தங்கம் குறித்த ஷாக் கணிப்பை வெளியிட்ட Bank Of India.. என்ன தெரியுமா?

Bank of America Predicts Sharp Gold Price Drop | தங்கம் விலை நாளுக்கு நாள் ஏற்ற, இறக்கங்களை சந்தித்து வருகிறது. இந்த நிலையில், 2026 ஆம் ஆண்டு இறுதிக்குள் தங்கம் விலை என்னவாகும் என்பது குறித்த முக்கிய கணிப்பை பேங்க் ஆஃப் இந்தியா வெளியிட்டுள்ளது.

மாதிரி புகைப்படம்

Vinalin Sweety | Published: 04 Oct 2026 13:32 PM IST

: உலக அளவில் இரண்டாவது வாரமாக தங்கம் தொடர் சரிவை சந்தித்து வருகிறது. இந்த நிலையில், முதலீட்டாளர்களுக்கு கவலை அளிக்கும் வகையில் முக்கிய கணிப்பு ஒன்றை பேங்க் ஆஃப் அமெரிக்கா வெளியிட்டுள்ளது. அதாவது 2026 ஆம் ஆண்டில் தங்கம் மிக கடுமையான சரிவை சந்திக்கும் என அது கூறியுள்ளது.

: அதாவது, சர்வதேச சந்தையில் தங்கம் விலை ஒரு அவுன்ஸ் 4,000 அமெரிக்க டாலர்களுக்கு கீழ் குறையும் என்றும், குறிப்பாக 3,750 அமெரிக்க டாலர்கள் வரை குறை வாய்ப்புள்ளதாகவும் கூறியுள்ளது. அதாவது இந்திய மதிப்பில் கணக்கிட்டு பார்த்தால் 10 கிராம் தங்கம் ரூ.1.15 லட்சம் வரை விற்பனை செய்யப்படும் வாய்ப்பு உள்ளது.

: இந்தியாவில் தங்கம் விலை டாலர் – ரூபாய் மாற்று விகிதம் மற்றும் உள்நாட்டு சந்தை நிலவரத்தை பொறுத்து மாறுபடும். கடந்த இரண்டு ஆண்டுகளாக தங்கத்தின் மீதான சாதகமான கணிப்பை வெளியிட்டு வரும் பேங்க் ஆஃப் இந்தியா இந்த முக்கிய கணிப்பையும் வெளியிட்டுள்ளது. குறிப்பாக எரிபொருள் விலை உயர்வால் பணவீக்கம் அதிகரிக்கலாம் என்ற கவலை இதற்கு முக்கிய காரணமாக கூறப்படுகிறது.

: மேலும் மத்திய கிழக்கு போர் பதற்றம் நீடித்து கச்சா எண்ணெய் விலை ஒரு பீப்பாய் 150 அமெரிக்க டாலர்கள் வரை எட்டினால், 2027 ஆம் ஆண்டு தங்கத்தின் சராசரி விலை வெறும் 3,500 அமெரிக்க டாலர்களாக குறையும் வாய்ப்பு உள்ளதாக கூறியுள்ளது. அதாவது, 10 கிராம் தங்கம் வெறும் ரூ.1.08 லட்சம் அளவில் குறையும் சாத்தியக்கூறுகள் உள்ளன.

: அமெரிக்க மத்திய வங்கி வட்டி விகிதத்தை உயர்த்தியதன் காரணமாக தங்கத்தின் மீதான முதலீடு குறைந்துள்ளது. தற்போதைய முதலீட்டு தேவை சுமார் 4,000 அமெரிக்க டாலர்களை தங்கம் விலை ஆதரிப்பதாகவும், அது 5,000 டாலர்கள் அளவை எட்ட முதலீட்டு தேவையை மேலும் கனிசமாக அதிகரிக்க வேண்டும் என்று கூறப்பட்டுள்ளது குறிப்பிடத்தக்கது.