IPL 2026: ராஜஸ்தானுக்கு எதிராக விக்கெட் மழை.. துவம்சம் செய்து ஹைதராபாத் அபார வெற்றி!
SRH vs RR Highlights: 217 என்ற இலக்கை துரத்தும்போது ராஜஸ்தான் அணி தனது முதல் ஓவரிலேயே 3 விக்கெட்டுகளை இழந்தது. இருப்பினும், ஜடேஜா மற்றும் ஃபெராரியா உதவியால் ராஜஸ்தான் கௌரவமான இலக்கை தொட்டது. இறுதியாக ராஜஸ்தான் அணி 19 ஓவர்களில் அனைத்து விக்கெட்டுகளை இழந்து 159 ரன்கள் மட்டுமே எடுத்தது. இதன்மூலம், ஹைதராபாத் அணி 57 ரன்கள் வித்தியாசத்தில் வெற்றியை பெற்றது.
ஐபிஎல் 2026 சீசனின் (IPL 2026) 21வது போட்டியில் இன்று அதாவது 2026 ஏப்ரல் 13ம் தேதி சன்ரைசர்ஸ் ஹைதராபாத் அணியும், ராஜஸ்தான் ராயல்ஸ் (Rajastan Royals) அணியும் மோதியது. இந்த போட்டியில் முதலில் பேட்டிங் செய்த ஹைதராபாத் அணி 20 ஓவர்கள் முடிவில் 6 விக்கெட்டுகள் இழப்பிற்கு 216 ரன்கள் எடுத்தது. 217 என்ற இலக்கை துரத்தும்போது ராஜஸ்தான் அணி தனது முதல் ஓவரிலேயே 3 விக்கெட்டுகளை இழந்தது. இருப்பினும், ஜடேஜா மற்றும் ஃபெராரியா உதவியால் ராஜஸ்தான் கௌரவமான இலக்கை தொட்டது. இறுதியாக ராஜஸ்தான் அணி 19 ஓவர்களில் அனைத்து விக்கெட்டுகளை இழந்து 159 ரன்கள் மட்டுமே எடுத்தது. இதன்மூலம், ஹைதராபாத் அணி 57 ரன்கள் வித்தியாசத்தில் வெற்றியை பெற்றது.
ALSO READ: சிஎஸ்கே அட்டவணையில் திடீர் மாற்றம்.. சேப்பாக்கத்தில் இருந்து அகமதாபாத்திற்கு மாறும் போட்டி!
அறிமுக வீரர் அசத்தல்:
சன்ரைசர்ஸ் ஹைதராபாத் அணிக்காக அறிமுகமான பிரஃபுல் ஹிங்கே, தனது முதல் 2 ஓவர்களிலேயே 4 விக்கெட்டுகளைக் கைப்பற்றினார். இன்னிங்ஸின் முதல் ஓவரிலேயே வைபவ் சூர்யவன்ஷி, துருவ் ஜூரல் மற்றும் லுவான் ட்ரீ பிரிட்டோரியஸ் ஆகியோரை ஆட்டமிழக்கச் செய்து, ஹைதராபாத்தின் வெற்றிக்கு பிரஃபுல் ஹிங்கே அடித்தளமிட்டார்.
சன்ரைசர்ஸ் ஹைதராபாத் டாஸ் தோற்று முதலில் பேட்டிங் செய்யத் தீர்மானித்தது. தொடக்க ஆட்டக்காரர்களான அபிஷேக் சர்மா மற்றும் டிராவிஸ் ஹெட் இருவரும் சொதப்பினாலும், கேப்டன் இஷான் கிஷன் 44 பந்துகளில் 91 ரன்கள் குவித்து தனது திறமையை வெளிப்படுத்தினார். ஹென்ரிச் கிளாசென் 40 ரன்கள் எடுத்தார். நிதிஷ் குமார் ரெட்டி மற்றும் சலில் அரோரா ஆகியோரும் சுருக்கமான ஆனால் முக்கியமான இன்னிங்ஸ்களை ஆடி, சன்ரைசர்ஸ் ஹைதராபாத் அணி 216 ரன்களை எட்ட உதவினர்.
சன்ரைசர்ஸ் ஹைதராபாத் அணி பிரஃபுல் ஹிங்கே மற்றும் ஷகிப் ஹுசைன் ஆகிய இருவருக்கும் அறிமுக வாய்ப்பு வழங்கியது. பிரஃபுல் தொடக்க ஆட்டக்காரராகக் களமிறங்கி, முதல் ஓவரிலேயே வைபவ் சூர்யவன்ஷி, துருவ் ஜூரல் மற்றும் லுவான் ட்ரீஸ் பிரிட்டோரியஸ் ஆகியோரை ஆட்டமிழக்கச் செய்தார். 2வது ஓவரில், ஷகிப் ஹுசைன் தனது முதல் ஐபிஎல் ஓவரிலேயே யஷஸ்வி ஜெய்ஸ்வாலையும் ஆட்டமிழக்கச் செய்தார். ராஜஸ்தான் அணி வெறும் 2 ரன்களுக்கு 4 விக்கெட்டுகளை இழந்திருந்தது.
ALSO READ: எம்.எஸ்.தோனி களமிறங்குவது எப்போது..? ரசிகர்களுக்கு சூப்பர் அப்டேட்!
ஸ்கோர்போர்டில் வெறும் 9 ரன்கள் மட்டுமே இருந்த நிலையில், ராஜஸ்தான் அணியில் 5 பேர் ஆட்டமிழந்தனர். இதற்கிடையில், ரவீந்திர ஜடேஜாவும் டோனோவன் ஃபெரைராவும் 118 ரன்கள் பார்ட்னர்ஷிப் அமைத்து, ராஜஸ்தான் அணியை ஒரு படுதோல்வியிலிருந்து காப்பாற்றினர். அதன்படி, ஜடேஜா 45 ரன்களும், ஃபெரைரா 69 ரன்களும் எடுத்தனர். இப்போட்டியில் பிரஃபுல் மற்றும் ஷகிப் தலா 4 விக்கெட்டுகளை வீழ்த்தினர். மீதமுள்ள இரண்டு விக்கெட்டுகளை இஷான் மலிங்கா கைப்பற்றினார்.
