Asia Cup 2026: கோப்பையை மறுத்தாலும் கொட்டும் பணமழை.. இந்திய மகளிர் அணி பெற்ற பரிசுத்தொகை எவ்வளவு?
Women Asia Cup 2026 Prize Money: இந்திய மகளிர் அணிக்கு கோப்பை வழங்கப்படவில்லை என்றாலும் பணம் வாரி வழங்கப்படும். இந்த ஆண்டுக்கான புதிய பரிசுத்தொகையை ஆசிய கிரிக்கெட் கவுன்சில் இன்னும் அதிகாரப்பூர்வமாக அறிவிக்கவில்லை என்றாலும், முந்தைய சீசனில் தீர்மானிக்கப்பட்ட பரிசுத்தொகை கட்டமைப்பின்படியே இந்தத் தொகையும் இருக்கும் என்று எதிர்பார்க்கப்படுகிறது.
2026 மகளிர் ஆசிய கோப்பையின் (2026 Asia Cup) இறுதிப் போட்டியில் இலங்கையை 72 ரன்கள் வித்தியாசத்தில் வீழ்த்தி இந்திய மகளிர் கிரிக்கெட் அணி (Indian Womens Cricket Team) ஒரு வரலாற்றுச் சாதனையை நிகழ்த்தியுள்ளது. துபாய் சர்வதேச கிரிக்கெட் ஸ்டேடியத்தில் நடைபெற்ற இந்தப் போட்டியில், இந்தியா 8வது முறையாக மகளிர் ஆசிய கோப்பையை வென்றது. குறிப்பிடத்தக்க வகையில், இந்திய அணி இந்தத் தொடர் முழுவதும் தோல்வியடையாமல் பட்டத்தை வென்றது. இந்த மகத்தான வெற்றிக்குப் பிறகு, இந்திய மகளிர் அணிக்கு கோப்பை வழங்கப்படவில்லை என்றாலும் பணம் வாரி வழங்கப்படும். இந்த ஆண்டுக்கான புதிய பரிசுத்தொகையை ஆசிய கிரிக்கெட் கவுன்சில் இன்னும் அதிகாரப்பூர்வமாக அறிவிக்கவில்லை என்றாலும், முந்தைய சீசனில் தீர்மானிக்கப்பட்ட பரிசுத்தொகை கட்டமைப்பின்படியே இந்தத் தொகையும் இருக்கும் என்று எதிர்பார்க்கப்படுகிறது.
ALSO READ: கோப்பையே வேண்டாம்.. மொஹ்சின் நக்வியை நிராகரித்த இந்திய மகளிர்.. மைதானத்தில் மீண்டும் பரபர!
வெற்றி பெறும் அணியான இந்தியாவிற்கு எவ்வளவு பணம் கிடைக்கும்?
🚨 TROPHY CONTROVERSY! 🏆
India Women reportedly declined to accept the Asia Cup trophy from ACC President Mohsin Naqvi and did not take part in the trophy presentation.
The Indian team celebrated their historic eighth Asia Cup title, while the presentation ceremony turned into… pic.twitter.com/3TJtYwtIGk
— Sunanda Acharya (@Sunanda_Iam) September 13, 2026
8வது முறையாக ஆசியக் கோப்பையை வென்ற இந்திய மகளிர் கிரிக்கெட் அணிக்கு, 25 ஆயிரம் அமெரிக்க டாலர்கள் (இந்திய மதிப்பில் சுமார் 21 லட்சம் ரூபாய்) பரிசுத் தொகையாகக் கிடைக்க வாய்ப்புள்ளது. அதே சமயம், இறுதிப் போட்டியில் தோல்வியடைந்த இலங்கை அணி, இரண்டாம் இடத்தைப் பிடித்ததற்காக 15 ஆயிரம் அமெரிக்க டாலர்கள் (சுமார் 12.5 லட்சம் ரூபாய்) பெறக்கூடும்.
வரலாறு படைத்த ஹர்மன்பிரீத் கவுர்:
இதற்கிடையில், இந்திய கேப்டன் ஹர்மன்பிரீத் கவுர் இந்தப் பட்டத்தின் மூலம் மற்றொரு பெரிய சாதனையை படைத்துள்ளார். கேப்டனாக இது அவரது நான்காவது ஆசிய கோப்பை பட்டமாகும். இந்தச் சாதனையின் மூலம், ஹர்மன்பிரீத் கவுர், முன்னாள் இந்திய கேப்டனும் ஜாம்பவான் கிரிக்கெட் வீராங்கனையுமான மிதாலி ராஜின் சாதனையை முறியடித்துள்ளார். மிதாலியின் தலைமையில் இந்தியா 3 முறை ஆசிய கோப்பையை வென்றிருந்தது. தற்போது நான்கு பட்டங்களுடன், ஹர்மன்பிரீத் கவுர் கேப்டனாக ஒரு புதிய சாதனையை படைத்துள்ளார்.
ALSO READ: இலங்கையை வீழ்த்தி பழி தீர்த்த இந்திய மகளிர் அணி.. 8-வது முறையாக ஆசிய கோப்பையை வென்று சாதனை!
ஆசிய கோப்பையில் இந்தியா ஆதிக்கம்:
இந்தியா இதற்கு முன்னர் 2004, 2005, 2006, 2008, 2012, 2016 மற்றும் 2022 ஆகிய ஆண்டுகளில் மகளிர் ஆசியக் கோப்பையை வென்றிருந்தது. 2018-ல் வங்கதேசம் இந்தியாவின் ஆதிக்கத்திற்கு முற்றுப்புள்ளி வைத்தது, அதேசமயம் 2024-ல் இலங்கை பட்டத்தை வென்றது. இருப்பினும், 2026-ல், இந்தியா மீண்டும் கோப்பையை இதயங்களில் ஏந்தி, ஆசியக் கோப்பை வரலாற்றில் தனது எட்டாவது பட்டத்தைக் கொண்டாடியது.
