சென்னையில் ‘தமிழ்நாடு மீன் உணவு திருவிழா 2025’ தொடக்கம்..!
Tamil Nadu Seafood Festival 2025: சென்னை தீவுத்திடலில் 2025 மே 30 முதல் ஜூன் 1 வரை நடைபெற்ற தமிழ்நாடு மீன் உணவுத் திருவிழா, துணை முதல்வர் உதயநிதி ஸ்டாலின் அவர்களால் தொடங்கி வைக்கப்பட்டது.இது மீனவர்களின் வாழ்வாதாரத்தை மேம்படுத்தும் அரசின் முயற்சியாகும்.
சென்னை மே 31: சென்னை தீவுத்திடலில் (Chennai) “தமிழ்நாடு மீன் உணவு திருவிழா 2025” (Tamil Nadu Fish Food Festival 2025) துணை முதல்வர் உதயநிதி ஸ்டாலின் (Deputy Chief Minister Udhayanidhi Stalin) தலைமையில் துவங்கப்பட்டது. 2025 மே 30 முதல் 2025 ஜூன் 1 வரை நடைபெறும் இத்திருவிழாவில் 1,00,000 சதுர அடி பரப்பளவில் குளிரூட்டப்பட்ட அரங்குகள் அமைக்கப்பட்டுள்ளன. கடல்மீன் உணவுக் காட்சி, வண்ணமீன் கண்காட்சி, சமையல் போட்டிகள் மற்றும் கலைநிகழ்ச்சிகள் ஏற்பாடு செய்யப்பட்டுள்ளன. மக்கள் மீன் உணவுப் பயன்கள் பற்றி அறிந்துகொள்ளும் வகையில் விழிப்புணர்வு நிகழ்ச்சிகள் நடைபெறுகின்றன. கடல்மீன்களில் உள்ள ஒமேகா-3, A, D, K போன்ற சத்துகள் பற்றி தகவல் வழங்கப்படுகிறது. இதன்மூலம் மீனவர்களின் வாழ்க்கைமுறை மற்றும் மக்களின் உணவுணர்வு மேம்பட அரசு முயற்சி செய்கிறது.
“தமிழ்நாடு மீன் உணவு திருவிழா 2025” தொடக்கம்
சென்னை தீவுத்திடலில் “தமிழ்நாடு மீன் உணவு திருவிழா 2025” இன்று (30.5.2025) கோலாகலமாக தொடங்கப்பட்டது. இந்த விழாவை துணை முதலமைச்சர் திரு. உதயநிதி ஸ்டாலின் திறந்து வைத்து பார்வையிட்டார். மீன்வளம் மற்றும் மீனவர் நலத்துறை சார்பில் நடத்தப்படும் இவ்விழா, மே 30 முதல் ஜூன் 1 வரை மூன்று நாட்கள் நடைபெற உள்ளது.
மீனவர்களுக்கு ஊக்கமாக பெரும்வளர்ச்சி திட்டங்கள்
முதலமைச்சர் திரு. மு.க. ஸ்டாலின் தலைமையில், மீனவர்களின் வாழ்வாதார மேம்பாட்டிற்காக தமிழ்நாட்டின் பல்வேறு பகுதிகளில் முக்கியத்துவம் வாய்ந்த திட்டங்கள் செயல்படுத்தப்பட்டு வருகின்றன. இதில் திருவொற்றியூரில் புதிய சூரை மீன்பிடி துறைமுகம், பட்டினப்பாக்கம் மற்றும் சிந்தாதிரிப்பேட்டையில் புதுப்பிக்கப்பட்ட மீன் அங்காடிகள், மீன் இறங்கு தளங்கள், படகு பழுதுபார்க்கும் மையங்கள், அலைத் தடுப்பு சுவர்கள், தூண்டில் வளைவு அமைப்புகள் உள்ளிட்ட பல்வேறு நடவடிக்கைகள் அடங்கும்.
“தமிழ்நாடு மீன் உணவு திருவிழா 2025” தொடக்கம்
மாண்புமிகு முதலமைச்சர் @mkstalin அவர்களின் உத்தரவின்படி, மீன்வளம் மற்றும் மீனவர் நலத்துறையின் சார்பில் “தமிழ்நாடு மீன் வளத் திருவிழா 2025”-ஐ சென்னை தீவுத்திடலில் இன்று தொடங்கி வைத்தோம்.
இன்று தொடங்கி வரும் ஜூன் 1 ஆம் தேதி வரை நடைபெறவுள்ள இந்த மீன் உணவுத்திருவிழாவில், 50… pic.twitter.com/4aJhYZiCX3
— Udhay (@Udhaystalin) May 30, 2025
அரங்குகளுடன் சிறப்பாக அமைக்கப்பட்ட கண்காட்சி
தமிழ்நாடு மீன் உணவு திருவிழாவை முன்னிட்டு, சென்னை தீவுத்திடலில் 1,00,000 சதுர அடி பரப்பளவில் குளிரூட்டப்பட்ட அரங்கம் அமைக்கப்பட்டுள்ளது. இதில் 50 அரங்குகளைக் கொண்ட கடல்மீன் உணவுக் காட்சி கூடாரம், 15 அரங்குகளுடன் மீன்வளம் மற்றும் வண்ணமீன் கண்காட்சி, 20 மீன் உணவுக் கூடங்கள் மற்றும் செயல்விளக்க அரங்குகள் ஆகியவை அமைக்கப்பட்டுள்ளன.
சமையல் போட்டி, கலை நிகழ்ச்சிகள், மகளிருக்கு ஊக்கம்
திருவிழாவை மேலும் இளமையாக்க, மாணவ-மாணவிகள் மற்றும் மீனவ மகளிருக்காக சமையல் போட்டிகள் நடத்தப்படுகின்றன. அதேபோல, பாரம்பரிய மற்றும் நடன கலைநிகழ்ச்சிகளும் ஏற்பாடு செய்யப்பட்டுள்ளன. இதன் மூலம், பொதுமக்கள் மீன் உணவுப் பயன்கள் குறித்து விழிப்புணர்வும் பெறுவார்கள்.
கடல்மீன்களின் ஊட்டச்சத்து முக்கியத்துவம்
கடல்மீன்கள், குறிப்பாக இறால், ஒமேகா-3 கொழுப்பு அமிலம், ஐயோடின், தாதுக்கள், மற்றும் A, D, K உள்ளிட்ட பலவிதமான விட்டமின்கள் நிறைந்த ஊட்டச்சத்தான உணவாகும். இவை குழந்தைகள் முதல் முதியவர்கள் வரை அனைவருக்கும் ஏற்ற ஆரோக்கிய உணவாக பரிந்துரைக்கப்படுகின்றன. இந்த உணவுத் திருவிழா, மக்களுக்கு மீன்கள் பற்றிய புரிதலை மேம்படுத்தும் ஒரு அரிய வாய்ப்பாக அமைகிறது.
