Gold : தொடர் உயர்வை சந்திக்கும் தங்கம்.. ஒரே நாளில் ரூ.5,000 உயர்ந்த வெள்ளி!
Gold and Silver Price Rapidly Increasing | வெனிசுலா மீது அமெரிக்கா தாக்குதல் நடத்தியுள்ளது புவிசார் பதற்றத்தை அதிகரித்துள்ளது. இந்த நிலையில் தங்கம் மற்றும் வெள்ளி விலை மிக கடுமையான உயர்வை சந்தித்து வருகிறது. இன்று இரண்டாவது நாளாக உயர்வை சந்தித்துள்ளது.
சென்னை, ஜனவரி 06 : வெனிசுலா (Venezuela) மீது அமெரிக்கா (America) நடவடிக்கை மேற்கொண்டுள்ளதன் காரணமாக தங்கம் (Gold) மற்றும் வெள்ளி (Silver) விலை மிக கடுமையான உயர்வை சந்திக்கும் என பொருளாதார வல்லுநர்கள் கணித்துள்ளனர். அந்த கணிப்பின் படி கடந்த இரண்டு நாட்களாக தங்கம் விலை உயர்ந்து வருகிறது. அந்த வகையில் இன்றும் (ஜனவரி 06, 2025) தங்கம் விலை அதிரடியாக உயர்ந்துள்ளது. இந்த நிலையில், இன்றைய தங்கம் மற்றும் வெள்ளி விலை நிலவரம் குறித்து விரிவாக பார்க்கலாம்.
வெனிசுலா விவகாரம் – உயர்வை நோக்கி செல்லும் தங்கம், வெள்ளி
உலக நாடுகள் இடையே அமைதி நிலவுவது, பங்குச்சந்தை, தங்கத்திற்கான தேவை, உலக வங்கிகள் வட்டி விகிதங்கள் ஆகியவை தங்கம் விலையில் தாக்கத்தை ஏற்படுத்தும் முக்கிய காரணிகளாக உள்ளன. குறிப்பாக புவிசார் பதற்றம் தங்கம் மற்றும் வெள்ளி விலையை நேரடியாக பாதிக்கும் முக்கிய அம்சமாக உள்ளது. அந்த வகையில், தற்போது அமெரிக்கா வெனிசுலா மீது தாக்குதல் நடத்தி, அந்த நாட்டின் அதிபரை கைது செய்து நாடு கடத்தியுள்ள விவகாரம் புவிசார் பதற்றத்தை அதிகரித்துள்ளது. இதன் காரணமாக தங்கம் மற்றும் வெள்ளி விலை உயர்வை சந்திக்கும் என்று பொருளாதார வல்லுநர்கள் கூறி வருகின்றனர்.
இதையும் படிங்க : டிச.31-க்குள் வருமான வரி ரீஃபண்டுக்கு விண்ணப்பிக்கவில்லையா?.. அப்போ இத தெரிஞ்சுக்கோங்க!
இரண்டாவது நாளாக தொடர் உயர்வை சந்தித்துள்ள தங்கம்
வல்லுநர்களின் கணிப்பின் படி வெனிசுலா – அமெரிக்கா இடையே சிக்கல் உருவானது முதலே தங்கம் விலை உயர்ந்து வருகிறது. நேற்று (ஜன்வரி 05, 2026) 22 காரட் தங்கம் கிராமுக்கு ரூ.80 உயர்ந்து ஒரு கிராம் ரூ.12,680-க்கும், சவரனுக்கு ரூ.640 உயர்ந்து ஒரு சவரன் ரூ.1,01,440-க்கும் விற்பனை செய்யப்பட்டது. இதேபோல வெள்ளியும் மிக கடுமையான உயர்வை சந்தித்திருந்தது. வெள்ளி கிராமுக்கு ரூ.8 உயர்ந்து ஒரு கிராம் ரூ.265-க்கும், கிலோவுக்கு ரூ.8,000 உயர்ந்து ஒரு கிலோ ரூ.2,65,000-க்கும் விற்பனை செய்யப்படுகிறது.
இதையும் படிங்க : 2026-ல் உங்கள் கிரெடிட் ஸ்கோரை பாதுகாக்க இவற்றை பின்பற்றுங்கள்.. முக்கிய டிப்ஸ்!
இன்றைய நிலவரப்படி தங்கம் கிராமுக்கு ரூ.70 உயர்ந்து ஒரு கிராம் ரூ.12,830-க்கும், சவரனுக்கு ரூ.560 உயர்ந்து ஒரு சவரன் ரூ.1,02,640-க்கும் விற்பனை செய்யப்படுகிறது. இதேபோல வெள்ளி கிராமுக்கு ரூ.5 உயர்ந்து ஒரு கிராம் ரூ.271-க்கும், கிலோவுக்கு ரூ.5,000 உயர்ந்து ஒரு கிலோ ரூ.2,71,000-க்கும் விற்பனை செய்யப்படுகிறது.
