இந்திய கம்யூனிஸ்ட் வேட்பாளர்கள் பட்டியல் வெளியீடு… யார்.. யார்.. எந்த தொகுதியில் போட்டி.. முழு விவரம்!

தமிழக சட்டப்பேரவை தேர்தலையொட்டி, திராவிட முன்னேற்றக் கழக கூட்டணியில் அங்கம் வகித்து வரும் கூட்டணி கட்சிகளுக்கு தொகுதிகள் பங்கீடு செய்யப்பட்டுள்ள நிலையில், அந்தந்த கட்சிகள் போட்டியிடும் தொகுதிகள் ஒதுக்கீடு செய்யப்பட்டு அறிவிக்கப்பட்டுள்ளன. அதன்படி, இந்திய கம்யூனிஸ்ட் கட்சிக்கு 5 சட்டமன்ற தொகுதிகள் ஒதுக்கீடு செய்யப்பட்டிருந்தது. இந்த நிலையில், இந்திய கம்யூனிஸ்ட் கட்சி சார்பில் போட்டியிடும் வேட்பாளர்களை அந்த கட்சியின் மாநில செயலாளர் மு. வீரபாண்டியன் அறிவித்துள்ளார். இதில்,

மேலும் படிக்க: “ஒரே ஒரு வாய்ப்பு கொடுங்க”.. உங்களை நம்பியே களத்தில் இறங்குகிறோம்.. விஜய் உருக்கமாக பேச்சு!!

• தளி தொகுதியில் டி. ராமச்சந்திரன்.
• திருத்துறைப்பூண்டி தொகுதியில் மாரிமுத்து.
• திருப்பூர் வடக்கு தொகுதியில் ரவி.
• பவானி சாகர் தொகுதியில் பி. எல். சுந்தரம்.
• ஸ்ரீவில்லிபுத்தூர் தொகுதியில் மகாலிங்கம். ஆகியோர் போட்டியிடுகின்றனர்.

கூடுதல் தொகுதி- ஆட்சி அதிகாரத்தில் பங்கு

திராவிட முன்னேற்றக் கழக கூட்டணியில் அங்கம் வகித்து வரும் கூட்டணி கட்சிகளான காங்கிரஸ், மதிமுக, விடுதலை சிறுத்தைகள் கட்சி, இந்திய கம்யூனிஸ்ட், மார்க்சிஸ்ட் கம்யூனிஸ்ட் ஆகிய கட்சிகள் கடந்த சட்டமன்றத் தேர்தலில் ஒதுக்கப்பட்டதை விட வருகின்ற தேர்தலில் கூடுதல் தொகுதிகள் ஒதுக்க வேண்டும் என்றும், ஆட்சி அதிகாரத்தில் பங்கு அளிக்க வேண்டும் என்றும் கோரிக்கைகளை முன் வைத்திருந்தது. ஆனால், இதற்கு திமுக தலைமை செவி சாய்க்காமல் இருந்து வந்த நிலையில், தமிழகத்தில் கூட்டாட்சியை மக்கள் ஏற்க மாட்டார்கள் என்று முதல்வர் மு. க. ஸ்டாலின் திட்டவட்டமாக தெரிவித்தார்.

இதையும் படியுங்கள்

அதிமுக இறுதி வேட்பாளர் பட்டியல் வெளியீடு.. ஆம்ஸ்ட்ராங் மனைவிக்கு தேர்தலில் வாய்ப்பு..

ஒரு பக்கம் மழை கொட்டும்.. ஒரு பக்கம் வெயில் சுட்டெரிக்கும்.. இன்றைய வானிலை அப்டேட் இதோ!!

குற்ற வழக்கு உள்ளவர்கள் தேர்தலில் போட்டியிடலாமா?.. விதிகள் கூறுவது என்ன?

மீண்டும் சேப்பாக்கம் தொகுதியில் களம் காணும் உதயநிதி ஸ்டாலின்.. நீட் தேர்வு ரத்து குறித்து ஓபனாக சொன்ன பதில்..

திமுக கூட்டணி கட்சிகளுக்கு தொகுதிகள் ஒதுக்கீடு

இதைத் தொடர்ந்து, திராவிட முன்னேற்ற கழக கூட்டணியில் உள்ள கூட்டணி கட்சிகளுக்கு தொகுதிகள் பங்கீடு செய்வதில் நீண்ட இழுபறி நீடித்து வந்தது. இதில், காங்கிரஸ் கட்சிக்கு 28 சட்டமன்ற தொகுதிகள், ஒரு ராஜ்ய சபா உறுப்பினர் சீட், விடுதலை சிறுத்தைகள் கட்சிக்கு 8 சட்டமன்ற தொகுதிகள், இந்திய கம்யூனிஸ்ட் கட்சிக்கு 5 சட்டமன்ற தொகுதிகள், மார்க்சிஸ்ட் கம்யூனிஸ்ட் கட்சிக்கு 5 சட்டமன்ற தொகுதிகள், மறுமலர்ச்சி திராவிட முன்னேற்றக் கழகத்திற்கு 4 சட்டமன்ற தொகுதிகள், தேசிய முற்போக்கு திராவிட கழகத்திற்கு 10 சட்டமன்ற தொகுதிகள் மற்றும் ஒரு மாநிலங்களவை உறுப்பினர் சீட் ஆகியவை ஒதுக்கீடு செய்யப்பட்டது.

கட்சிகளின் வேட்பாளர்கள் விவரங்கள் வெளியீடு

இதைத் தொடர்ந்து, அந்தந்த கட்சிகள் தங்கள் போட்டியிடும் உத்தேச தொகுதிகள் அடங்கிய பட்டியலை வெளியிட்டது. இதே போல, உத்தேச வேட்பாளர்கள் பட்டியலும் வெளியிடப்பட்டது. பின்னர், அதிகாரப்பூர்வ வேட்பாளர் பட்டியல் வெளியிடப்பட்டு வருகிறது. அந்த வகையில், இந்திய கம்யூனிஸ்ட் கட்சி போட்டியிடும் 5 சட்டமன்ற தொகுதிகளுக்கான வேட்பாளர் பட்டியல் தற்போது வெளியிடப்பட்டுள்ளது. இந்த வேட்பாளர்கள் நாளை திங்கள்கிழமை ( மார்ச் 30) தங்களது வேட்பு மனுக்களை தாக்கல் செய்ய உள்ளனர்.

மேலும் படிக்க: “2 தொகுதிகளில் போட்டியிடுகிறார் விஜய்”.. தவெக வேட்பாளர் பட்டியல் வெளியீடு!!