12 ஆண்டுகளை நிறைவு செய்தது நடிகர் ஜெய்யின் நவீன சரஸ்வதி சபதம் படம்
12 Years Of Naveena Saraswathi Sabatham: தமிழ் சினிமாவில் நடிகர் ஜெய் நடிப்பில் அடுத்தடுத்து வெளியாகும் படங்கள் ரசிகர்களிடையே நல்ல வரவேற்பைப் பெற்று வருகின்றது. இந்த நிலையில் நடிகர் ஜெய் நடிப்பில் முன்னதாக வெளியான நவீன சரஸ்வதி சபதம் படம் 12 ஆண்டுகளை நிறைவு செய்துள்ளது.
தமிழ் சினிமாவில் கடந்த 2013-ம் ஆண்டு நவம்பர் மாதம் 29-ம் தேதி திரையரங்குகளில் வெளியான படம் நவீன சரஸ்வதி சபதம். ஃபேண்டசி காமெடி பாணியில் வெளியான இந்தப் படத்தில் நடிகர் ஜெய் நாயகனாக நடித்து இருந்தார். மேலும் இந்தப் படத்தை இயக்குநர் கே சந்துரு எழுதி இயக்கி இருந்தார். இந்த நிலையில் நடிகர் ஜெய் உடன் இணைந்து இந்தப் படத்தில் நடிகர்கள் நிவேதா தாமஸ், VTV கணேஷ், சத்யன், ராஜ்குமார், மனோபாலா, சுப்பு பஞ்சு, தேவதர்ஷினி, ரம்யா சங்கர், சுவாமிநாதன், சித்ரா லட்சுமணன், படவா கோபி, ஆர்.எஸ்.சிவாஜி, உஷா எலிசபெத், ராஜ் கமல், அர்ச்சனா ஹரிஷ், எஸ்.வி.எஸ்.குமார், டி.ஆர்.லதா, ரேகா சுரேஷ், எமி, விஷால் வெங்கட், மாஸ்டர் மதுசூதனன், வெங்கட் பிரபு, சாம் ஆண்டர்சன் என பலர் இந்தப் படத்தில் முக்கிய வேடத்தில் நடித்து இருந்தனர்.
மேலும் இந்தப் படம் திரையரங்குகளில் வெளியான போது ரசிகர்களிடையே விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்றது. இந்தப் படத்தை பிரபல தயாரிப்பு நிறுவனமான ஏஜிஎஸ் எண்டர்டெய்ன்மெண்ட் சார்பாக தயாரிப்பாளர்கள் கல்பாத்தி எஸ். அகோரம், கல்பாத்தி எஸ்.கணேஷ், கல்பாத்தி எஸ். சுரேஷ் ஆகியோர் இணைந்து தயாரித்து இருந்தனர். மேலும் இந்தப் படத்திற்கு இசையமைப்பாளர் பிரேம் குமார் இசையமைத்து இருந்த நிலையில் படம் ரசிகர்களிடையே நல்ல வரவேற்பைப் பெற்றது போல படல்களும் ரசிகர்களிடையே நல்ல வரவேற்பைப் பெற்றது.
12 ஆண்டுகளை நிறைவு செய்தது நவீன சரஸ்வதி சபதம்:
சித்தா டாக்டராக பணியாற்றி வந்த நடிகர் ஜெய் ஒரு டிவி சேனலில் பாடல் போட்டியில் பங்கேற்ற நடிகை நிவேதா தாமஸை காதல் செய்கிறார். இவர்களின் காதலுக்கு இரு வீட்டாரின் சம்மதத்துடன் திருமணம் ஏற்பாடு நடைபெறுகிறது. இந்த நிலையில் இந்த திருமணத்திற்கு பேச்சுளர் பார்ட்டி கொண்டாடும் வகையில் ஜெய்யின் நண்பர்களான விடிவி கணேஷ், சத்யன் மற்றும் ராஜ்குமார் ஆகியோர் முடிவு செய்து கொண்டாடுகின்றனர்.
விடிய விடிய குடித்துவிட்டு போதையில் இருந்து அவர்கள் தெளிந்து எழுந்த போது ஆளே இல்லாத ஒரு தீவில் மாட்டிக்கொள்கிறார்கள். அந்த தீவில் இருந்து வெளியே தப்பிக்க 6 மாதங்களாக போராடி வருகின்றனர். இறுதியில் அவர்கள் எப்படி தப்பினார்கள் என்பதே படத்தின் கதை.
Also Read… தேரே இஸ்க் மெய்ன் படத்தின் வசூல் எவ்வளவு? அப்டேட் இதோ
நவீன சரஸ்வதி சபதம் படக்குழு வெளியிட்ட எக்ஸ் தள பதிவு:
Celebrating 12 years of the fun-filled entertainer #NaveenaSaraswathiSabatham 😎#12YearsOfNaveenaSaraswathiSabatham#KalpathiSAghoram #KalpathiSGanesh #KalpathiSSuresh@Actor_Jai @i_nivethathomas #VTVGanesh #Premkumar @dirchandru @archanakalpathi @aishkalpathi… pic.twitter.com/rvvOaUwVCr
— AGS Entertainment (@Ags_production) November 29, 2025
Also Read… வாத்தி பட ஷூட்டிங்கில் அகாண்டா படத்தை புகழ்ந்து பேசிய தனுஷ் – நடிகை சம்யுக்தா மேனன் ஓபன் டாக்
