குபேரா, டிஎன்ஏ, சென்னை சிட்டி கேங்ஸ்டர்… எந்தப் படத்தை முதலில் பாக்க போறீங்க?
Theatre Release Movies: கோலிவுட் சினிமாவில் ஜூன் மாதம் தொடக்கத்தில் நடிகர் கமல் ஹாசனின் தக் லைஃப் படம் வெளியானது. அதனைத் தொடர்ந்து அடுத்த வாரம் என பெரிய படங்களும் வெளியாகவில்லை. இந்த நிலையில் இந்த வாரம் மூன்று படங்கள் திரையரங்குகளில் வெளியாகவுள்ளது.
2025-ம் ஆண்டு தொடங்கியதில் இருந்தே கோலிவுட் சினிமாவில் (Kollywood Cinema) முன்னணி நடிகர்களின் படங்கள் தொடர்ந்து வரிசையாக வெளியாகி வருகின்றது. இதுவரை அஜித் குமார் (Ajith Kumar), சூர்யா, கமல் ஹாசன், சிலம்பரசன் என கோலிவுட் சினிமாவின் உச்ச நடிகர்களின் படங்கள் வெளியாகி ரசிகர்களிடையே நல்ல வரவேற்பைப் பெற்றது. இந்த நிலையில் அடுத்ததாக நடிகர்கள் தனுஷ், ரஜினிகாந்த், சிவகார்த்திகேயன் படங்கள் இந்த ஆண்டு அடுத்தடுத்து திரையரங்குகளில் வெளியாக உள்ளது. அதில் இந்த வாரம் நடிகர் தனுஷ் நடிப்பில் உருவாகியுள்ள குபேரா படம் திரையரங்குகளில் வெளியாக உள்ளது. மேலும் இந்தப் படத்துடன் கோலிவுட் சினிமாவில் நடிகர் அதர்வாவின் நடிப்பில் உருவாகியுள்ள டிஎன்ஏ படம் மற்றும் நடிகர் வைபவின் நடிப்பில் உருவாகியுள்ள சென்னை சிட்டி கேங்ஸ்டர் ஆகிய படங்களும் வெளியாக உள்ளது.
வருகின்ற ஜூன் மாதம் 20-ம் தேதி 2025-ம் ஆண்டு தமிழ் சினிமாவில் மட்டும் 3 நடிகர்களின் படங்கள் வெளியாகவுள்ள நிலையில் படம் வெளியான பிறகே எந்தப் படத்திற்கு ரசிகர்களிடையே வரவேற்பு அதிகமாக உள்ளது என்பது குறித்து தெரியவரும்.
நடிகர் தனுஷ் நடிப்பில் உருவாகியுள்ள குபேரா படம்:
நடிகர் தனுஷ் நாயகனாக நடித்துள்ள 51-வது படம் குபேரா. இந்தப் படத்தை இயக்குநர் சேகர் கம்முலா இயக்கி உள்ள நிலையில் நடிகை ராஷ்மிகா மந்தனா நாயகியாக நடித்துள்ளார். இவர்களுடன் இணைந்து நடிகர் நாகர்ஜுனா முக்கிய கதாப்பாத்திரத்தில் நடித்துள்ளது குறிப்பிடத்தக்கது. மேலும் இந்தப் படத்திற்கு இசையமைப்பாளர் தேவி ஸ்ரீ பிரசாத் இசையமைத்துள்ளார்.
குபேரா படத்தின் ட்ரெய்லர்:
நடிகர் அதர்வா நடிப்பில் உருவாகியுள்ள டிஎன்ஏ படம்:
நடிகர் அதர்வா நாயகனாக நடித்துள்ள படம் டிஎன்ஏ. இந்தப் படத்தை இயக்குநர் நெல்சன் வெங்கடேசன் இயக்கி உள்ள நிலையில் நடிகை நிமிஷா சஜயன் நாயகியாக நடித்து உள்ளார். மேலும் இந்தப் படத்தில் இவர்களுடன் இணைந்து நடிகர்கள் பாலாஜி சக்திவேல், ரமேஷ் திலக், விஜி சந்திரசேகர், சேத்தன், ரித்விகா கே.பி ஆகியோர் முக்கிய வேடங்களில் நடித்துள்ளது குறிப்பிடத்தக்கது.
டிஎன்ஏ படத்தின் ட்ரெய்லர்:
நடிகர் வைபவ் நடிப்பில் உருவாகியுள்ள சென்னை சிட்டி கேங்ஸ்டர்:
நடிகர் வைபவ் நாயகனாக நடித்துள்ள படம் சென்னை சிட்டி கேங்ஸ்டர். இந்தப் படத்தை இயக்குநர்கள் விக்ரம் ராஜேஷ்வர் மற்றும் அருண் கேசவ் ஆகியோர் இணைந்து இயக்கியுள்ளனர். நடிகை அதுல்யா ரவி நாயகியாக நடித்துள்ள இந்தப் படத்தில் இவர்களுடன் இணைந்து நடிகர்கள் மணிகண்டன் ராஜேஷ், ஆனந்தராஜ், நான் கடவுள் ராஜேந்திரன், ஜான் விஜய், ரெடின் கிங்ஸ்லி, சுனில் ரெட்டி ஆகியோர் நடித்துள்ளனர்.
சென்னை சிட்டி கேங்ஸ்டர் படத்தின் ட்ரெய்லர்:
