Health Tips: தினமும் 30 நிமிடங்கள் வாக்கிங் போதும்.. இது சர்க்கரை அளவை கட்டுப்படுத்துமா?
Tips For Blood Sugar Control: சாப்பிட்ட பிறகு, உடலில் உள்ள கார்போஹைட்ரேட்டுகள் குளுக்கோஸாக உடைக்கப்பட்டு, இரத்த ஓட்டத்தில் வெளியிடப்படுகின்றன. சாப்பிட்ட பிறகு ஒருவர் உட்கார்ந்தாலோ அல்லது படுத்தாலோ, அவர்களின் இரத்த சர்க்கரை அளவு வேகமாக உயர்கிறது. இருப்பினும், சாப்பிட்ட பிறகு குறைந்தது 10 முதல் 15 நிமிடங்கள் நடப்பது, இரத்தத்தில் உள்ள சர்க்கரையை உடலின் தசைகள் பயன்படுத்திக்கொள்ள உதவுகிறது.
பெரும்பாலான மக்கள் சாப்பிட்ட உடனேயே சௌகரியமாக உட்கார்ந்து விடுகிறார்கள் அல்லது தூங்கி (Sleeping) விடுகிறார்கள். ஆனால் இந்த எளிய பழக்கம் உங்கள் ஆரோக்கியத்திற்கு மிகவும் தீங்கு விளைவிக்கும். சாப்பிட்ட பிறகு சிறிது தூரம் நடப்பது இரத்த சர்க்கரையை (Blood Sugar) கட்டுப்படுத்த பெரிதும் உதவும். உலகளவில் சர்க்கரை நோயின் பாதிப்புகள் அதிகரித்து வரும் மற்றும் பெரும்பாலான மக்கள் உடல் உழைப்பற்ற வாழ்க்கை முறையை ஏற்றுக்கொண்டுள்ளனர். அந்தவகையில், சர்க்கரை நோயை கட்டுப்படுத்துவதற்கான வழிமுறைகளை பின்பற்றி தெரிந்து கொள்வோம்.
ALSO READ: உயர் இரத்த அழுத்த பிரச்சனையா? இந்த காய்கறிகள் கட்டுப்படுத்தும்!
சாப்பிட்ட பிறகு நடப்பதன் நன்மைகள்
சாப்பிட்ட பிறகு, உடலில் உள்ள கார்போஹைட்ரேட்டுகள் குளுக்கோஸாக உடைக்கப்பட்டு, இரத்த ஓட்டத்தில் வெளியிடப்படுகின்றன. சாப்பிட்ட பிறகு ஒருவர் உட்கார்ந்தாலோ அல்லது படுத்தாலோ, அவர்களின் இரத்த சர்க்கரை அளவு வேகமாக உயர்கிறது. இருப்பினும், சாப்பிட்ட பிறகு குறைந்தது 10 முதல் 15 நிமிடங்கள் நடப்பது, இரத்தத்தில் உள்ள சர்க்கரையை உடலின் தசைகள் பயன்படுத்திக்கொள்ள உதவுகிறது. இதனால் இரத்த சர்க்கரையின் திடீர் உயர்வு குறைகிறது. இது இன்சுலின் செயல்பாட்டையும் மேம்படுத்துகிறது. இது சர்க்கரை நோயாளிகளுக்கு மட்டுமல்ல, அனைவரும் மனதில் கொள்ள வேண்டிய ஒரு முக்கியமான விஷயமாகும். ஏனெனில், இது நரம்பு ஆரோக்கியம், ஆற்றல் நிலைகள் மற்றும் வளர்சிதை மாற்றத்தை மேம்படுத்துகிறது.
ஒரு நாளைக்கு 3 முறை நடைப்பயிற்சி:
உடலை ஆரோக்கியமாக வைத்திருக்க பல மணிநேர அர்ப்பணிப்பு தேவை என்று பலர் நினைக்கிறார்கள். ஆனால் அதற்காக நீங்கள் பல மணிநேரங்களை ஒதுக்க வேண்டியதில்லை. காலை உணவுக்குப் பிறகு வெறும் 10 நிமிடங்கள் நடப்பதே போதுமானது என்று பரிந்துரைக்கப்படுகிறது. காலை, மதியம் மற்றும் இரவு உணவுக்குப் பிறகு நீங்கள் தலா 10 நிமிடங்கள் நடந்தால் கூட, அது ஒரு நாளைக்கு 30 நிமிடங்கள் ஆகும். உங்கள் உடலுக்கு அதுவே போதுமானது.
ALSO READ: சர்க்கரை நோயாளிகளே உஷார்! காலில் இந்த அறிகுறிகள் இருந்தால் அலட்சியம் வேண்டாம்!
இது வாரத்திற்கு சுமார் 210 நிமிட நடைப்பயிற்சிக்கு வழிவகுக்கிறது. இது ஆரோக்கியத்திற்காக நிர்ணயிக்கப்பட்ட குறைந்தபட்ச உடற்பயிற்சி இலக்கைப் பூர்த்தி செய்கிறது. நடப்பது சாத்தியமில்லை என்றால், பணியிடத்தில் சிறிது நேரம் நிற்பது அல்லது நடப்பதும் நன்மை பயக்கும். இருப்பினும், ஏற்கனவே சர்க்கரை நோய்க்கான மருந்துகளை உட்கொள்பவர்கள், மருத்துவரை கலந்தாலோசிக்காமல் அவற்றை நிறுத்திவிடக் கூடாது. ஏனெனில், இந்தப் பழக்கம் மருந்துகளுக்குப் பதிலாக அல்லாமல், அவற்றுடன் இணைந்து செயல்படுகிறது.
