யோவ் உன்ன நான் கேட்டனா ? இல்ல… நான் கேட்டனா? – லோகேஷ் கனகராஜ் குறித்து கலகப்பாக பேசிய ரஜினிகாந்த்
Super Star Rajinikanth: நடிகர் ரஜினிகாந்த் நடிப்பில் உருவகியுள்ள படம் கூலி. இயக்குநர் லோகேஷ் கனகராஜ் இயக்கத்தில் உருவாகியுள்ள இந்தப் படத்தில் இசை வெளியீட்டு விழா மற்றும் ட்ரெய்லர் வெளியீட்டு விழா நேற்று நடந்த நிலையில் இயக்குநர் லோகேஷ் குறித்து ரஜினிகாந்த் பேசியது வைரலாகி வருகின்றது.
இயக்குநர் லோகேஷ் கனகராஜ் (Director Lokesh Kanagaraj) இயக்கத்தில் சூப்பர் ஸ்டார் ரஜினிகாந்த் (Super Star Rajinikanth) நடிப்பில் தற்போது உருவாகியுள்ள படம் கூலி. இந்தப் படத்தில் நடிகர் ரஜினிகாந்த் உடன் இணைந்து நடிகர்கள் அமீர் கான், நாகர்ஜுனா, சத்யராஜ், சௌபின் ஷாகிர், ஸ்ருதி ஹாசன் மற்றும் உப்பேந்திரா ராவ் ஆகியோர் முக்கிய வேடங்களில் நடித்துள்ளனர். மேலும் இந்தப் படத்தை பிரபல தயாரிப்பு நிறுவனமான சன் பிக்சர்ஸ் சார்பில் தயாரிப்பாளர் கலாநிதிமாறன் தயாரித்துள்ள நிலையில் இசையமைப்பாளர் அனிருத் ரவிச்சந்திரன் இசையமைத்துள்ளார். படம் வருகின்ற 14-ம் தேதி ஆகஸ்ட் மாதம் 2025-ம் ஆண்டு திரையரங்குகளில் வெளியாக உள்ளது. இந்த நிலையில் படத்தின் ட்ரெய்லர் வெளியீட்டு விழா மற்றும் இசை வெளியீட்டு விழா நேற்று ஆகஸ்ட் மாதம் 2-ம் தேதி 2025-ம் ஆண்டு சென்னையில் நடைப்பெற்றது.
இந்த விழாவில் படக்குழுவினர் நடிகர்கள் என பலரும் கலந்துகொண்டு பேசினர். அதில் குறிப்பாக நடிகர் சூபர் ஸ்டார் ரஜினிகாந்த் பேசியது தற்போது இணையத்தில் ரசிகர்களிடையே வைரலாகி வருகின்றது. அதில் ரஜினிகாந்த் இயக்குநர் லோகேஷ் கனகராஜ் தான் ஒரு கமல் ரசிகன் என்று கூறியது குறித்து பேசியிருந்தார்.
நீ யார் ரசிகன்னு நான் உன்ன கேட்டனா ?
முன்னதாக பேட்டி ஒன்றில் பேசிய இயக்குநர் லோகேஷ் கனகராஜ் நான் ரஜினி சார்கிட்ட கதை சொல்லப் போனப்போ நான் கமல் சார் ஃபேன் என்று சொன்னேன். அப்போ அவர் அதுக்கு எதும் சொல்லல. ஆனால் படத்துக்கு டப்பிங் முடிச்சுட்டு கிளம்பும் போது அசிஸ்டண்ட் டைரக்டர்கிட்ட சொல்லி இருக்கார் உங்க டைரக்டர் இப்படி என்கிட்ட சொன்னாறு. நான் அவர ஆடியோ லாஞ்ச்ல பாத்துக்கிறேன்னு சொல்லிட்டி போனதாக லோகேஷ் கனகராஜ் தெரிவித்து இருந்தார். இது அவர் பேசியபோதே வைரலானது.
Also Read… கனிமா பாட்டுக்கு டான்ஸ் ஆடுனது இவ்வளவு வைரலாகும் நான் நினைக்கல – இயக்குநர் ஏ.ஆர்.முருகதாஸ்
இதனைத் தொடர்ந்து நேற்று சென்னையில் நடைப்பெற்ற இசை வெளியீட்டு விழாவில் ரஜினிகாந்த் இதுகுறித்து பேசியுள்ளார். அதன்படி அவர் பேசியதாவது, லோகேஷ் கனகராஜ் வந்து சொல்றாரு நான் கமல் சார் ஃபேன்னு. யோவ் உன்ன நான் கேட்டனா? இல்ல… நான் கேட்டனா? நீ யார் ஃபேன்னு நான் கேட்டனா? அப்புறம் ஏன்? பன்ச் டயலாக் எல்லாம் பேசற மாதிரி கதை இல்ல. இது இண்டலிஜண்ட் கதைனு இண்டைரக்டா சொல்றாராம் என்றும் பேசியிருந்தார். இது தற்போது ரசிகர்களிடையே வைரலாகி வருகின்றது.
இணையத்தில் வைரலாகும் எக்ஸ் தள பதிவு:
Superstar #Rajinikanth at #CoolieUnleased:
LokeshKanagaraj வந்து சொல்றார் “நான் கமல் fan sir “
யோவ் உன்ன நான் கேட்டனா ? இல்ல… நான் கேட்டனா ? நீ யார் Fanனு நான் கேட்டனா ?
அப்புறம் ஏன் ? 🤣பன்ச் டயலாக் எல்லாம் பேசற மாதிரி கதை இல்ல. இது Intelligent கதைனு Indirectaa சொல்றாராம்… pic.twitter.com/xSwCFtdnJs
— AmuthaBharathi (@CinemaWithAB) August 2, 2025
Also Read… கருப்பு படத்தில் என் கதாப்பாத்திரம் இப்படிதான் இருக்கும் – நடிகை சுவாசிகா ஓபன் டாக்!
