ICC Women World Cup 2025: அரையிறுதி அபாயம்! 5வது இடத்திற்கு பின்தங்கிய இந்தியா.. புள்ளிகள் பட்டியல் நிலவரம்!

ஐசிசி மகளிர் ஒருநாள் உலகக் கோப்பை 2025ல் (ICC Womens World Cup 2025) நேற்று அதாவது 2025 அக்டோபர் 20 நடைபெற்ற பரபரப்பான போட்டியில் இலங்கை அணி வங்கதேசத்தை 7 ரன்கள் (Sri Lanka Women vs Bangladesh Women) வித்தியாசத்தில் தோற்கடித்தது. இது இந்திய அணிக்கு சற்று பின்னடைவை கொடுத்தது. கடைசி 7 பந்துகளில் இலங்கை அணி வங்கதேசத்தின் 5 விக்கெட்டுகளை வீழ்த்தி கடைசி நேரத்தில் போட்டியை வென்றது. முதலில் பேட்டிங் செய்த இலங்கை அணி, வங்கதேசத்திற்கு 203 ரன்கள் என்ற வெற்றி இலக்கை இலங்கை நிர்ணயித்திருந்தது. வங்கதேசம் 18 ஓவர்களில் 4 விக்கெட் இழப்புக்கு 194 ரன்கள் எடுத்தது. கடைசி 2 ஓவர்களில் வெற்றி பெற 12 ரன்கள் தேவைப்பட்டது. இருப்பினும், கடைசி 12 பந்துகளில் இலங்கை 4 ரன்கள் கொடுத்து போட்டியை வென்றது.

வங்கதேசம் மற்றும் இலங்கை அணிகளுக்கு இடையிலான போட்டிக்குப் பிறகு புள்ளிகள் பட்டியலில் மாற்றம் ஏற்பட்டுள்ளது. வெற்றிக்குப் பிறகு இலங்கை அணி புள்ளிப் பட்டியலில் 6வது இடத்திற்கு முன்னேறியுள்ளது. அதே நேரத்தில் இந்திய அணி இன்னும் ஆபத்தில் உள்ளது. இப்போது அரையிறுதிப் போட்டிக்கு இந்திய அணிக்கும் நியூசிலாந்து அணிக்கும் இடையே கடுமையான போட்டி நிலவும்.

ALSO READ: 3 அரைசதம் அடித்து தொட முடியாமல் போன இலக்கு.. இந்திய அணியை 4 ரன்கள் வித்தியாசத்தில் வீழ்த்திய இங்கிலாந்து!

இதையும் படியுங்கள்

அடுத்த போட்டியில் பெரிய ஸ்கோர் அடிப்பார்கள்… ரோகித் சர்மா – விராட் கோலிக்கு சுனில் கவாஸ்கர் ஆதரவு

India Women vs England Women: 3 அரைசதம் அடித்து தொட முடியாமல் போன இலக்கு.. இந்திய அணியை 4 ரன்கள் வித்தியாசத்தில் வீழ்த்திய இங்கிலாந்து!

Australia vs India 1st ODI: தீபாவளி பரிசை தர தவறிய இந்திய அணி.. ஆஸ்திரேலியாவிற்கு எதிரான முதல் போட்டியில் தோல்வி!

Ro – Ko Out: சொற்ப ரன்களில் சோகம்… அடுத்தடுத்து ஆட்டமிழந்து ரோஹித் – கோலி ஏமாற்றம்!

அரையிறுதிக்கு 3 அணிகள் உறுதி செய்யப்பட்டு, ஒரு இடத்திற்கு போட்டியிடுகின்றன.
இதுவரை, 2025 ஒருநாள் உலகக் கோப்பையின் அரையிறுதிக்கு 4 அணிகளில் 3 அணிகள் உறுதி செய்யப்பட்டுள்ளன. நடப்பு சாம்பியன் ஆஸ்திரேலியா, இங்கிலாந்து மற்றும் தென்னாப்பிரிக்கா அணிகள் அரையிறுதிக்கு தகுதி பெற்றுள்ளன. சமீபத்திய புள்ளிவிவரங்களின்படி, ஆஸ்திரேலியா 9 புள்ளிகளுடன் புள்ளிகள் பட்டியலில் முதலிடத்தில் உள்ளது. இந்த போட்டியில் ஆஸ்திரேலியா ஒரு போட்டியில் கூட தோல்வியடையவில்லை. ஆஸ்திரேலியா 5 போட்டிகளில் 4 போட்டிகளில் வெற்றி பெற்றுள்ளது. 1 போட்டி மழையால் கைவிடப்பட்டது. ஆஸ்திரேலியாவின் நிகர ரன் விகிதம் +1.818 ஆகும்.

புள்ளிகள் பட்டியலில் இங்கிலாந்து இரண்டாவது இடத்தில் உள்ளது. இங்கிலாந்தும் ஆஸ்திரேலியாவும் ஒரே மாதிரியான செயல்பாடுகளைக் கொண்டுள்ளன. இருப்பினும், இங்கிலாந்தின் நிகர ஓட்ட விகிதம் ஆஸ்திரேலியாவை விட சற்று குறைவாக உள்ளது. இங்கிலாந்தின் நிகர ஓட்ட விகிதம் +1.490. தென்னாப்பிரிக்கா மூன்றாவது இடத்தில் உள்ளது. தென்னாப்பிரிக்காவின் நிகர ஓட்ட விகிதம் -0.440. தென்னாப்பிரிக்கா போட்டியை தோல்வியுடன் தொடங்கியது. இருப்பினும், அதன் பிறகு தென்னாப்பிரிக்கா தொடர்ச்சியாக 4 போட்டிகளில் வெற்றி பெற்றது.

ALSO READ: அடுத்த போட்டியில் பெரிய ஸ்கோர் அடிப்பார்கள்… ரோகித் சர்மா – விராட் கோலிக்கு சுனில் கவாஸ்கர் ஆதரவு

வெற்றிக்குப் பிறகு இலங்கை ஆறாவது இடம்:

புள்ளிப் பட்டியலில் 4 புள்ளிகளுடன் இந்திய அணி 5வது இடத்தில் உள்ளது. இந்தப் போட்டியில் நியூசிலாந்துக்கு எதிரான தனது ஆறாவது போட்டியில் இந்திய அணி விளையாடவுள்ளது. இந்தப் போட்டி வருகின்ற 2025 அக்டோபர் 23ம் தேதி நடைபெறும். அரையிறுதிப் போட்டியைப் பொறுத்தவரை இந்தப் போட்டி இரு அணிகளுக்கும் தீர்க்கமானதாக இருக்கும். இந்தப் போட்டியில் வெற்றி பெறும் அணி அரையிறுதிக்குச் செல்வதற்கான அதிக வாய்ப்புகளைப் பெறும். அதேநேரத்தில், தோல்வியடைந்த அணியின் அரையிறுதிக்குச் செல்லும் கனவு தகர்க்கப்படும். எனவே,  வருகின்ற 2025 அக்டோபர் 23ம் தேதி நடைபெறும் போட்டி இரு அணிகளுக்கும் மதிப்புமிக்க ஒன்றாக இருக்கும். எனவே, தொடர்ச்சியாக 2 போட்டிகளில் வெற்றி பெற்று வலுவான தொடக்கத்திற்குப் பிறகு, தொடர்ச்சியாக 3 போட்டிகளில் தோல்வியடைந்த இந்திய அணி, நியூசிலாந்துக்கு எதிராக எவ்வாறு செயல்படும்? இந்திய ரசிகர்கள் இதில் கவனம் செலுத்துவார்கள்.