AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

பரந்தூர் விமான நிலைய திட்டம் கைவிடப்பட்டதா?.. உயர் நீதிமன்றத்தில் புதிய வழக்கு; விரைவில் விசாரணை!!

Paranthur airport project case Madras High Court: பரந்தூர் விமான நிலையத் திட்டத்தைக் கைவிட்டதை எதிர்த்து சென்னையைச் சேர்ந்த மென்பொறியாளர் கௌதமன் சென்னை உயர் நீதிமன்றத்தில் மனு தாக்கல் செய்துள்ளார். ரூ.680 கோடி செலவில் 48% நிலங்கள் கையகப்படுத்தப்பட்ட நிலையில், உரிய ஆய்வுகள் இன்றி எடுக்கப்பட்ட இந்த முடிவுக்குத் தடை விதிக்கக் கோரிக்கை விடுக்கப்பட்டுள்ளது.

பரந்தூர் விமான நிலைய திட்டம் கைவிடப்பட்டதா?.. உயர் நீதிமன்றத்தில் புதிய வழக்கு; விரைவில் விசாரணை!!
பரந்தூர் விமான நிலையம்
Esakkiraja Selvarathinam
Esakkiraja Selvarathinam | Updated On: 19 Nov 2026 11:54 AM IST

சென்னை, நவ.19: சென்னையின் இரண்டாவது விமான நிலையமாகத் திட்டமிடப்பட்டுப் பல ஆண்டுகளாக விவாதப்பொருளாக இருந்து வரும் பரந்தூர் விமான நிலையத் திட்டம், தொடக்கத்திலிருந்தே சுற்றுச்சூழல் ஆர்வலர்கள் மற்றும் அப்பகுதி விவசாயிகளின் பல்வேறு எதிர்ப்புகளுக்கும் சர்ச்சைகளுக்கும் உள்ளாகி வந்தது. இந்தச் சூழலில், தமிழக வெற்றிக் கழகம் ஆட்சிப் பொறுப்பேற்றதற்குப் பிறகு, மக்களின் உணர்வுகளுக்கு மதிப்பளிக்கும் வகையில் பரந்தூர் விமான நிலையத் திட்டம் கைவிடப்படுவதாக அதிகாரப்பூர்வ அறிவிப்பு வெளியானது. தற்போது தமிழ்நாடு அரசின் இந்த முடிவை எதிர்த்துச் சென்னை உயர் நீதிமன்றத்தில் புதிய வழக்கு தொடரப்பட்டுள்ளது. சென்னையைச் சேர்ந்த மென்பொறியாளர் கௌதமன் என்பவர் தாக்கல் செய்துள்ள இந்தப் பொதுநல மனு விரைவில் விசாரணைக்கு வரவுள்ள நிலையில், பரந்தூர் விமான நிலைய விவகாரம் மீண்டும் சட்ட ரீதியான முக்கியத்துவத்தைப் பெற்றுள்ளது.

இதையும் படிக்க: “புரிதல் இல்லையா? திட்டமிட்ட தவறா?”.. தீபத்தூண் விவகாரத்தில் தமிழக அரசு மீது கொதித்தெழுந்த அண்ணாமலை!!

48% நிலம் கையகப்படுத்தல் விவரம்:

பரந்தூர் விமான நிலையத் திட்டத்திற்காக ஏற்கனவே அரசு தரப்பில் சுமார் ரூ.680 கோடி அளவிற்கு நிதி செலவிடப்பட்டு, திட்டத்திற்குத் தேவையான மொத்த நிலப்பரப்பில் 48 சதவீத நிலங்கள் கையகப்படுத்தப்பட்டுள்ளதாக மனுதாரர் தனது மனுவில் விரிவாகக் குறிப்பிட்டுள்ளார். இவ்வளவு பெரிய தொகை பொதுமக்களின் வரிப்பணத்திலிருந்து செலவிடப்பட்டு, கிட்டத்தட்ட சரிபாதி நிலங்கள் அரசின் வசம் கொண்டுவரப்பட்ட நிலையில், இத்திட்டம் திடீரெனக் கைவிடப்படுவதாக அறிவிக்கப்பட்டுள்ளதை அவர் சுட்டிக்காட்டியுள்ளார். ஏற்கனவே கையகப்படுத்தப்பட்ட நிலங்களின் எதிர்கால நிலை மற்றும் செலவிடப்பட்ட பல நூறு கோடி ரூபாய் நிதி ஆகியவற்றின் அடிப்படையில் பார்க்கும்போது, இத்திட்டத்தைக் கைவிடும் முடிவு பல்வேறு முக்கியக் கேள்விகளை எழுப்புவதாக அவர் தனது தரப்பில் முன்வைத்துள்ளார்.

பொருளாதார ஆய்வுகள் இன்றி முடிவு:

எவ்விதத் தொழில்நுட்பப் புள்ளிவிவரங்களும் இல்லாமல், போக்குவரத்து மற்றும் விமானப் போக்குவரத்துத் துறை சார்ந்த நிபுணர் குழுவின் அறிக்கைகள் பெறப்படாமல், முறையான பொருளாதார ஆய்வுகள் எதுவும் நடத்தப்படாமல் இந்தத் திட்டம் அவசரகதியில் கைவிடப்பட்டுள்ளதாக மனுதாரர் வழக்கில் குற்றம் சாட்டியுள்ளார். விரிவான ஆய்வுகள் மற்றும் நிபுணர்களின் மதிப்பீடுகள் இல்லாமல் எடுக்கப்பட்ட இந்த முடிவு நிர்வாக ரீதியாக நியாயமற்றது என்ற அடிப்படையில், திட்டத்தைக் கைவிட்டது தொடர்பான முதலமைச்சரின் அறிவிப்பை அமல்படுத்த உடனடியாகத் தடை விதிக்க வேண்டும் என அவர் தனது மனுவில் கோரிக்கை விடுத்துள்ளார்.

இதையும் படிக்க: இனி காவல் நிலையங்களுக்கு அலைய வேண்டியதில்லை.. “மொபைலில் புகார்.. உடனே e-CSR எண்!”.. டிஜிபி வெளியிட்ட அறிவிப்பு!

மறுபரிசீலனை செய்ய கோரிக்கை:

சென்னையின் எதிர்காலப் பொருளாதார வளர்ச்சி மற்றும் விமானப் போக்குவரத்துத் தேவைகளைக் கருத்தில் கொள்ளாமல், பரந்தூர் விமான நிலையத் திட்டத்தைக் கைவிட்ட முடிவை அரசியல் சட்டத்திற்கு விரோதமானதாக அறிவிக்க வேண்டும் என்றும், திட்டத்தைக் கைவிடும் முடிவை அரசு மறுபரிசீலனை செய்ய வேண்டும் என்றும் மனுதாரர் தனது வழக்கில் வலியுறுத்தியுள்ளார். சென்னை உயர் நீதிமன்றத்தில் இந்த மனு விரைவில் விசாரணைக்கு வரவுள்ள நிலையில், இது தொடர்பாகத் தமிழ்நாடு அரசின் சார்பில் அளிக்கப்படவுள்ள பதில்களும் நீதிமன்றம் பிறப்பிக்கவுள்ள உத்தரவுகளும் பரந்தூர் விமான நிலையத் திட்டத்தின் எதிர்காலத்தைத் தீர்மானிக்கும் முக்கியக் கட்டமாகப் பார்க்கப்படுகின்றன.

Follow Us