Virat Kohli’s Comeback: ஓய்வு முடிவுக்கு முற்றுப்புள்ளி வைத்த கோலி.. வைரலாகும் புகைப்படம்..!
Australia ODI Series: விராட் கோலி T20 மற்றும் டெஸ்ட் கிரிக்கெட்டிலிருந்து ஓய்வு பெற்ற பின், ஒருநாள் போட்டிகளில் கவனம் செலுத்துகிறார். ஆஸ்திரேலியாவுக்கு எதிரான அடுத்த ஒருநாள் தொடர் அவரது எதிர்காலத்திற்கு மிகவும் முக்கியமானது. ரசிகர்கள் கோலி சர்வதேச போட்டிகளுக்கு திரும்புவதை எதிர்பார்த்து காத்திருக்கின்றனர்.
சர்வதேச டி20 மற்றும் டெஸ்ட் கிரிக்கெட்டிலிருந்து விடைபெற்ற இந்திய அணியின் (Indian Cricket Team) முன்னாள் கேப்டன் விராட் கோலி (Virat Kohli), தற்போது ஒருநாள் போட்டிகளில் மட்டும் களமிறங்கி விளையாடி வருகிறது. முன்னதாக, 2025 ஆகஸ்ட் மாதம் வங்கதேசத்திற்கு எதிரான ஒருநாள் தொடரில் விராட் கோலி களமிறங்குவார் என்று எதிர்பார்க்கப்பட்டது. ஆனால், இந்த தொடர் ரத்து செய்யப்பட்டு அடுத்த 2026ம் ஆண்டு தேதி குறிப்பிடாமல் ஒத்தி வைக்கப்பட்டதாக அறிவிக்கப்பட்டது. இதனை தொடர்ந்து, 2025 அக்டோபரில் ஆஸ்திரேலியாவுக்கு எதிரான தொடர் (Australia ODI Series) விராட் கோலிக்கு அடுத்த பெரிய சவாலாக உள்ளது. அவரது ஒருநாள் போட்டி எதிர்காலம் குறித்து கிரிக்கெட் உலகில் நிறைய விவாதங்கள் நடைபெற்று வருவதால், இந்தத் தொடர் அவரது வாழ்க்கைக்கு மிகவும் முக்கியமானதாகக் கருதப்படுகிறது.
ALSO READ: மிஸ்ஸான ரஜத் படிதார் போன் நம்பர்.. கோலி, டிவில்லியர்ஸிடம் சேட்டை செய்த இளைஞர்கள்!
பயிற்சி மோடில் விராட் கோலி:
விராட் கோலி சமீபத்தில் தனது சமூக ஊடகங்களில் உட்புற வலைப் பயிற்சியின் ஒரு படத்தைப் பகிர்ந்துள்ளார். இதில், குஜராத் டைட்டன்ஸ் உதவி பயிற்சியாளர் நயீம் அமினுடன் காணப்பட்டார். அந்த புகைப்படத்தில் விராட் கோலி அவருடன் பேட்டிங் பயிற்சி செய்வதை காணலாம். இந்த படத்துடன் கோலி, “எனக்கு அடிக்க உதவியதற்கு நன்றி, சகோதரரே. உங்களைப் பார்ப்பது எப்போதும் மகிழ்ச்சியாக இருக்கிறது” என்று தலைப்பில் எழுதினார். கோலியின் இந்தப் பதிவு, அவர் முழுமையாக உடற்தகுதியுடன் இருக்கிறார், அடுத்த சவாலுக்குத் தயாராக இருக்கிறார் என்பதை தெளிவுபடுத்தியது.
மீண்டும் சர்வதேச போட்டிகளில் களமிறங்கும் கோலி:
Virat Kohli is excited for the ODIs. Joke’s on those who dared to question his dedication for the game. pic.twitter.com/s8aYBjDcMd
— Pari (@BluntIndianGal) August 13, 2025
விராட் கோலியின் இந்தப் படம் ஒரு கிரிக்கெட் ரசிகர்களால் சமூக வலைதளங்களில் அதிகம் பகிரப்பட்டு வருகிறது. அதில் ஆஸ்திரேலிய ஒருநாள் தொடருக்காக கோலி ரெடியாகுவது நேரடியாகக் குறிப்பிடப்பட்டிருந்தது. சிறப்பு என்னவென்றால், ரசிகர்களால் சமூக வலைதளங்களில் பகிரப்பட்ட புகைப்படத்தை, விராட் கோலியே லைக் செய்துள்ளது. இது சர்வதேச போட்டிகளில் விராட் கோலி மீண்டும் களமிறங்குவது குறித்து ரசிகர்களிடையே உற்சாகத்தை மேலும் அதிகரித்துள்ளது.
ஒருநாள் போட்டிக்காக காத்திருக்கும் ரோஹித்-கோலி:
டி20 உலகக் கோப்பையை வென்ற பிறகு, ரோஹித் சர்மா மற்றும் விராட் கோலி இருவரும் சேர்ந்து டி20 சர்வதேச போட்டிகளில் இருந்து ஓய்வு பெறுவதாக அறிவித்தனர். ரோஹித் டெஸ்ட் கிரிக்கெட்டிலிருந்தும் ஓய்வு பெற்றிருந்ததை தொடர்ந்து, விராட் கோலியும் டெஸ்ட் போட்டிகளில் இருந்து ஓய்வு பெற்றுவிட்டார். இருப்பினும், இருவரும் ஒருநாள் போட்டிகளில் இன்னும் அணியின் முக்கியமான வீரர்கள், ரோஹித் கேப்டனாகவும், கோலி மிகவும் நம்பகமான பேட்ஸ்மேனாகவும் உள்ளனர்.
பிசிசிஐயின் நீண்டகால சிந்தனை
பிசிசிஐ எதிர்காலத்திற்காகத் திட்டமிட்டு, 2027 ஒருநாள் உலகக் கோப்பையைக் கண்காணித்து வருகிறது. அப்போது ரோஹித்துக்கு 40 வயது இருக்கும். கோலிக்கு 39 வயது இருக்கும். இருவரின் எதிர்காலம் குறித்தும் பிசிசிஐ ஒரு தெளிவான முடிவை எடுக்கும் என்று நம்பப்படுகிறது.
ALSO READ: மீண்டும் டி20க்கு திரும்பும் கில்.. 2025 ஆசியக் கோப்பைக்கான இந்திய அணியில் யார் யாருக்கு வாய்ப்பு..?
ஆஸ்திரேலிய ஒருநாள் தொடர் எப்போது..?
அக்டோபர் 19 முதல் 25 வரை நடைபெற உள்ள ஆஸ்திரேலியா ஒருநாள் தொடர் குறித்து, இரு வீரர்களின் வாழ்க்கையின் கடைசி தொடராக இது இருக்கலாம் என்ற ஊகங்கள் உள்ளன. இருப்பினும், இது குறித்த அதிகாரப்பூர்வ உறுதிப்படுத்தல் இன்னும் காத்திருக்கிறது, ஆனால் கோலியின் உற்சாகத்தையும் கடின உழைப்பையும் பார்க்கும்போது, அவர் தனது முழு பலத்தையும் களத்தில் இறுதி வரை செலுத்தத் தயாராக இருப்பதாகத் தெரிகிறது.
