யுபிஐ சேவை முதல் ரயில் டிக்கெட் முன்பதிவு வரை – அக்டோபர் 1 முதல் வரும் மிகப்பெரிய மாற்றங்கள்
New Rules from October 1 : அக்டோபர் 1 முதல் யுபிஐ முதல் ரயில் டிக்கெட் முன்பதிவு செய்வது வரை சில மாற்றங்கள் நடைமுறைக்கு வரவிருக்கின்றன. இவை சாமானிய மக்களின் பட்ஜெட்டில் நேரடி தாக்கத்தை ஏற்படுத்தும். ரயில் டிக்கெட் முன்பதிவு, யுபிஐ ரெப்போ விகிதம் போன்ற மாற்றங்கள் நடைமுறைக்கு வருகின்றன.
அக்டோபர் 1, 2025 முதல் மத்திய, மாநில அரசு சேவைகளில் சில முக்கியமான மாற்றங்கள் நடைமுறைக்கு வரவுள்ளன. இந்த மாற்றங்கள் சாமானிய மக்களை வெகுவாக பாதிக்கலாம். உதாரணமாக, ஒவ்வொரு மக்கள் அன்றாடம் பயன்படுத்தும் யுபிஐ (UPI) சேவை முதல் ரயில் டிக்கெட் (Train Ticket) முன்பதிவு வரை மாற்றங்கள் ஏற்படவுள்ளன. அதன் விலை ஏற்ற இறக்கங்கள் மக்களின் வாழ்க்கையில் மிகவும் பொதுவான தாக்கத்தை ஏற்படுத்துகின்றன. அக்டோபரில் இன்னும் சில விதி மாற்றங்கள் நடைமுறைக்கு வருகின்றன. இவை அனைத்தும் சாமானிய மக்களின் நிதி நிலையையும் பாதிக்கலாம். அது குறித்து இந்த கட்டுரையில் விரிவாக பார்க்கலாம்.
அக்டோபர் 2025 முதல் நடைமுறைக்கு வரும் முக்கிய மாற்றங்கள்
ரெப்போ விகிதங்களில் மாற்றம்
இந்திய ரிசர்வ் வங்கியின் நாணயக் கொள்கைக் குழு வழக்கமாக இரண்டு மாதங்களுக்கு ஒரு முறை கூடி முக்கியமான முடிவுகளை எடுக்கிறது. பணவியல் கொள்கைக் குழு கூட்டம் கடந்த ஆகஸ்ட், 2025ன் போது நடைபெற்றது. இதனைத் தொடர்ந்து மூன்று நாள் கூட்டம் செப்டம்பர் 29, 2025 அன்று தொடங்கும். கூட்டத்தின் முடிவுகள் அக்டோபர் 1, 2025 அன்று அறிவிக்கப்படும்.
இதையும் படிக்க : வீட்டில் எவ்வளவு பணம் வைத்திருக்கலாம்? வருமான வரித்துறை சொல்வது என்ன?
ரெப்போ விகிதம் உட்பட பல்வேறு கொள்கை முடிவுகள் இந்த கூட்டத்தில் எடுக்கப்படவுள்ளதாக கூறப்படுகிறது. பிப்ரவரி, 2025 முதல் ரெப்போ விகிதம் தொடர்ந்து குறைந்து வருகிறது, மேலும் இது அக்டோபரில் தொடருமா என்பது முதல் தேதியில் அறியப்படும். இந்த முறை விகிதம் 25 அடிப்படை புள்ளிகள் குறைக்கப்படலாம் என்று எதிர்பார்க்கப்படுகிறது. இதனால் மக்களின் கடனுக்கு செலுத்தும் மாதத் தவணை குறையும் என எதிர்பார்க்கப்படுகிறது.
யுபிஐ-ல் மிகப் பெரிய மாற்றம்
இந்தியாவில் மிகவும் பரவலாகப் பயன்படுத்தப்படும் கட்டண முறையான யுபிஐயில் அக்டோபர், 2025 முதல் ஒரு பெரிய விதி மாற்றம் நிகழும் என்று கூறப்படுகிறது. இது கலக் ரிக்வெஸ்ட் எனப்படும் ஒருவரிடம் இருந்து பணம் கோரும் முறையை நிறுத்த முடிவு செய்யப்படவுள்ளது. கலெக்ட் ரிக்வெஸ்ட் என்பது ஒரு யுபிஐ பயனர் மற்றொரு பயனரிடமிருந்து பணம் கோரும் செயல்முறையாகும். சிலர் இந்த முறை மூலம் மோசடியில் ஈடுபட்டு வந்தனர். இதைத் தவிர்க்க, தேசிய கொடுப்பனவு கழகம் கலெக்ட் ரிக்வெஸ்ட் அம்சத்தையே நீக்குகிறது.
இதையும் படிக்க : யுபிஐ-ல் நவம்பர் 3 முதல் அமலுக்கு வரும் முக்கிய மாற்றங்கள்.. என்ன என்ன தெரியுமா?
ரயில் டிக்கெட் முன்பதிவில் மாற்றங்கள்
அக்டோபர் 1 முதல், ஆதார் சரிபார்க்கப்பட்ட பயணிகளுக்கு மட்டுமே ரயில்வே முன்னுரிமை அளிக்கும். அத்தகைய பயணிகளுக்கு ரயில் டிக்கெட் முன்பதிவு தொடங்குவதற்கு 15 நிமிடங்களுக்கு முன்பு முன்னுரிமை வழங்கப்படும். அதாவது, டிக்கெட் முன்பதிவு தொடங்குவதற்கு 15 நிமிடங்களுக்கு முன்பு அவர்கள் டிக்கெட்டுகளை முன்பதிவு செய்ய முடியும். மற்றவர்கள் 15 நிமிடங்களுக்குப் பிறகு முன்பதிவு செய்யலாம்.
