AR Rahman

இசை ரசிகர்களால் இசைப் புயல் என்று அன்புடன் அழைக்கப்படுவபர் இசையமைப்பாளர் ஏ.ஆர்.ரகுமான். இவர் முன்பு பல இசையமைப்பாளர்களின் இசைக்குழுவில் வேலை செய்துவிட்டு பின்பு 1992-ம் ஆண்டு இயக்குநர் மணிரத்னம் இயக்கத்தில் வெளியான ரோஜா படத்தின் மூலம் சினிமாவில் இசையமைப்பாளராக அறிமுகம் ஆனார். இசையமைப்பாளர் ஏ.ஆர்.ரகுமான் இசையமைத்து வெளியான முதல் படமே ரசிகர்களிடையே மாபெரும் வரவேற்பைப் பெற்றது. அதனைத் தொடர்ந்து பல முன்னணி நடிகர்களின் படங்களுக்கும் முன்னணி இயக்குநர்களின் படங்களுக்கும் தொடர்ந்து இசையமைத்து வருகிறார் இசைப் புயல் ஏ.ஆர்.ரகுமான். தமிழ் மட்டும் இன்றி தெலுங்கு, இந்தி, மலையாளம் மற்றும் ஆங்கிலம் என பல்வேறு மொழிகளில் இசையமைத்து வருகிறார். தனது இசைக்கு பல விருதுகளை குவித்துள்ள இசையமைப்பாளர் இந்தியாவிற்கு பெருமை சேர்க்கும் விதமாக இரண்டு ஆஸ்கர் விருதைப் பெற்று ஆஸ்கர் நாயகனாகவும் வலம் வருகிறார். பல மொழிகளில் பணியாற்றி வந்தாலும் தொடந்து தனது தமிழ் மீதான பற்றை வெளிப்படையாக கூறி வருபவர் இசையமைப்பாளர் ஏ.ஆர்.ரகுமான்.