AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

தவெகவில் 60 எம்.எல்.ஏ.க்கள் அதிருப்தியா? ஆட்சி மாற்றம் ஏற்பட வாய்ப்பு – முன்னாள் அமைச்சர் ரகுபதி பரபரப்பு பேட்டி..

Ragupathy On President Rule: 60 எம்.எல்.ஏ.க்கள் கட்சியிலிருந்து வெளியே வந்தால், அவர்கள் தனிப்பெரும் அணியாக உருவெடுக்கும் வாய்ப்பு இருப்பதாகவும், அதன் மூலம் தமிழக அரசியலில் புதிய மாற்றம் ஏற்படலாம் என்றும் தெரிவித்தார். அதேபோல், அதிமுகவிலும் சுமார் 30 எம்.எல்.ஏ.க்கள் அதிருப்தியில் இருப்பதாகப் பேசப்படுவதாக அவர் குறிப்பிட்டார்.

தவெகவில் 60 எம்.எல்.ஏ.க்கள் அதிருப்தியா? ஆட்சி மாற்றம் ஏற்பட வாய்ப்பு – முன்னாள் அமைச்சர் ரகுபதி பரபரப்பு பேட்டி..
கோப்பு புகைப்படம்
Aarthi Govindaraman
Aarthi Govindaraman | Published: 18 Nov 2026 17:26 PM IST

நவம்பர் 18, 2026: தமிழக வெற்றிக் கழகத்தில் சுமார் 60 சட்டமன்ற உறுப்பினர்கள் அதிருப்தியில் இருப்பதாக முன்னாள் அமைச்சர் ரகுபதி தெரிவித்துள்ளார். மேலும், தவெக எம்.எல்.ஏ.க்கள் கட்சியிலிருந்து வெளியேறும் சூழல் உருவானால் தமிழக அரசியலில் ஆட்சி மாற்றம் ஏற்பட வாய்ப்புள்ளதாகவும் அவர் தெரிவித்துள்ளார். செய்தியாளர்களைச் சந்தித்தபோது அவர் இவ்வாறு கூறியிருப்பது அரசியல் வட்டாரத்தில் பரபரப்பை ஏற்படுத்தியுள்ளது.

தவெக எம்.எல்.ஏ.க்களின் செயல்பாடுகள் குறித்து விமர்சனம்

தவெக சட்டமன்ற உறுப்பினர்களின் செயல்பாடுகள் பல்வேறு இடங்களில் சர்ச்சையை ஏற்படுத்தி வருவதாக ரகுபதி விமர்சித்தார். குறிப்பாக, அதிகாரிகளிடம் அவர்கள் நடந்துகொள்ளும் விதம் வரம்பு மீறியதாக இருப்பதாகவும், அதிகாரிகளை மிரட்டும் வகையிலும் பேசுவதாகவும் குற்றம்சாட்டினார். இதற்கு முன்பு தமிழக அரசியலில் இதுபோன்ற நிகழ்வுகள் நடந்ததில்லை என்றும் அவர் தெரிவித்தார்.

60 எம்.எல்.ஏ.க்கள் வெளியேறினால் ஆட்சி மாற்றமா?

தவெகவில் மொத்தம் 109 எம்.எல்.ஏ.க்கள் உள்ள நிலையில், அவர்களில் சுமார் 60 பேர் அதிருப்தியில் இருப்பதாகத் தகவல்கள் வெளியாகி வருவதாக ரகுபதி குறிப்பிட்டார். இந்தத் தகவலை உறுதிப்படுத்த முடியாது என்றாலும், அதிருப்தியில் இருப்பவர்களைச் சமாதானப்படுத்தும் முயற்சிகள் நடைபெற்று வருவதாகவும் கூறினார்.

மேலும், 60 எம்.எல்.ஏ.க்கள் கட்சியிலிருந்து வெளியே வந்தால், அவர்கள் தனிப்பெரும் அணியாக உருவெடுக்கும் வாய்ப்பு இருப்பதாகவும், அதன் மூலம் தமிழக அரசியலில் புதிய மாற்றம் ஏற்படலாம் என்றும் தெரிவித்தார். அதேபோல், அதிமுகவிலும் சுமார் 30 எம்.எல்.ஏ.க்கள் அதிருப்தியில் இருப்பதாகப் பேசப்படுவதாக அவர் குறிப்பிட்டார்.

திமுக குதிரை பேரத்தில் ஈடுபடாது

தவெக எம்.எல்.ஏ.க்களை திமுக குதிரை பேரம் மூலம் இழுக்க முயற்சிப்பதாகக் கூறப்படும் தகவல்களையும் ரகுபதி மறுத்தார். திமுகவுக்கு அதுபோன்ற நடவடிக்கையில் ஈடுபட வேண்டிய அவசியம் இல்லை என்றும், எம்.எல்.ஏ.க்களை விலைக்கு வாங்கும் அளவுக்கு திமுகவிடம் பணம் இல்லை என்றும் கூறினார்.

மேலும் படிக்க: இலங்கைக்கு ரூ. 60 லட்சம் பீடி இலைகள் கடத்தல் முயற்சி.. சினிமா பாணியில் நடந்த சேஷிங்.. 2 பேரை தூக்கிய க்யூ பிரிவு போலீஸ்!

மேலும், தமிழக மக்களிடம் ஏற்பட்டுள்ள அரசியல் மாற்றத்தைப் பயன்படுத்தி நல்லாட்சியை அமைக்க முடியும் என்ற நம்பிக்கை திமுகவுக்கு இருப்பதாகவும் அவர் தெரிவித்தார்.

ஆளுநர் தலையீடு ஏற்பட்டால் குடியரசுத் தலைவர் ஆட்சியா?

தவெகவில் அதிருப்தி அதிகரித்து ஆட்சி அமைப்பதில் பெரும்பான்மை தொடர்பான சிக்கல் ஏற்பட்டால், ஆளுநர் தலையிடும் சூழல் உருவாகலாம் என்றும் ரகுபதி கூறினார். அப்போது சட்டமன்றம் முடக்கப்பட்டு குடியரசுத் தலைவர் ஆட்சி அமல்படுத்தப்பட வாய்ப்புள்ளதாகவும் தெரிவித்தார்.

மேலும் படிக்க: வேலூரில் அதிர்ச்சி.. ரூ.6.5 கோடி ரயில்வே பொருட்கள் கொள்ளை.. முக்கிய குற்றவாளி உள்பட 5 பேர் கைது!

அதன்பிறகு பெரும்பான்மையை நிரூபிக்க அரசியல் கட்சிகளுக்கு வாய்ப்பு வழங்கப்படும் என்றும், எந்தக் கட்சியாலும் பெரும்பான்மையை நிரூபிக்க முடியாவிட்டால் மீண்டும் தேர்தல் நடத்தப்படும் என்றும் அவர் கூறினார். அத்தகைய தேர்தல் நடைபெற்றால் திமுக வெற்றி பெறும் என்ற நம்பிக்கை தங்களுக்கும் தமிழக மக்களுக்கும் இருப்பதாகவும் தெரிவித்தார்.

மகளிர் உரிமைத்தொகை விவகாரத்திலும் அரசுக்கு எதிர்ப்பு

தமிழகத்தில் தற்போது அனைத்துத் துறைகளிலும் மக்கள் பல்வேறு சிரமங்களைச் சந்தித்து வருவதாக ரகுபதி விமர்சித்தார். குறிப்பாக, சுமார் 20 லட்சம் பெண்களுக்கு மகளிர் உரிமைத்தொகை நிறுத்தப்பட்டதாகக் கூறப்படும் தகவலைச் சுட்டிக்காட்டினார். உரிமைத்தொகை பெறுவோரின் எண்ணிக்கை மேலும் குறையும் பட்சத்தில், பாதிக்கப்பட்ட பெண்களிடையே அரசுக்கு எதிரான அதிருப்தி அதிகரிக்கும் என்றும் அவர் தெரிவித்தார்.

தவெக எம்.எல்.ஏ.க்கள் அதிருப்தி, ஆட்சி மாற்றத்துக்கான சாத்தியம், மகளிர் உரிமைத்தொகை விவகாரம் எனப் பல்வேறு அரசியல் கருத்துகளை ரகுபதி முன்வைத்திருப்பது தமிழக அரசியல் களத்தில் விவாதத்தை ஏற்படுத்தியுள்ளது.

Follow Us