ரீ ரிலீஸாகும் மோகன்லாலின் ஆக்ஷன் மூவி ராவணபிரபு – ட்ரெய்லரை வெளியிட்ட படக்குழு
Ravanaprabhu Movie: நடிகர் மோகன்லால் நடிப்பில் மலையாள சினிமாவில் பல நூறு படங்கள் வெளியாகி சூப்பர் டூப்பர் ஹிட் அடித்துள்ளது. இந்த நிலையில் அவரது நடிப்பில் கடந்த 24 வருடங்களுக்கு முன்பு திரையரங்குகளில் வெளியான ராவணபிரபு படம் தற்போது மீண்டும் திரையரங்குகளில் வெளியாக உள்ளது.
பல நூறு சூப்பர் டூப்பர் ஹிட் படங்களில் நடித்த நடிகர் மோகன்லால் (Actor Mohanlal) தற்போது மலையாள சினிமாவின் அடையாளமாக இருந்து வருகிறார். இவரது நடிப்பில் தொடர்ந்து வெளியாகும் படங்கள் ரசிகர்களிடையே மாபெரும் வரவேற்பைப் பெற்று வருகின்றது. சினிமாவில் 50 ஆண்டுகளுக்கு மேலாக முன்னணி நடிகராக வலம் வரும் இவர் தற்போதும் இளம் தலைமுறையினருக்கு போட்டியாக தொடர்ந்து படங்களில் நடித்து ஹிட் கொடுத்து வருகிறார். சினிமாவில் மோகன்லாலின் சிறப்பான பங்காற்றலை பெருமைப் படுத்தும் விதமாக சமீபத்தில் மத்திய அரசு இவருக்கு தாதாசாகேப் பால்கே விருதை கொடுத்து கௌரவித்தது குறிப்பிடத்தக்கது. இது மலையாள திரையுலகிற்கு மட்டும் இன்றி ஒட்டுமொத்த கேரளாவிற்கும் பெருமை என்று ரசிகர்கள் கொண்டாடித் தீர்த்தனர். அதன்படி இந்த ஆண்டு மட்டும் நடிகர் மோகன்லால் நடிப்பில் இதுவரை 3 படங்கள் திரையரங்குகளில் வெளியாகி ரசிகர்களிடையே விமர்சன ரீதியாகவும் வசூல் ரீதியாகவும் மாபெரும் வரவேற்பைப் பெற்றது.
தொடர்ந்து படங்களில் நடிகர் மோகன்லால் பிசியாக நடித்து வரும் நிலையில் 24 ஆண்டுகளுக்கு முன்னதாக நடிகர் மோகன்லால் நடிப்பில் வெளியாகி ரசிகர்களிடையே சூப்பர் டூப்பர் ஹிட் அடித்த ராவணபிரபு படத்தை மீண்டும் திரையரங்குகளில் வெளியிட படக்குழு திட்டமிட்டுள்ளது. அதன்படி ஆக்ஷன் த்ரில்லர் படமாக கடந்த 2001-ம் ஆண்டு ஆகஸ்ட் மாதம் 31-ம் தேதி திரையரங்குகளில் வெளியான இந்தப் படத்தை இயக்குநர் ரஞ்சித் எழுதி இயக்கி இருந்தார்.
மோகன்லாலின் ராவணபிரபு படத்தின் ரீ ரிலீஸ் ட்ரெய்லர் வெளியானது:
இந்த நிலையில் இந்தப் படம் வருகின்ற 10-ம் தேதி அக்டோபர் மாதம் 2025-ம் ஆண்டு திரையரங்குகளில் மீண்டும் 4கே வடிவில் வெளியாக உள்ளது. இந்தப் படத்தில் நடிகர் மோகன்லால் உடன் இணைந்து நடிகர்கள் நெப்போலியன், வசுந்தரா தாஸ், சனுஷா, சித்திக், விஜயராகவன், சாய் குமார், மனோஜ் கே. ஜெயன், அப்பாவி, அகஸ்டின், வி.கே.ஸ்ரீராமன், ஜெகதி ஸ்ரீகுமார், ஜெகதீஷ், என்.எப்.வர்கீஸ், ரதீஷ், ராஜஸ்ரீ, பாத்திமா பாபு, நாதிர்ஷா, டி.பி.மாதவன், சுகுமாரி, பாபுராஜ், நளினி, மஞ்சு பிள்ளை, அபு சலீம், பெசன்ட் ரவி, ஜோஜு ஜார்ஜ், மதுபால், ரேவதி, ஜனார்த்தனன், ராமு, விந்தியா, காஷ்மீர் ஷா என பலரும் இந்தப் படத்தில் நடித்து இருந்தது குறிப்பிடத்தக்கது. இந்தப் படம் மீண்டும் திரையரங்குகளில் வெளியாவது ரசிகர்களிடையே மகிழ்ச்சியை ஏற்படுத்தியுள்ளது.
Also Read… கார் பறிமுதல் வழக்கில் துல்கர் சல்மானின் கோரிக்கையை நிராகரித்த நீதிமன்றம்
நடிகர் மோகன்லால் வெளியிட்ட எக்ஸ் தள பதிவு:
#Ravanaprabhu4k official trailerhttps://t.co/5UCn2OetqU
— Mohanlal (@Mohanlal) October 8, 2025
Also Read… தனுஷ் – செல்வராகவன் யாருக்கு சேட்டை அதிகம்… கஸ்தூரி ராஜா சொன்ன விசயம்
