Selvaraghavan: உண்மை கதையில்… செல்வராகவனின் ‘மனிதன் தெய்வமாகலாம்’ பட டீசர் வெளியானது!
Manithan Deivamagalam Movie Teaser: தமிழில் பிரபல இயக்குநராகவும், நடிகராகவும் படங்களில் நடித்துவருபவர் செல்வராகவன். இவர் கதாநாயகனாக நடித்துள்ள புது படம்தான் மனிதன் தெய்வமாகலாம். தற்போது இந்த படத்தின் டீசரை நடிகர் தனுஷ் வெளியிட்டுள்ளார். இது ரசிகர்கள் மத்தியில் வரவேற்பைப் பெற்றுவருகிறது.
கோலிவுட் சினிமாவில் ஆரம்பத்தில் இயக்குநராக சினிமாவில் நுழைந்தவர் செல்வராகவன் (Director Selvaraghavan). இவரின் இயக்கத்தில் தனுஷ் (Dhanush) முதல் சூர்யா (Suriya) வரை, பல்வேறு பிரபலங்கள் இணைந்து படங்களில் நடித்துள்ளனர். அந்த வகையில் தற்போது இவரும் படங்களில் கதாநாயகனாகவும், முக்கிய வேடங்களிலும் நடித்துவருகிறார். இவர் தளபதி விஜய் (Thalapathy Vijay) முதல் பல்வேறு படங்களில் முக்கிய வேடங்களில் நடித்து வரவேற்பை பெற்றிருக்கிறார். இந்நிலையில் இவர் கதாநாயகனாக நடித்துள்ள புது திரைப்படம்தான் “மனிதன் தெய்வமாகலாம்” (Manithan Deivamagalam Movie). இந்த படத்தில் செல்வராகவான் கதாநாயகனாக நடிக்க, அவருக்கு ஜோடியாக கன்னட நடிகை குஷீ ரவி (Kushee Ravi) என்பவர் நடித்துள்ளார். இந்த படமானது முற்றிலும் எமோஷனல் திரில்லர் கதைக்களத்தில் தயாராகியுள்ளது.
இதை டிரிப் மற்றும் தூக்குத்தூரை போன்ற படங்களை இயக்கியிருந்த, இயக்குநர் டென்னிஸ் மஞ்சுநாத் இயக்கியுள்ளார். இப்படத்தின் ஷூட்டிங் இறுதிக்கட்டத்தை எட்டிய நிலையில், தற்போது இந்த படத்தின் டீசர் வெளியாகியுள்ளது. இப்படத்தின் டீசரை நடிகர் தனுஷ் தனது எக்ஸ் பக்கத்தில் வெளியிட்டுள்ளார் என்பது குறிப்பிடத்தக்கது.
இதையும் படிங்க: நாக சைத்தன்யா நடிப்பில் வெளியானது வ்ருஷகர்மா கிளிம்ஸ் வீடியோ!
நடிகர் தனுஷ் பகிர்ந்த மனிதன் தெய்வமாகலாம் படத்தின் டீசர் குறித்த எக்ஸ் பதிவு:
Happy Birthday my brother and mentor @selvaraghavan sir,
Glad to unveil the #ManithanDeivamagalam Teaser
Wishing the team all the very best.https://t.co/u21LM3g5br#HBDselvaraghavan pic.twitter.com/as4eBY0k6n— Dhanush (@dhanushkraja) March 5, 2026
இந்த மனிதன் தெய்வமாகலாம் என்ற படத்தில் செல்வராகவன் மற்றும் குஷீ ரவி போன்றவர்களுடன், நடிகர்கள் கௌசல்யா, லிரித்திகா, ஹேமா, மைம் கோபி, மகேந்திரன், சதீஸ் உள்ளிட்ட பல்வேறு பிரபலங்கள் இணைந்து பணியாற்றியுள்ளனர். இப்படத்திற்கு இசையமைப்பாளர் ஏ.கே.பிரியன் இசையமைத்துவரும் நிலையில், வ்யோம் எண்டெர்டெயின்மென்ட் என்ற நிறுவனமானது தயாரித்துள்ளது. இந்த படமானது முற்றிலும் வித்தியாசமான கதைக்களத்தில் அமைந்திருக்கும் நிலையில், படத்தின் மீதான எதிர்பார்ப்புகள் அதிகரித்துவருகிறது.
இதையும் படிங்க: எதிர்நீச்சல் 2 சீரியலில் வில்லனாக மிரட்டும் வேல ராம மூர்த்தியின் ஒரு நாள் சம்பளம் இவ்வளவா? வைரலாகும் தகவல்
இப்படத்தை அடுத்ததாக இயக்குநர் செல்வராகவனின் இயக்கத்தில் மெண்டல் மனதில் என்ற படமானது தயாராகியுள்ளது. இதில் ஜி.வி.பிரகாஷ் குமார் கதாநாயகனாக நடித்திருக்கும் நிலையில், மதுரியா ஜெயின் கதாநாயகையாக நடித்துள்ளார். இப்படத்திற்கு ஜி.வி. பிரகாஷ் குமரே இசையமைத்துள்ள நிலையில், உயிரே உயிரே என்ற ப முதல் பாடல் சமீபத்தில் வெளியாகியிருந்தது. இப்படத்தை அடுத்ததாக 7 ஜி ரெயின்போ காலனி 2 என அடுத்தடுத்த படங்களை செல்வராகவன் இயக்க தொடங்கியுள்ளார் என்பது குறிப்பிடத்தக்கது.
