விஜயின் ஜன நாயகன் படத்தில் கேமியோ ரோலில் நடிக்கும் பிரபலங்கள்? வைரலாகும் தகவல்
Vijays Jana Nayagan: நடிகர் தளபதி விஜய் நடிப்பில் தற்போது ரசிகர்கள் அதிகம் எதிர்பார்த்து காத்திருக்கும் படம் ஜன நாயகன். இந்தப் படத்தில் நடிகர் விஜயுடன் இணைந்து பிரபலங்கள் பலர் நடித்து வருகின்றனர். இந்த நிலையில் இரண்டு முக்கிய பிரபலங்கள் படத்தில் கேமியோ ரோலில் நடித்துள்ளதாக தகவல்கள் வெளியாகி உள்ளது.
நடிகர் விஜய் (Actor Vijay) நடிப்பில் இறுதியாக திரையரங்குகளில் வெளியாகி ரசிகரக்ளிடையே மாபெரும் வரவேற்பைப் பெற்றப் படம் தி கிரேட்டஸ்ட் ஆஃப் ஆல் டைம். இந்தப் படத்தை இயக்குநர் வெங்கட் பிரபு எழுதி இயக்கி இருந்தார். இந்த நிலையில் படத்தில் நடிகர் விஜய் அப்பா மற்றும் மகன் என இரட்டை வேடங்களில் நடித்து இருந்தார். இதில் மகன் கதாப்பாத்திரத்திற்கு டீ ஏஜிங் மூலம் வயது குறைவாக காட்டப்பட்டு இருந்தது ரசிகர்களிடையே ஆச்சரியத்தை ஏற்படுத்தியது. அதனைத் தொடர்ந்து இந்தப் படத்தில் அப்பா விஜய்க்கு நடிகை சினேகா ஜோடியாகவும் மகன் விஜய்க்கு நடிகை மீனாட்சி சௌத்ரி ஜோடியாகவும் நடித்து இருந்தனர். பொதுவாதக நடிகர் விஜய் இரட்டை வேடத்தில் நடிக்கிறார் என்றால் அதில் ஒருவர் வில்லனாக இருப்பது போல இந்தப் படத்திலும் அப்படி தான் அமைக்கப்பட்டு இருந்தது.
இந்தப் படத்தில் மகன் விஜய் வில்லனாக காட்டப்பட்டு இருந்தார். மேலும் இந்தப் படத்தில் இசையமைப்பாளர் யுவன் சங்கர் ராஜா இசையமைத்து இருந்து இருந்தார். குறிப்பாக பல ஆண்டுகளுக்குப் பிறகு யுவன் சங்கர் ராஜா விஜயின் படத்திற்கு இசையமைத்து இருந்தது குறிப்பிடத்தக்கது. படம் ரசிகர்களிடையே நல்ல வரவேற்பைப் பெற்றது போல பாடல்களும் வரவேற்பைப் பெற்றது குறிப்பிடத்தக்கது.
ஜன நாயகன் படத்தில் கேமியோ செய்யும் முக்கிய பிரபலங்கள் யார் யார்?
தி கிரேட்டஸ்ட் ஆஃப் ஆல் டைப் படத்தை தொடர்ந்து நடிகர் விஜய் நடிக்க ஒப்பந்தமான படம் ஜன நாயகன். இந்தப் படத்தை தொடர்ந்து இனி படங்களில் நடிக்கப் போவதில்லை என்றும் முழு நேர அரசியலில் ஈடுபட உள்ளேன் என்று நடிகர் விஜய் முன்னதாக தெரிவித்தது அவரது ரசிகர்களிடையே அதிர்ச்சியை ஏற்படுத்தியுள்ளது.
மேலும் இதுதான் விஜயின் நடிப்பில் வெளியாகும் கடைசிப் படம் என்பதால் படத்தின் மீதான எதிர்பார்ப்பும் ரசிகர்களிடையே அதிகரித்துள்ளது. இந்தப் படத்தை இயக்குநர் எச். வினோத் இயக்கி வரும் நிலையில் படம் வருகின்ற ஜனவரி மாதம் 9-ம் தேதி 2026-ம் ஆண்டு திரையரங்குகளில் வெளியாக உள்ளது குறிப்பிடத்தக்கது.
Also Read… சூரியாவின் கருப்பு படத்தின் ரிலீஸ் எப்போது? இணையத்தில் வைரலாகும் தகவல்!
இந்தப் படத்தில் பல முன்னணி நடிகர்கள் நடித்துள்ள நிலையில் இரண்டு முக்கிய பிரபலங்கள் கேமியோ ரோலில் நடித்துள்ளதாக தகவல்கள் வெளியாகி உள்ளது. அதன்படி இயக்குநர் லோகேஷ் கனகராஜ் மற்றும் தமிழக வெற்றிக் கழகத்தின் பொதுச்செயலாளர் புஸ்சி ஆனந்த் ஆகியோர் நடித்துள்ளதாக தெரிவிக்கப்பட்டுள்ளது.
ஜன நாயகன் படக்குழு வெளியிட்ட எக்ஸ் தள பதிவு:
9th January 2026 🌋🌋 pic.twitter.com/0BBZxrQnVe
— Jana Nayagan (@JanaNayaganVJ) August 14, 2025
Also Read… மார்ஷல் படத்தில் கார்த்திக்கு வில்லனான ஆதி… வைரலாகும் தகவல்!
