மத்திய அரசின் சேமிப்பு திட்டங்கள் – வட்டி விகிதத்தில் மாற்றம்? வெளியான தகவல்
மத்திய அரசு பல சேமிப்புத் திட்டங்களை நடத்தி, அவற்றுக்கான வட்டி விகிதங்களை ஒவ்வொரு காலாண்டிலும் அறிவித்து வருகிறது. அதன் படி 2026 -27 நிதியாண்டின் ஜூலை முதல் செப்டம்பர் காலாண்டிற்கான சிறு சேமிப்புத் திட்டங்களின் வட்டி விகிதங்களை மத்திய அரசு தற்போது அறிவித்துள்ளது.
மத்திய அரசு பல சேமிப்புத் திட்டங்களை நடத்தி, அவற்றுக்கான வட்டி விகிதங்களை ஒவ்வொரு காலாண்டிலும் அறிவித்து வருகிறது. அதன் படி 2026 -27 நிதியாண்டின் ஜூலை முதல் செப்டம்பர் காலாண்டிற்கான சிறு சேமிப்புத் திட்டங்களின் வட்டி விகிதங்களை மத்திய அரசு தற்போது அறிவித்துள்ளது. இது குறித்த அறிவிப்பை நிதியமைச்சகம் வெளியிட்டுள்ளது. அந்த வகையில் சிறு சேமிப்புத் திட்டங்களுக்கான வட்டி விகிதங்களில் மத்திய அரசு எந்த மாற்றமும் செய்யவில்லை. தொடர்ந்து 9வது முறையாக வட்டி விகிதங்கள் மாற்றப்படாமல் இருப்பது குறிப்பிடத்தக்கது. 2026-27 நிதியாண்டின் ஏப்ரல்-ஜூன் காலாண்டிற்கு அறிவிக்கப்பட்ட அதே விகிதங்களே, ஜூலை 1 முதல் செப்டம்பர் 30, 2026 வரையிலான காலத்திற்கும் பொருந்தும் என அறிவிக்கப்பட்டுள்ளது.
மத்திய அரசின் சேமிப்பு திட்டங்கள்
பொது வருங்கால வைப்பு நிதி (PPF), மூத்த குடிமக்கள் சேமிப்புத் திட்டம் (SCSS), சுகன்யா சம்ரித்தி யோஜனா (SSY) மற்றும் தேசிய சேமிப்புப் பத்திரம் (NSC) போன்ற சேமிப்புத் திட்டங்களுக்கான வட்டி விகிதங்கள் மேலும் 3 மாதங்களுக்கு மாற்றமின்றி தொடரும். சுகன்யா சம்ரித்தி யோஜனா திட்டத்திற்கான வட்டி விகிதம் 8.2 சதவிகிதமாகவும், பொது வருங்கால வைப்பு நிதித் திட்டத்திற்கான வட்டி விகிதம் 7.1 சதவிகிதமாகவும் உள்ளது.
இதையும் படிக்க : வாழ்க்கைத் துணை இறந்த பிறகு யார் வருமான வரி தாக்கல் செய்வது? விதிகள் சொல்வது என்ன?
தேசிய சேமிப்புப் பத்திரத்திற்கான வட்டி விகிதம் 7.7 சதவிகிதமாக மாற்றமின்றி தொடர்கிறது. 115 மாத முதிர்வு காலம் கொண்ட கிசான் விகாஸ் பத்ரா திட்டம் 7.5 சதவிகிதம் வட்டி விகிதத்தை வழங்குகிறது. மாதாந்திர வருமானத் திட்டம் 7.4 சதவிகிதம் வட்டி விகிதத்தை அளிக்கிறது. மேலும் 3 ஆண்டு அஞ்சலக கால வைப்புத் திட்டத்திற்கான வட்டி விகிதம் 7.1 சதவிகிதமாகவும், அஞ்சலக சேமிப்புக் கணக்கிற்கான வட்டி விகிதம் 4 சதவிகிதமாகவும் உள்ளது. நிலையான வைப்புத் திட்டங்களைப் (Fixed Deposits) பொறுத்தவரை, ஓராண்டு வைப்புக்கு 6.9 சதவிகிதமாகவும் 2 ஆண்டு வைப்பு தொகைக்கு 7 சதவிகிதம் மற்றும் 3 ஆண்டு வைப்புக்கு 7.1 சதவிகிதம் வட்டி விகிதங்கள் உள்ளன.
ஐந்து ஆண்டு வைப்புத் திட்டங்கள் 7.5 சதவிகிதம் வட்டி விகிதத்தையும், 5 ஆண்டு தொடர் வைப்புத் திட்டங்கள் (Recurring Deposits) 6.7 சதவிகிதம் வட்டி விகிதத்தையும் வழங்குகின்றன. ஜனவரி-மார்ச் 2024 காலாண்டிலிருந்து பெரும்பாலான சிறு சேமிப்புத் திட்டங்களின் வட்டி விகிதங்களில் எந்த மாற்றமும் செய்யப்படவில்லை. கடைசித் திருத்தங்கள் ஏப்ரல் 2024-ல் நடைபெற்றன.
இதையும் படிக்க : யுபிஐ-ல் ரூ.100-க்கு பதில், ரூ.1,000 அனுப்பிவிட்டீர்களா?.. கவலை வேண்டாம், தீர்வு காண வழிகள் உண்டு!
அப்போது, 3 ஆண்டு தபால் அலுவலக கால வைப்புத்தொகைக்கான வட்டி விகிதம் 7 சவிகிதத்திலிருந்து 7.1 சவிகிதமாகவும், சுகன்யா சம்ரித்தி யோஜனாவுக்கான விகிதம் 8 சதவிகிதத்திலிருந்து 8.2 சதவிகிதமாகவும் உயர்த்தப்பட்டது. நிதி அமைச்சகம் ஒவ்வொரு காலாண்டிலும் சிறு சேமிப்புத் திட்டங்களுக்கான வட்டி விகிதங்களை மறுஆய்வு செய்கிறது. இந்த விகிதங்கள், அளவுகோல் வருவாய்களை விட ஒரு குறிப்பிட்ட பரவலுடன், அதற்கேற்ற முதிர்வுக் காலங்களைக் கொண்ட அரசாங்கப் பத்திரங்களின் வருவாய்களுடன் இணைக்கப்பட்டுள்ளன. நிலவும் சந்தை நிலவரங்கள் மற்றும் பரந்த பொருளாதாரக் காரணிகளின் அடிப்படையில் அரசாங்கம் தற்போதைய விகிதங்களைத் தக்கவைக்கலாம்.
