‘தைரியம் இருந்தால் ஸ்டாலினிடம் துணை முதல்வர் பதவி கேட்பாரா? திருமாவளவனுக்கு எல்.முருகன் கேள்வி
Tamil Nadu 2026 Elections: 2026 சட்டமன்றத் தேர்தலை நோக்கி அதிமுக-பாஜக கூட்டணி வலுவடைகிறது என எல்.முருகன் தெரிவித்துள்ளார். முதல்வர் வேட்பாளர் எடப்பாடி பழனிசாமிதான் என்றும், கூட்டணியில் அதிமுக தலைமையே தொடரும் என்றும் கூறினார். திருமாவளவனின் விமர்சனங்களை அவர் கடுமையாக எதிர்த்ததுடன், திமுக கூட்டணி விரைவில் உடையும் எனவும் கூறினார்.
திருச்சி ஜூலை 01: 2026ஆம் ஆண்டு தமிழக சட்டமன்றத் தேர்தலை (Tamilnadu Assembly Election) முன்னிட்டு அண்ணா திராவிட முன்னேற்ற கழகம் -பாரதிய ஜனதா கட்சி கூட்டணி அமைக்கப்பட்டுள்ளது. கூட்டணியின் முதல்வர் வேட்பாளராக எடப்பாடி பழனிசாமி (Edappadi Palaniswami) என்பதைக் குறிப்பிட்டு எல்.முருகன் (Central Joint Minister L.Murugan) உறுதி தெரிவித்துள்ளார். கூட்டணியின் பெயரால் அதிமுக பாஜகவால் பயன்படுத்தப்படக்கூடும் என திருமாவளவன் எச்சரிக்கை விடுத்துள்ளார். இதற்கு பதிலளித்த எடப்பாடி, அதிமுகவை யாராலும் கபளீகரம் செய்ய முடியாது எனத் தெரிவித்தார். திருமாவளவனை கடுமையாக விமர்சித்த எல்.முருகன், திமுக கூட்டணி உடையும் என கருத்து தெரிவித்தார். இன்னும் சில கட்சிகள் NDA-வில் இணைவார்கள் என்றும், “ஸ்டாலினிடம் சென்று துணை முதல்வர் வேட்பாளர் யார் என்று கேட்கிறீர்களா?” என கேள்வி எழுப்பினார்.
தேர்தல் முன்னோட்டம்: கூட்டணியில் கலக்கும் அதிமுக, பாஜக
தமிழக சட்டமன்றத் தேர்தல் 2026ல் நடைபெற உள்ள நிலையில், அதிமுக மற்றும் பாஜக இணைந்து குறைந்தபட்ச நெறிக்கோளின் அடிப்படையில் கூட்டணி அமைத்து செயல்பட்டு வருகின்றன. இந்த கூட்டணியின் பின்னணியில் பாஜக, தமிழகத்தில் காலூன்றி நிலைநாட்ட முயற்சி செய்கிறது என விமர்சனங்கள் எழுகின்றன. இந்நிலையில், “எதையும் சமாளிக்கக்கூடிய தனிப் பெரும்பான்மை கிடைக்கும்” என அதிமுக தலைவர் எடப்பாடி பழனிசாமி உறுதி தெரிவித்துள்ளார்.
கூட்டணிக்குள் குழப்பங்கள்: தலைமை யாரிடம்?
திருச்சியில் செய்தியாளர்களை சந்தித்த மத்திய இணையமைச்சர் எல். முருகன் கூறுகையில், தமிழகத்தில் தேசிய ஜனநாயகக் கூட்டணியின் (NDA) தலைமையில் அதிமுக இருப்பது உறுதி, எனவும், முதல்வர் வேட்பாளர் எடப்பாடி பழனிசாமிதான் எனவும் திட்டவட்டமாக தெரிவித்தார். “ஸ்டாலினிடம் சென்று முதல்வர் வேட்பாளர் யார் என்று கேட்கிறீர்களா?” என கேள்வி எழுப்பி, திமுக மீதும் காட்டமாக விமர்சனம் செய்தார்.
கூட்டணி குறித்து திருமாவளவன் பேச்சு
ADMK உடன் கூட்டணி – VCK Thirumavalavan அதிரடி பதில்#Thirumavalavan | #VCK | #DMK | #ADMK | #EdappadiPalaniswami pic.twitter.com/5BrMbbH8rk
— Reflect News Tamil (@reflectnewstn) June 30, 2025
திருமாவளவனுக்கு எல். முருகன் பதிலடி
தனியார் விருப்பங்களுக்காக அமைதியாக இருப்பதாகவும், வேங்கைவயல் விவகாரத்தில் திராவிடருக்கு ஆதரவு தெரிவிக்காத திருமாவளவனை எல்.முருகன் கடுமையாக விமர்சித்தார். “தைரியம் இருந்தால் ஸ்டாலினிடம் துணை முதல்வர் பதவியைக் கேட்டிருப்பார்” எனவும் தெரிவித்தார். திருமாவளவனின் விமர்சனங்கள் வீணானவை எனவும் கூறினார்.
விமர்சனங்கள் களைப்படுத்துமா?
விஜயபிரபாகரனை “கேப்டன் ஸ்டைல் வேற, விஜய் ஸ்டைல்” என பாராட்டிய எல்.முருகன், திராவிட கட்சிகள் கூட்டணி விரைவில் உடையும் என்றும், பல கட்சிகள் NDA-வில் இணையவுள்ளதாகவும் நம்பிக்கை தெரிவித்தார். எதிர்வரும் தேர்தலில் திமுகவுக்கு மக்கள் தீர்ப்பு அளிப்பார்கள் எனவும் கூறினார்.
2016ஆம் ஆண்டு தான் “கூட்டணி ஆட்சி” குறித்து பேசியிருந்தேன், ஆனால் ஆதரவு ஏதும் கிடைக்கவில்லை என்று திருமாவளவன் ஏற்கனவே தெரிவித்திருந்தது குறிப்பிடத்தக்கது. தற்போது அதிமுகவும் பாஜகவும் முழுமையான தேர்ச்சி இலக்குடன் பயணிக்கின்றன.
