Aadhaar Card

மத்திய அரசால் கடந்த 2009 ஆம் ஆண்டு அறிமுகப்படுத்தப்பட்ட ஆதார் இந்தியர்களுக்கான முதன்மையான அடையாள அட்டையாக விளங்குகிறது. இதில் ஒருவரின் பெயர், பிறந்த தேதி, முகவரி, கைரேகை முக அடையாளம் உள்ளிட்டவையுடன் 12 இலக்க எண்களும் கொடுக்கப்பட்டிருக்கும். அரசின் அனைத்து வகையான சேவைகள், நிதி உதவிகள், எல்பிஜி மானியங்கள்,கல்வி உதவித் தொகை போன்ற பல சேவைகளுக்கு ஆதார் முக்கியமான ஆதாரமாக விளங்குகிறது. மேலும் வங்கி சேவை, பான் கார்டு சேவை போன்ற பிற தேவைகளுக்கும் ஆதார் முக்கியம். ஒவ்வொரு தேவைகளுக்கும் தனித்தனி அடையாள அட்டையை எடுத்து செல்லும் நிலையை மாற்றி அனைத்துவிதமான சேவைகளுக்கும் ஒரே அடையாள அட்டையாக ஆதார் மாறியிருப்பதால் மக்களின் தேவைகளை எளிதாக மாற்றியிருக்கிறது. டிஜிட்டல் இந்தியா திட்டத்தின் முக்கிய தூணாகவும் ஆதார் அமைகிறது. ஆதார் கார்டு என்பது இன்று ஒவ்வொரு இந்தியர்களுக்கும் அடையாள அடிப்படையாக இருப்பதுடன், அரசின் பல்வேறு சேவைகளையும் பாதுகாப்பாக, விரைவாக, நேரடியாக பெற உதவுகிறது. இவ்வளவு முக்கியத்துவம் வாய்ந்த ஆதாரின் புதிய மாற்றங்களை உறுதி செய்து புதுப்பித்துக் கொண்டு இருப்பது மிகவும் அவசியம்.