Cristiano Ronaldo Retires: கால்களுக்கு ஓய்வு கொடுத்த ரொனால்டோ.. சர்வதேச கால்பந்தில் ஓய்வு அறிவிப்பு!
Cristiano Ronaldo Retirement: தனது 23 ஆண்டுகால சர்வதேச விளையாட்டு வாழ்க்கையையும் கிறிஸ்டியானோ ரொனால்டோ முடிவுக்குக் கொண்டு வந்துள்ளார். இந்த மாபெரும் முடிவின் மூலம், ஐந்து முறை பலோன் டி'ஓர் விருது வென்ற கிறிஸ்டியானோ ரொனால்டோ, போர்ச்சுகல் தேசிய அணிக்காக விளையாடிய தனது பயணத்தை என்றென்றைக்கும் மனதில் கொண்டுள்ளதாக தெரிவித்துள்ளார்.
போர்ச்சுகல் கால்பந்து ஜாம்பவான் கிறிஸ்டியானோ ரொனால்டோ (Cristiano Ronaldo) சர்வதேச கிரிக்கெட்டிலிருந்து தனது ஓய்வை அறிவித்துள்ளார். 41 வயதான ரொனால்டோ, 146 கோல்களுடன் போர்ச்சுகல் நாட்டின் வரலாற்றில் அதிக கோல் அடித்த வீரராகத் திகழ்கிறார். இதன்மூலம், தனது 23 ஆண்டுகால சர்வதேச விளையாட்டு வாழ்க்கையையும் கிறிஸ்டியானோ ரொனால்டோ முடிவுக்குக் கொண்டு வந்துள்ளார். இந்த மாபெரும் முடிவின் மூலம், 5 முறை பலோன் டி’ஓர் விருது வென்ற கிறிஸ்டியானோ ரொனால்டோ, போர்ச்சுகல் தேசிய அணிக்காக (Portugal National Team) விளையாடிய தனது பயணத்தை என்றென்றைக்கும் மனதில் கொண்டுள்ளதாக தெரிவித்துள்ளார். விளையாட்டின் மிகச்சிறந்த வீரர்களில் ஒருவராகக் கருதப்படும் ரொனால்டோ, தனது விளையாட்டு வாழ்க்கையில் ஒருமுறை கூட உலகக் கோப்பையை வென்றதில்லை.
ALSO READ: எதிர்பாராமல் மோதிய கோல் கீப்பர்.. கால்பந்து வீரர் மரணம்.. வெளியான அதிர்ச்சி வீடியோ!
ஓய்வு குறித்து ரொனால்டோ விளக்கம்:
ஓய்வு குறித்து பேசிய ரொனால்டோ, “போர்ச்சுகல் மக்களுக்கு, நமது தேசிய அணியின் 7-ஆம் எண் ஜெர்சியைத் திருப்பிக் கொடுக்கும் நாள் வந்துவிட்டது. அது எனக்கு மட்டுமே சொந்தமாக இருக்கும் என்று நான் ஒருபோதும் கற்பனை செய்ததில்லை. ஆனால் 23 ஆண்டுகளாக, அதை அணிவதற்கும், பாதுகாப்பதற்கும், உலகெங்கிலும் உள்ள மைதானங்களுக்கு என்னுடன் எடுத்துச் செல்வதற்கும் எனக்குப் பெரும் பாக்கியமும் பொறுப்பும் இருந்தது. இன்று, அதை அடுத்த தலைமுறையிடம் ஒப்படைக்க வேண்டிய நேரம் வந்துவிட்டது. இது ஒரு எளிதான முடிவு அல்ல.
ஏனென்றால், சில முடிவுகள் வெறும் அறிவால் மட்டுமல்ல, இதயத்தாலும் எடுக்கப்படுகின்றன. ஆகஸ்ட் 2003-ல் தொடங்கி, என் வாழ்க்கையை என்றென்றைக்குமாக மாற்றிய ஒரு பயணம் முடிவுக்கு வருகிறது. நான் திரும்பிப் பார்த்து, தேசிய அணியுடனான என் அனுபவங்களை நினைத்துப் பார்க்கும்போது, நான் வெறும் ஆட்டங்கள், கோல்கள், சாதனைகள் அல்லது கோப்பைகளை மட்டும் பார்ப்பதில்லை. நான் மக்களைப் பார்க்கிறேன். அந்த 90 நிமிடங்களுக்கு, போர்ச்சுகலை இன்னும் கொஞ்சம் நெருக்கமாக உணர்ந்த குடியேறிகளை நான் பார்க்கிறேன். நான் நேரில் சந்தித்திராத, ஆனால் என் வாழ்க்கையின் ஒரு பகுதியாக இருந்த லட்சக்கணக்கான போர்ச்சுகல் மக்களை நான் பார்க்கிறேன். ஏனென்றால், எல்லாவற்றிற்கும் மேலாக, கால்பந்து என்பது வெறும் ஒரு விளையாட்டு மட்டுமல்ல. கால்பந்து என்பது மக்களைப் பற்றியது.” என்று தெரிவித்தார்.
ஜெர்சிக்காக என்னால் முடிந்ததை..
தொடர்ந்து பேசிய ரொனால்டோ, “தேசிய அணியுடனான எனது விளையாட்டு வாழ்க்கை முழுவதும், எனது வரம்புகளைத் தாண்டிச் செல்ல முயன்றேன். நான் வெற்றி பெற விரும்பினேன், நான் சிறந்தவனாக இருக்க விரும்பினேன், நான் வரலாறு படைக்க விரும்பினேன். என் மீது எனக்கு எப்போதும் அதிக எதிர்பார்ப்புகள் இருந்தன. நான் எப்போதும் இன்னும் அதிகமாக விரும்பினேன், நம்மால் இன்னும் முன்னேற முடியும் என்று நான் எப்போதும் நம்பினேன். மேலும் இந்த ஜெர்சிக்காக எனது முழு உழைப்பையும் கொடுத்தேன்.
சில அற்புதமான பிற்பகல்களும் இரவுகளும் இருந்தன. எனது பயணத்தில் ஒருபோதும் மறக்க முடியாத வெற்றிகள் பல இருந்தன. நினைத்துப் பார்க்கவே வலிக்கக்கூடிய தோல்விகளும் இருந்தன. நான் பின்னடைவுகளைக் கண்டேன், துன்பப்பட்டேன், மேலும் போர்ச்சுகல் மக்கள் மிகவும் ஆவலுடன் விரும்பியதை என்னால் கொடுக்க முடியாத தருணங்களும் இருந்தன. ஆனால் நான் ஒருபோதும் கைவிடவில்லை. எல்லாவற்றிற்கும் மேலாக, போர்ச்சுகலைப் பிரதிநிதித்துவப்படுத்துவதில் நான் எப்போதும் பெருமை கொண்டேன்.”என்றார்.
ALSO READ: விதிமீறியதாக குற்றச்சாட்டு.. ஜாம்பவான் ரொனால்டோ கால்பந்து விளையாட தடை விதிப்பு!
ரொனால்டோவின் சர்வதேச வாழ்க்கை
ரொனால்டோ போர்ச்சுகல் அணிக்காக 234 சர்வதேசப் போட்டிகளில் விளையாடி, 146 கோல்களை அடித்தார். அவர் 2003 ஆம் ஆண்டு ஆகஸ்ட் 20 ஆம் தேதி கஜகஸ்தானுக்கு எதிராக தனது சர்வதேச அறிமுகத்தை மேற்கொண்டார். அவரது முதல் கோல் 2004 ஆம் ஆண்டு கிரீஸுக்கு எதிராக வந்தது.
