AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

“மன்னித்துக்கொள்ளுங்கள்.. இதை வெளியே சொல்ல வேண்டாம்!”.. ஆட்சியருக்கு அமைச்சர்கள் அழுத்தம் கொடுத்ததாக கனிமொழி பகீர் குற்றச்சாட்டு!!

Kanimozhi MP Alleges Ministers Pressured kallakurichi Collector: கள்ளக்குறிச்சி மாவட்ட ஆட்சியர் விவகாரத்தில், ஆட்சியருக்கு அமைச்சர்கள் தரப்பிலிருந்து அழுத்தம் கொடுக்கப்பட்டதாகவும், நடந்த சம்பவங்களை வெளியில் சொல்ல வேண்டாம் எனத் தொலைபேசியில் பேசி மன்னிப்பு கேட்கப்பட்டதாகவும் திமுக எம்பி கனிமொழி பகிரங்கமாகக் குற்றம் சாட்டியுள்ளார்.

“மன்னித்துக்கொள்ளுங்கள்.. இதை வெளியே சொல்ல வேண்டாம்!”.. ஆட்சியருக்கு அமைச்சர்கள் அழுத்தம் கொடுத்ததாக கனிமொழி பகீர் குற்றச்சாட்டு!!
தவெக எம்எல்ஏ, கனிமொழி எம்.பி
Esakkiraja Selvarathinam
Esakkiraja Selvarathinam | Published: 18 Nov 2026 14:02 PM IST

சென்னை, நவ.18: தமிழக அரசியல் களத்தில் அண்மை காலமாகப் பல்வேறு பரபரப்பான விவகாரங்கள் விவாதப் பொருளாக மாறிவரும் நிலையில், கள்ளக்குறிச்சி மாவட்ட ஆட்சியர் மற்றும் எம்எல்ஏ தொடர்பான விவகாரம் மாநிலம் முழுவதும் பெரும் தீப்பற்ற வைத்துள்ளது. இச்சம்பவம் தொடர்பாக ஆளும் தரப்பு மற்றும் எதிர்க்கட்சிகளுக்கு இடையே குற்றச்சாட்டுகளும் பதிலடிகளும் தீவிரமடைந்துள்ளன. இந்நிலையில், திமுக துணைப் பொதுச்செயலாளரும் நாடாளுமன்ற உறுப்பினருமான கனிமொழி செய்தியாளர்களைச் சந்தித்துப் பேசியபோது, மாவட்ட ஆட்சியருக்கு அமைச்சர்கள் தரப்பிலிருந்து கடும் அழுத்தம் கொடுக்கப்பட்டதாகவும், இந்த விவகாரத்தை வெளியில் பேச வேண்டாம் எனத் தடுத்துள்ளதாகவும் பகிரங்கமாகக் குற்றம் சாட்டியிருப்பது அரசியல் வட்டட்டத்தில் பெரும் அதிர்ச்சியை ஏற்படுத்தியுள்ளது.

இதையும் படிக்க : திமுக- காங்கிரஸ் உறவு முற்றிலும் முறிவு? ராகுல்காந்தி அழைப்பை ஏற்க மறுத்த மு.க.ஸ்டாலின்.. அரசியல் வட்டாரத்தில் பரபரப்பு!

ஆட்சியரிடம் அமைச்சர்கள் மன்னிப்பு கேட்டதாக குற்றச்சாட்டு:

செய்தியாளர் சந்திப்பில் பேசிய எம்பி கனிமொழி, சம்பந்தப்பட்ட பெண் அதிகாரியான மாவட்ட ஆட்சியருக்குத் தொலைபேசி வாயிலாகத் தொடர்பு கொண்ட மூத்த அமைச்சர்கள் சிலர், “நடந்த சம்பவத்திற்கு எங்களை மன்னித்துக்கொள்ளுங்கள்; தயவுசெய்து இதை வெளியில் சொல்ல வேண்டாம்” எனத் தெரிவித்ததாக அதிரடித் தகவலை வெளியிட்டுள்ளார். பெண்களின் பாதுகாப்பு மற்றும் அவர்களின் உரிமைகள் கேள்விக்குறியாகியுள்ள சூழலில், பாதிக்கப்பட்ட ஒரு பெண் அதிகாரிக்கு நீதி வழங்கப்பட வேண்டும் என்பதற்குப் பதிலாக, விவகாரத்தை மூடி மறைக்கும் முயற்சிகள் நடப்பதாக அவர் குற்றம் சாட்டியுள்ளார். சமூக வலைதளங்களில் பரவும் செய்திகளையும், உண்மையான சம்பவங்களையும் சுட்டிக்காட்டி அவர் எழுப்பிய கேள்விகள் அரசியல் களத்தில் பெரும் விவாதத்தை உருவாக்கியுள்ளன.

மனித உரிமை அமைப்புகளின் கோரிக்கை:

இந்த விவகாரம் குறித்துத் தேசிய மகளிர் ஆணையம் (NCW) ஏற்கனவே தீவிரக் கவனம் செலுத்தியுள்ளதோடு, இது தொடர்பாக உரிய விளக்கம் அளிக்குமாறு மாநிலக் காவல் துறை டிஜிபிக்கு (DGP) நோட்டீஸ் அனுப்பியுள்ளது. மேலும், மனித உரிமை அமைப்பான ‘பீப்பிள்ஸ் வாட்ச்’ போன்ற அமைப்புகளும் களமிறங்கி, மாவட்ட ஆட்சியருக்கு உரிய பாதுகாப்பு மற்றும் நீதி வழங்கப்பட வேண்டும் எனத் தொடர்ந்து குரல் கொடுத்து வருகின்றன. பெண்களுக்கான பாதுகாப்புத் துறையில் இத்தகைய அழுத்தங்களும் முடக்கங்களும் ஏற்படுவது ஏற்புடையதல்ல என்றும், தேசிய மகளிர் ஆணையத்தின் இந்த விசாரணையால் உண்மை வெளிவரும் எனவும் எதிர்பார்க்கப்படுகிறது.

இதையும் படிக்க: “நள்ளிரவில் வீடு புகுந்த கொடிய விஷப்பாம்பு!”.. தாயுடன் தூங்கிய 2 பிஞ்சுக் குழந்தைகள் பரிதாப பலி.. நெஞ்சை உலுக்கும் சோகம்..

அரசியல் களத்தில் தொடரும் அனல் பறக்கும் விவாதங்கள்:

ஒரு பக்கம் எதிர்க்கட்சிகளும் மனித உரிமை அமைப்புகளும் முறையான மற்றும் பாரபட்சமற்ற விசாரணை வேண்டும் என வலியுறுத்தி வரும் நிலையில், மறுபுறம் ஆளும் தரப்பு மற்றும் சம்பந்தப்பட்ட தரப்பினர் மீது வைக்கப்படும் தொடர்ச்சியான குற்றச்சாட்டுகள் அரசியல் சூழலை மேலும் சூடாக்கியுள்ளன. அமைச்சர்களின் பெயர்கள் அடிபடுவதும், ஆட்சியருக்கு அழுத்தம் கொடுக்கப்பட்டதாகக் கூறப்படும் புகார்களும் இந்த வழக்கில் அடுத்தடுத்து என்ன மாதிரியான திருப்பங்களை ஏற்படுத்தப் போகிறது என்ற எதிர்பார்ப்பு தமிழக மக்கள் மத்தியில் எழுந்துள்ளது.

Follow Us