுகளைப் பெற வாய்ப்புள்ளது. வாகன யோகம் நிச்சயமாக ஏற்படும். அவர்களின் இயல்பான வணிக நோக்குநிலை காரணமாக, இந்த ராசிக்காரர்கள் ரியல் எஸ்டேட்டில் அதிக முதலீடு செய்ய வாய்ப்புள்ளது. பங்குகள், முதலீடுகள் மற்றும் பிற கூடுதல் வருமான முயற்சிகள் போன்ற நிதி பரிவர்த்தனைகள் மூலம் அவர்கள் தங்கள் செல்வத்தை அதிகரிப்பதற்கான அறிகுறிகள் உள்ளது. மேலும் வீடுகள் மற்றும் ரியல் எஸ்டேட்டில் முதலீடு செய்வார்கள்.
5. தனுசு: இந்த ராசிக்காரர்கள் சொத்துக்களை குவிப்பதில் அதிக ஆர்வம் காட்டுவார்கள். தற்போதைய கிரக சஞ்சாரத்தால், இந்த ராசிக்காரர்கள் ரியல் எஸ்டேட் துறையை தொழிலாக தேர்வு செய்ய வாய்ப்புள்ளது. இந்த ஆண்டு அவர்களுக்கு பல வழிகளில் வருமானம் அதிகரிக்கும், வயல்கள் மற்றும் நிலங்களில் முதலீடு செய்வதற்கான அறிகுறிகள் உள்ளன. அக்டோபர் மற்றும் நவம்பர் மாதங்களில், அசையும் மற்றும் அசையா சொத்துக்களுக்கு காரணமான குரு உச்சத்தில் இருப்பதால், வீடு மற்றும் வாகன யோகங்கள் நிச்சயமாக இருக்கும்.
6. மகரம்: நிதி பாதுகாப்பு மற்றும் நிரந்தர வீடு ஆகியவை இந்த ராசிக்காரர்களின் வாழ்க்கை இலக்குகளாக இருக்கும். இவற்றை அடைய, இந்த ராசிக்காரர்களுக்கு சாதகமான கிரக நிலைகள் இருக்க அதிக வாய்ப்புள்ளது. அவர்கள் திட்டமிட்ட முயற்சிகளுடன் தங்கள் வருமானத்தை முதலீடு செய்வார்கள், கூடுதல் வருமானத்தை அதிகரிப்பார்கள், சொந்தமாக வீடு, வாகனம் மற்றும் நிலத்தை ஏற்பாடு செய்வார்கள். இப்போது மேற்கொள்ளப்படும் முயற்சிகள் அக்டோபர் மற்றும் நவம்பர் மாதங்களில் லக்னத்தின் பலத்தால் ஆதரிக்கப்படும்.

(ஜோதிட சாஸ்திர அடிப்படையில் இக்கட்டுரையில் உள்ள தகவல்கள் இடம் பெற்றுள்ளது. இதற்கு அதிகாரப்பூர்வமான விளக்கம் இல்லை. அதனால் டிவி9 தமிழ் பொறுப்பேற்காது)