அதிமுகவில் இருந்து விலகி திமுகவில் ஐக்கியமான முக்கிய புள்ளிகள்… வகித்த – வகிக்கும் பதவிகள்.. முழு விவரம்!

தமிழகத்தில் அதிமுகவில் முக்கிய பொறுப்புகளில் இருந்து வந்த பல்வேறு நபர்கள் அந்த கட்சியில் இருந்து விலகி திமுகவில் ஐக்கியமாகியுள்ளனர். அவர்கள் யார் என்பதை இந்த பதிவில் விரிவாக பார்க்கலாம்.

மேலும் படிக்க: பாமகவில் 2-ஆம் கட்ட வேட்பாளர்கள் அறிவிப்பு… செளமியா அன்புமணிக்கு எதிராக சரவணன் போட்டி!

எ.வ. வேலு: எம்ஜிஆர் ரசிகர் மன்றத்தில் இருந்த இவர். 1972-இல் அதிமுகவில் இணைந்து 1984-இல் தண்டராம்பட்டு தொகுதி எம்எல்ஏ ஆனார். பின்னர், 1995இல் திமுகவில் இணைந்து 5 முறை எம் எல் ஏ, 2 முறை அமைச்சர், திருவண்ணாமலை தெற்கு மாவட்ட செயலர் ஆகிய பொறுப்பில் இருந்து வருகிறார்.

இதையும் படியுங்கள்

திருச்சி செல்லும் தவெக தலைவர் விஜய்.. நாளை வேட்புமனு தாக்கல்.. உடனே பிரசாரம்.. போலீசார் அனுமதி!

திருச்சி கிழக்கு தொகுதியில் விஜய் போட்டியிட காரணம் என்ன? வெற்றி வாய்ப்பு எப்படி உள்ளது!

திமுக தூண்டுதலால் என் மீது பாலியல் புகார்… அந்த பெண் அக்கா மாதிரி…பூந்தமல்லி தவெக வேட்பாளர் பரபரப்பு பேட்டி!

திமுக தேர்தல் அறிக்கையை பார்த்து எடப்பாடி புலம்புகிறார்… முதல்வர் மு.க.ஸ்டாலின் கடும் தாக்கு!

ஜெகத்ரட்சகன்: அதிமுக சார்பில் 1980- இல் எம்எல்ஏ-ஆன ஜெகத்ரட்சகன் 1984- இல் லோக்சபா எம் பி ஆனார். பின்னர், 1999- இல் திமுகவில் இணைந்து மத்திய அமைச்சராக பதவி வகித்தார்.

சாத்தூர் ராமச்சந்திரன்: எம்ஜிஆர் ஆட்சி காலத்தில் 1980- 1988-இல் பொதுப்பணி, கூட்டுறவு இரு துறை அமைச்சராக இருந்த ராமச்சந்திரன் 2001- இல் திமுகவில் இணைந்து இரு முறை அமைச்சர் தெற்கு மாவட்ட செயலாளராக இருந்தார்.

அனிதா ராதாகிருஷ்ணன்: திமுக சார்பில் இருமுறை எம்எல்ஏ, இருமுறை அமைச்சராக இருந்த அவர், 2009-இல் திமுகவில் இணைந்து 4 முறை எம்எல்ஏ, இருமுறை அமைச்சராகவும், தூத்துக்குடி தெற்கு மாவட்ட செயலாளராகவும் இருக்கிறார்.

முத்துசாமி: எம்ஜிஆர் ஆட்சியில் 3 முறை எம்எல்ஏ, ஒரு முறை அமைச்சர். ஜெயலலிதா ஆட்சியில் ஒருமுறை அமைச்சராக இருந்த முத்துசாமி, 2010- இல் திமுகவில் இணைந்து, அமைச்சராகவும் ஈரோடு தெற்கு மாவட்ட செயலாளராகவும் இருந்து வருகிறார்.

சேகர் பாபு: அதிமுக சார்பில் இரு முறை எம்எல்ஏவாக இருந்த சேகர் பாபு 2011- இல் திமுகவில் இணைந்து, 2021-இல் அமைச்சராகவும், சென்னை கிழக்கு மாவட்ட செயலாளராகவும் இருந்து வருகிறார்.

ரகுபதி: அதிமுக சார்பில் 1991- இல் திருமயம் எம்எல்ஏவாகவும், அமைச்சராகவும் இருந்த அவர், 1996- இல் திமுகவில் இணைந்து எம்பி ஆனதுடன் மத்திய இணையமைச்சர், 2021- இல் சட்டத்துறை அமைச்சராகவும், புதுக்கோட்டை தெற்கு மாவட்ட செயலாளராகவும் இருந்து வருகிறார்.

ராஜ கண்ணப்பன்: அதிமுகவில் 1991-96 ஜெயலலிதா ஆட்சியில் அமைச்சராக இருந்த அவர் திமுக கூட்டணியில் இணைந்து எம்எல்ஏ ஆனார். 2009- இல் அதிமுகவில் சேர்ந்தார். மீண்டும் 2019- இல் திமுகவில் இணைந்து, 2021 முதல் அமைச்சராக இருந்து வருகிறார்.

செந்தில் பாலாஜி: அதிமுகவில் இணைந்த அவர் 2006- இல் எம்எல்ஏ, 2011-இல் அமைச்சர் மற்றும் மாவட்டச் செயலாளராக பதவி வகித்ததுடன், 2018-இல் திமுகவில் இணைந்து, 2021- இல் அமைச்சராக இருந்தார்.

தங்க தமிழ்ச்செல்வன்: அதிமுக சார்பில் ஆண்டிப்பட்டி எம்எல்ஏ ஆன இவர், இடைத்தேர்தலில் முன்னாள் முதல்வர் ஜெயலலிதா போட்டியிட தனது பதவியை ராஜினாமா செய்தார். இருமுறை எம்எல்ஏ பதவி பெற்ற அவர் 2019-இல் திமுகவில் இணைந்தார், 2024 லோக் லோக்சபா எம்பி ஆனார்

வைத்திலிங்கம்: அதிமுகவில் இரு முறை அமைச்சர் பதவி, 2017 முதல் அதிமுக துணை ஒருங்கிணைப்பாளர் ஆக இருந்த வைத்திலிங்கம் 2026 திமுகவில் இணைந்தார்.

மனோஜ் பாண்டியன்: அதிமுக முன்னாள் சபாநாயகர் பி. எச். பாண்டியனின் மகனான இவர், 1993 அதிமுகவில் இணைந்தார். இருமுறை எம்எல்ஏ பதவி, ராஜ்யசபா எம்பியாக இருந்துவிட்டு 2025-ல் திமுகவில் இணைந்தார்.

பன்னீர்செல்வம்: 1973- இல் அதிமுகவில் இணைந்த இவர் எம்எல்ஏ, மாவட்ட செயலாளர், அமைச்சர், முதல் அமைச்சர் என்பன உள்ளிட்ட பதவியில் இருந்த இவர் 2026- இல் திமுகவில் இணைந்தார். இதே போல, மைத்ரேயன், அன்வர் ராஜா, நிலோபர் கபில், ஆறு குட்டி லட்சுமணன், செல்வகணபதி, பழனியப்பன் உள்ளிட்டோர் திமுகவில் இணைந்துள்ளனர்.

மேலும் படிக்க: புதிய தமிழகம் கட்சியின் 2-ஆம் கட்ட வேட்பாளர்கள் யார்.. யார்.. 3-ஆம் கட்ட வேட்பாளர் பட்டியல் எப்போது வெளியீடு!