முன்னாள் கணவரின் இறப்பிற்கு பிறகு மறதியால் பாதிக்கப்பட்ட பிரபல நடிகை – என்ன நடந்தது?
Famous Actress Began Suffering Memory Loss: இந்திய சினிமாவின் முன்னணி நட்சத்திரங்களாக வலம் வருபர்களுக்கு ஜோடியாக நடித்த பிரபல நடிகை தற்போது மறதியால் பாதிக்கப்பட்டு அவதிபடும் செய்தி வெளியாகி ரசிகர்களிடையே சோகத்தை ஏற்படுத்தியுள்ளது. அந்த செய்தி குறித்து தற்போது பார்க்கலாம்.
தமிழ் சினிமா மட்டும் இன்றி தென்னிந்திய சினிமாவில் உள்ள பிரபல முன்னணி நடிகர்கள் பலருக்கு நாயகியாக நடித்தவர் நடிகை பானுபிரியா. இவர் தமிழ் சினிமாவில் 1983-ம் ஆண்டு இயக்குநர்கள் பாரதி மற்றும் வாசு இருவரும் இணைந்து இயக்கிய மெல்ல பேசுங்கள் என்ற படத்தின் மூலம் நடிகையாக அறிமுகம் ஆனார். இந்தப் படத்தை தொடர்ந்து நடிகை பானுபிரியா தமிழ் சினிமாவில் தொடர்ந்து படங்களில் நடித்து வந்த இவர் மலையாளம், தெலுங்கு, இந்தி என பான் இந்திய மொழிகளில் நடித்து வந்தார். அந்த வகையில் பான் இந்திய மொழிகளில் சூப்பர் ஸ்டார்களாக வலம் வரும் முன்னணி நடிகர்களான ரஜினிகாந்த், கமல் ஹாசன், மம்முட்டி மற்றும் மோகன்லால் என பலருடன் இணைந்து நடித்துள்ளார் நடிகை பானுபிரியா.
இவரது நடிப்பில் வெளியான படங்கள் பல ரசிகர்களிடையே தற்போதும் வரவேற்பைப் பெற்று வருகின்றது. அந்த வகையில் இவரது நடிப்பில் வெளியான ஆராரோ ஆரிராரோ, சீரயில் பூத்த சின்ன மலர், சத்ரியன், கோபுர வாசலிலே, பொண்டாட்டி சொன்ன கேட்கணும், அழகன், மகுடம், காவிய தலைவன், கோகுலம் என பல சூப்பர் ஹிட் தமிழ் படங்களில் நடிகை பானுபிரியா நடித்துள்ளார். தொடர்ந்து நாயகியாக நடித்து வந்த நடிகை பானுபிரியா பின்பு அம்மா, அக்கா மற்றும் அண்ணி என்று தொடர்ந்து மற்ற கதாப்பாத்திரங்களில் நடிகை பானுபிரியா நடித்து வந்தார். இறுதியாக நடிகர் சிவகார்த்திகேயனின் நடிப்பில் வெளியான அயலான் படத்தில் அவருக்கு அம்மாவாக நடித்து இருந்தார் என்பது குறிப்பிடத்தக்கது.
Also Read… விஜய் சேதுபதி குறித்து புகழ்ந்து பேசிய நெல்சன் திலீப் குமார் – வைரலாகும் வீடியோ
மறதியால் பாதிக்கப்பட்ட நடிகை பானு பிரியா:
இந்த நிலையில் சமீபத்தில் வெளியான செய்தியில் நடிகை பானுபிரியா மறதி நோயால் பாதிக்கப்பட்டுள்ளதாக தகவல்கள் தெரிவிக்கின்றது. அதன்படி அந்த செய்தியில் நடிகை பானுபிரியா தனக்கு மறதி ஏற்படுவது குறித்து தெரிவித்துள்ளார். தற்போதைய நாட்களின் என் உடல்நலம் சரியாக இல்லை. அதிக அளவில் மறதி ஏற்படுகின்றது. இது குறித்து இரண்டு ஆண்டுகளுக்கு முன்பு பேட்டியில் தெரிவித்து உள்ளார். மேலும் முன்னதாக சில நேரங்களில் சில மனிதர்கள் படத்தில் நடித்துக்கொண்டிருந்த போது தனது வசனத்தை மறந்ததாகவும் அவர் தெரிவித்து இருந்தார்.
Also Read… தொடர்ந்து 8-வது முறையாக ரஜினிகாந்த் படத்தில் ஒப்பந்தமாகும் அனிருத்? வைரலாகும் தகவல்
