Kuberaa : அதிரடி நாயகனான தனுஷ்.. எதிர்பார்ப்பைத் தூண்டும் குபேரா ட்ரெய்லர் வெளியானது!

டோலிவுட் சினிமாவின் முன்னணி இயக்குநர்களில் ஒருவர்தான் சேகர் கம்முலா (Sekhar Kammula). இவரின் இயக்கத்தில் பான் இந்தியப் படமாக உருவாகியிருப்பது குபேரா (Kuberaa). இந்த படத்தில் முன்னணி நாயகனாகத்  நடிகர் தனுஷ் (Dhanush) நடித்துள்ளார். இந்த படமானது தனுஷின் 52வது திரைப்படமாக கடந்த 2023ம் ஆண்டிலே அறிவிக்கப்பட்டது. இந்த படத்தில் நடிகர் தனுஷ் முன்னணி நாயகனாக நடித்துள்ள நிலையில், அவருக்கு இணையான கதாபாத்திரத்தில் நடிகர் நாகார்ஜுனா (Nagarjuna) இணைந்து நடித்துள்ளார். மேலும் இந்த படத்தில் பான் இந்திய நாயகி ராஷ்மிகா மந்தனா (Rashmika Mandanna) நடித்துள்ளார். இயக்குநர் சேகர் கம்முலாவின் இயக்கத்தில் உருவாகியிருக்கும் இந்த குபேரா படமானது, அரசியல் திரில்லர் திரைப்படமாக உருவாகியிருக்கிறது. இந்த படத்தில்  ஊழல்கள் குறித்து முக்கியமாகப் பேசப்பட்டுள்ளது என்று கூறப்படுகிறது.

இந்த படத்திற்கு இசையமைப்பாளர் தேவி ஸ்ரீ பிரசாத் (Devi Sri Prasad) இசையமைத்திருக்கிறார். இவரின் இசையமைப்பில் இப்படத்திலிருந்து 3 பாடல்கள் வெளியாகி வரவேற்பைப் பெற்ற வருகிறது. மேலும் இப்படமானது வரும் 2025, ஜூன் 20ம் தேதியில் உலகமெங்கும் வெளியாகவுள்ள நிலையில், படக்குழு படத்தின் ட்ரெய்லரை வெளியிட்டுள்ளது.

இதையும் படியுங்கள்

Rajinikanth : ‘டூரிஸ்ட் பேமிலி’ படக் குழுவை நேரில் சந்தித்த சூப்பர் ஸ்டார் ரஜினிகாந்த்!

Maaman : சூரியின் ‘மாமன்’ படத்தின் மொத்த வசூல் எவ்வளவு தெரியுமா? அட இத்தனை கோடிகளா?

திருமணம் குறித்த சர்ச்சை – முதல் முறையாக மனம் திறந்த அனிருத்!

Kannappa : கண்ணப்பா படத்தின் ட்ரெய்லரில் இதைக் கவனித்தீர்களா?

குபேரா படக்குழு வெளியிட்ட எக்ஸ் பதிவு :

The explosive #KuberaaTrailer is out now 🔥

Tamil – https://t.co/oYuOqoNkHQ
Telugu – https://t.co/I4I4zHhiCs
Hindi – https://t.co/XvDkQvVeGN

Get ready for an emotional, intense ride hitting theatres on June 20 ♥️#Kuberaa #SekharKammulasKuberaa #KuberaaOn20thJune pic.twitter.com/ReQwnIeO9X

— Kuberaa Movie (@KuberaaTheMovie) June 15, 2025

தனுஷின் குபேரா ட்ரெய்லர் எப்படி இருக்கிறது :

இயக்குநர் சேகர் கம்முலாவின் இயக்கத்தில் இந்த படமானது மிகவும் வித்தியாசமாகவே அமைந்துள்ளது. இந்த படத்தில் தனுஷ் தேவா என்றார் பிச்சைக்காரனாக நடித்துள்ளார். மேலும் இப்படத்தில் நடிகர் நாகார்ஜுனா மிக முக்கிய அரசியல் கதாபாத்திரத்தில் நடித்துள்ளார்.

மேலும் நடிகை ராஷ்மிகா மந்தனாவும் சாதாரணமான பெண் கதாபாத்திரத்தில் தனது நடிப்பை வெளிப்படுத்தியிருக்கிறார். மேலும் தனுஷின் நடிப்பே இந்த ட்ரெய்லரில் மிகவும் அருமையாக இருக்கிறது. நிச்சயமாக பான் இந்திய வெற்றிப் படமாக இப்படம் அமையும் என்று எதிர்பார்க்கப்படுகிறது.

ட்ரெய்லர் மற்றும் ப்ரீ-ரிலீஸ் நிகழ்ச்சி :

இந்த குபேரா படத்தின் ட்ரெய்லர் மற்றும் ப்ரீ- ரிலீஸ் நிகழ்ச்சி கடந்த 2025, ஜூன் 13ம் தேதியில் ஹைதராபாத்தில் நடைபெறவிருந்தது. இந்நிலையில் ஏர் இந்தியா விமான விபத்தின் காரணமாக, அன்று நடைபெறவிருந்த நிகழ்ச்சி மற்றும் ட்ரெய்லர் ரிலீஸை படக்குழு மொத்தமாக 2025, ஜூன் 15ம் தேதிக்கு ஒத்திவைத்தது. இந்நிலையில் படத்தின் ப்ரீ ரிலீஸ் நிகழ்ச்சியை முன்னிட்டு படத்தின் ட்ரெய்லரும் வெளியாகியுள்ளது.

இந்த குபேரா படமானது அரசியல் சார்ந்த திரில்லர் படமாக உருவாகியிருக்கிறது. மேலும் வரும் 2025, ஜூன் 20ம் தேதி முதல் தமிழ், தெலுங்கு, கன்னடம் மற்றும் இந்தி போன்ற மொழிகளில் வெளியாகவுள்ளது. இப்படத்தின் ரிலீசிற்கு இன்னும் சில நாட்கள் மட்டும் உள்ள நிலையில், விரைவில் இப்படத்தின் ப்ரீ புக்கிங் தொடங்கவுள்ளது என்பது குறிப்பிடத்தக்கது.