ரவி மோகன்

தமிழ் சினிமாவில் கடந்த 1989-ம் ஆண்டு வெளியான ஒரு தொட்டில் சபதம் என்ற படத்தின் மூலம் குழந்தை நட்சத்திரமாக அறிமுகம் ஆனார் ரவி மோகன். தொடர்ந்து 1994-ம் ஆண்டு வரை குழந்தை நட்சத்திரமாக நடித்து வந்த நடிகர் ரவிமோகன் தமிழ் சினிமாவில் பிரபலமாக வலம் வந்த எடிட்டர் மோகனின் இளைய மகன் ஆவார். ரவி மோகனின் அண்ணன் மோகன் ராஜா இயக்கத்தில் தமிழ் சினிமாவில் 2003-ம் ஆண்டு வெளியான ஜெயம் என்ற படத்தின் மூலம் நாயகனாக அறிமுகம் ஆனார் ரவி மோகன். அறிமுகம் ஆன முதல் படத்திலேயே ரசிகர்களின் கவனத்தை ஈர்த்த நடிகர் ரவி மோகன் தொடர்ந்து பல சூப்பர் ஹிட் படங்களில் நடித்து வருகிறார். இதன் காரணமாக தற்போது தமிழ் சினிமாவில் முன்னணி நடிகர்களின் பட்டியலில் இடம் பிடித்துள்ளார் என்பது குறிப்பிடத்தக்கது. தொடர்ந்து தமிழ் சினிமாவில் நடிகராக வலம் வந்த ரவி மோகன் தற்போது இயக்குநர் மற்றும் தயாரிப்பாளர் அவதாரங்களையும் எடுத்துள்ளார் என்பது குறிப்பிடத்தக்கது