IPL 2026: பெங்களூருவின் வெற்றி நடையை தட்டி பறித்த டெல்லி.. அசத்திய சுப்மன் கில் வியூகம்..!
GT vs RCB Highlights: ஐபிஎல் 2026 சீசனில் இன்று அதாவது 2026 ஏப்ரல் 30ம் தேதி அகமதாபாத்தில் உள்ள நரேந்திர மோடி ஸ்டேடியத்தில் குஜராத் டைட்டன்ஸ் அணியும், ராயல் சேலஞ்சர்ஸ் பெங்களூரு அணியும் மோதியது. இந்த போட்டியில் முதலில் பேட்டிங் செய்த ராயல் சேலஞ்சர்ஸ் பெங்களூரு அணி 19.2 ஓவர்களில் அனைத்து விக்கெட்டுகளையும் இழந்து 155 ரன்கள் எடுத்தது. இலக்கை துரத்திய குஜராத் டைட்டன்ஸ் அணி 15.5 ஓவர்களில் இலக்கை கடந்து வெற்றி பெற்றது.
ஐபிஎல் 2026 சீசனில் (IPL 2026) இன்று அதாவது 2026 ஏப்ரல் 30ம் தேதி அகமதாபாத்தில் உள்ள நரேந்திர மோடி ஸ்டேடியத்தில் குஜராத் டைட்டன்ஸ் அணியும், ராயல் சேலஞ்சர்ஸ் பெங்களூரு அணியும் மோதியது. இந்த போட்டியில் முதலில் பேட்டிங் செய்த ராயல் சேலஞ்சர்ஸ் பெங்களூரு (Royal Challengers Bengaluru) அணி 19.2 ஓவர்களில் அனைத்து விக்கெட்டுகளையும் இழந்து 155 ரன்கள் எடுத்தது. இலக்கை துரத்திய குஜராத் டைட்டன்ஸ் அணி 15.5 ஓவர்களில் இலக்கை கடந்து வெற்றி பெற்றது. ராயல் சேலஞ்சர்ஸ் பெங்களூரு அணியில் அதிகபட்சமாக விராட் கோலி 28 ரன்களும், தேவ்தத் படிக்கல் 40 ரன்களும் எடுத்தனர். ஆர்சிபி அணியின் மற்ற பேட்ஸ்மேன்கள் அனைவரும் சொதப்பினர்.
ALSO READ: இரவோடு இரவாக நாடு திரும்பிய ஒரே அணியைச் சேர்ந்த 3 வீரர்கள்.. ரசிகர்கள் ஷாக்!
156 ரன்கள் இலக்கு:
Hi5️⃣ for win no. 🖐️ 🤩 pic.twitter.com/g2vBXaXD0X
— Gujarat Titans (@gujarat_titans) April 30, 2026
156 ரன்கள் என்ற இலக்கைத் துரத்திய குஜராத் அணி, சாய் சுதர்ஷனை தொடக்கத்திலேயே இழந்தது. ஆனால், கேப்டன் ஷுப்மன் கில் வெறும் 18 பந்துகளில் 43 ரன்கள் குவித்து, பேட்டிங்கில் ஆக்ரோஷத்தை வெளிப்படுத்தினார். இருப்பினும்,விராட் கோலி ஒரு அற்புதமான கேட்சைப் பிடித்து கில்லை ஆட்டமிழக்கச் செய்தார். அதேநேரத்தில், ஜோஸ் பட்லர் 19 பந்துகளில் 39 ரன்கள் எடுத்தார்.
இறுதியாக, அணியின் முக்கிய வீரரான ராகுல் தெவாடியா 17 பந்துகளில் ஆட்டமிழக்காமல் 27 ரன்கள் குவித்ததன் காரணமாக, ஐபிஎல் 2026 சீசனில் குஜராத்தின் ஐந்தாவது வெற்றியை உறுதி செய்தார். 25 பந்துகள் மீதமிருக்க இலக்கை எட்டியதால், இது குஜராத்திற்கு ஒரு குறிப்பிடத்தக்க வெற்றியாகும். இது அவர்களின் நிகர ரன் விகிதத்திற்கும் பயனளித்தது.
புவனேஷ்வர் குமார் அசத்தல்:
இந்தப் போட்டியில் சாய் சுதர்ஷனின் விக்கெட்டை வீழ்த்தியதன் மூலம், புவனேஷ்வர் குமார் தனது டி20 சர்வதேசப் போட்டிகளில் 350 விக்கெட்டுகளை எட்டினார். யுஸ்வேந்திர சாஹலுக்குப் பிறகு, டி20 கிரிக்கெட்டில் இந்தச் சாதனையை நிகழ்த்திய இரண்டாவது இந்திய வீரர் இவராவார். புவனேஷ்வர் குமார் தனது 325-வது போட்டியில் 350 விக்கெட்டுகளை எட்டினார். குஜராத் டைட்டன்ஸ் அணிக்கு எதிரான போட்டியில், அவர் சாய் சுதர்ஷன், ஷுப்மன் கில் மற்றும் ஜோஸ் பட்லர் ஆகியோரின் விக்கெட்டுகளை வீழ்த்தி, தனது மொத்த டி20 சர்வதேச விக்கெட்டுகளின் எண்ணிக்கையை 352 ஆக உயர்த்தினார்.
ALSO READ: படிதார் அடித்த பந்து.. தரையில் பட்டு கேட்ச்? விவாதத்தை கிளப்பும் வீடியோ!
குஜராத்தின் ஐந்தாவது வெற்றி:
ஐபிஎல் 2026 தொடரில் குஜராத் டைட்டன்ஸ் அணிக்கு இது ஐந்தாவது வெற்றியாகும். இதன் மூலம் அந்த அணி 10 புள்ளிகளுடன் புள்ளி அட்டவணையில் ஐந்தாவது இடத்திற்கு முன்னேறியுள்ளது. மறுபுறம், ஆர்சிபி தனது இரண்டாவது இடத்தைத் தக்க வைத்துக் கொண்டது.
