“உங்களுடன் ஸ்டாலின் திட்டம் ஊரை ஏமாற்றும் திட்டம்” – இபிஎஸ், தமிழிசை விமர்சனம்
Stalin's "Ungaludan Stalin" Scheme: தமிழக அரசின் "உங்களுடன் ஸ்டாலின்" திட்டத்தை பாஜக தலைவர் தமிழிசை சௌந்தரராஜன் மற்றும் எடப்பாடி பழனிசாமி கடுமையாக விமர்சித்துள்ளனர். தேர்தல் நோக்கில் கொண்டுவரப்பட்ட விளம்பரத் திட்டம் எனவும், சேவை உரிமைச் சட்டத்தை செயல்படுத்தாமல் மக்களை ஏமாற்றுவதாகவும் குற்றம் சாட்டியுள்ளனர்.
சென்னை ஜூலை 15: முதல்வர் ஸ்டாலின் (Chief Minister Stalin )தொடங்கிய “உங்களுடன் ஸ்டாலின்” (“Stalin with you”)திட்டத்தை பா.ஜ.க. தலைவர் தமிழிசை (BJP leader Tamilisai) மற்றும் எடப்பாடி பழனிசாமி (Edappadi Palaniswami) கடுமையாக விமர்சித்துள்ளனர். இந்தத் திட்டம் மக்களுக்கு நன்மை தருவதற்காக அல்ல, விளம்பரத்திற்காகவே நடத்தப்படுவதாக தமிழிசை கூறினார். மக்களின் தொலைபேசி எண்ணை சேகரித்து, தேர்தலுக்கான வாக்கு ஆதரவைப் பெறுவதே திட்டத்தின் நோக்கம் என விமர்சனம் வந்துள்ளது. சேவை உரிமை சட்டத்தை செயல்படுத்தாமல், முகாம்களில் கையேந்தும் நிலை உருவாக்குவதாகக் குற்றம் சாட்டப்பட்டது. பழைய வாக்குறுதிகள் நிறைவேற்றப்படாமல், புதிய திட்டம் கொண்டு வருவது ஏன் என கேள்வி எழுப்பப்பட்டது. மத்திய அரசுடன் மோதும் போக்கை தவிட்டு, மக்கள் நலன் சார்ந்த சேவைகளை வழங்க வேண்டும் என தமிழிசை வலியுறுத்தினார்.
“உங்களுடன் ஸ்டாலின்” திட்டம்: ஒரு கண்ணோட்டம்
“உங்களுடன் ஸ்டாலின்” திட்டம் என்பது தமிழக அரசால் தொடங்கப்பட்டுள்ள ஒரு புதிய திட்டமாகும். இத்திட்டத்தின் கீழ், தமிழகம் முழுவதும் சுமார் 10,000 சிறப்பு முகாம்கள் நடத்தப்பட உள்ளன. இந்த முகாம்களில், அரசு திட்டங்களின் பயன்களை மக்கள் தங்கள் இருப்பிடங்களிலேயே பெறும் வகையில், விண்ணப்பங்கள் பெற்று, மக்களின் குறைகளுக்கு 45 நாட்களுக்குள் தீர்வு காணப்படும் என்று தமிழக அரசு அறிவித்துள்ளது.
குறிப்பாக, கலைஞர் மகளிர் உரிமைத் தொகை திட்டத்திற்கான விண்ணப்பங்கள் இம்முகாம்களில் மட்டுமே வழங்கப்படும் என்றும் அறிவிக்கப்பட்டுள்ளது. இந்தத் திட்டம் ஜூலை 15, 2025 அன்று சிதம்பரத்தில் முதல்வர் ஸ்டாலினால் தொடங்கப்பட்டது.
உங்களுடன் ஸ்டாலின் திட்டம் என்கிற பெயரில் நாடம்: இபிஎஸ்
“உங்களுடன் ஸ்டாலின்” திட்டம் உண்மையில் மக்களுக்கு நேரடியாக நலன்கள் வழங்கும் திட்டமல்ல; ஒரு அரசியல் நாடம் (நடிப்பு) மட்டுமே என்று அவர் குற்றம்சாட்டியுள்ளார். அதாவது, மக்களின் குறைகளை தீர்ப்பதாக கூறி, பல்லாயிரக்கணக்கான முகாம்கள் நடத்தப்படும் என அறிவிக்கப்பட்டாலும், அந்த நடவடிக்கைகள் அண்மையில் வரவுள்ள தேர்தலுக்கான அரசியல் களத்தில் திமுகவின் முகப்படுத்தல் என்றும், மக்களை பீதிகைப்படுத்தும் ஓர் அரசியல் யுக்தியாகவே இதைக் காண்கிறார் என்று அவர் குற்றம்சாட்டியுள்ளார்.
Also Read: தமிழகத்தில் அதிமுக தனித்து ஆட்சி அமைக்கும் – எடப்பாடி பழனிசாமி திட்டவட்டம்..
தமிழிசை சௌந்தரராஜனின் விமர்சனங்கள்
தமிழிசை சௌந்தரராஜன் இந்தத் திட்டத்தைப் பற்றிப் பேசுகையில், அரசின் செயல்பாடுகள் மற்றும் திட்டங்கள் குறித்த சில முக்கியக் கேள்விகளை எழுப்பினார்.
விளம்பர நோக்கம்: இந்தத் திட்டம் மக்களின் குறைகளைத் தீர்ப்பதை விட, விளம்பர நோக்கத்திற்காகவும், மக்களின் அலைபேசி எண்களைச் சேகரிப்பதற்காகவும் கொண்டுவரப்பட்டதாக அவர் விமர்சித்தார். 2026 சட்டமன்றத் தேர்தலை முன்னிட்டு வாக்காளர்களை அணுகவும், அவர்களின் தகவல்களைச் சேகரிக்கவும் இது ஒரு தந்திரம் என்றும் அவர் கூறினார்.
மக்களை ஏமாற்றுவது: தி.மு.க. அரசு ஆட்சிக்கு வந்த நாளிலிருந்து மக்களுக்கு எந்த நன்மையையும் செய்யாமல், விளம்பரம் மட்டுமே செய்து ஏமாற்றிக் கொண்டிருப்பதாக தமிழிசை குற்றம் சாட்டினார். “சேவை பெறும் உரிமைச் சட்டத்தை” செயல்படுத்துவதற்குப் பதிலாக, மக்களை முகாம்களுக்கு வரவழைத்து கையேந்த வைப்பது சமூகநீதி அல்ல என்றும் அவர் கூறினார்.
பழைய வாக்குறுதிகள்: முதல்வர் மு.க. ஸ்டாலின் எதிர்க்கட்சித் தலைவராக இருந்தபோது, மக்களின் மனுக்களைப் பெற்று, தி.மு.க. ஆட்சிக்கு வந்தவுடன் தீர்வு காண்பதாகக் கூறினார். அவ்வாறு தீர்க்கப்பட்டிருந்தால், இப்போது இந்த புதிய திட்டத்தின் அவசியம் என்ன என்றும் தமிழிசை கேள்வி எழுப்பினார்.
கூட்டணி குறித்த கருத்து: அ.தி.மு.க – பா.ஜ.க கூட்டணி குறித்து தி.மு.க. தரப்பில் கூறப்படும் விமர்சனங்களுக்குப் பதிலளித்த தமிழிசை, கூட்டணி பலத்தை மக்கள் மட்டுமே தீர்மானிப்பார்கள் என்றும், உதயநிதி ஸ்டாலின் ஜோதிடர் இல்லை என்றும் தெரிவித்தார்.
மேலும், தமிழிசை சௌந்தரராஜன், தமிழக அரசு பல்வேறு விவகாரங்களில் மத்திய அரசுடன் மோதல் போக்கைக் கடைபிடிப்பதாகவும், நிதி ஆயோக் கூட்டங்களில் கூட பங்கேற்பதில்லை என்றும் விமர்சித்தார். “உங்களுடன் ஸ்டாலின்” போன்ற திட்டங்கள் மூலம் மக்களை ஏமாற்றுவதைக் கைவிட்டு, சேவை உரிமைச் சட்டத்தைச் செயல்படுத்த வேண்டும் என்று அவர் வலியுறுத்தினார்.
