IND vs WI: IND vs WI முதல் ஒருநாள் போட்டி.. இடையில் இடைமறிக்குமா மழை..?
IND vs WI 1st ODI Weather Update: அக்யூவெதர் (AccuWeather) தகவலின்படி, குறைந்தபட்ச வெப்பநிலை 26 டிகிரி செல்சியஸ் ஆகவும், அதிகபட்ச வெப்பநிலை 31 டிகிரி செல்சியஸ் ஆகவும் இருக்கும். மழை பெய்ய 15 சதவீத வாய்ப்பு உள்ளது. மேலும், ஈரப்பதம் 77 சதவீதமாகவும், காற்றின் வேகம் மணிக்கு 19 கி.மீ. ஆகவும் இருக்கும்.
இந்தியா மற்றும் வெஸ்ட் இண்டீஸ் இடையே (IND vs WI) 3 போட்டிகள் கொண்ட ஒருநாள் தொடர் நடைபெற உள்ளது. இந்தத் தொடரின் முதல் போட்டி 2026 செப்டம்பர் 27ம் தேதியான இன்று திருவனந்தபுரத்தில் உள்ள கிரீன் ஃபீல்ட் மைதானத்தில் இந்திய நேரப்படி மதியம் 2 மணிக்கு நடைபெறும். இரு அணிகளும் திருவனந்தபுரத்திற்கு வந்தடைந்து பயிற்சியில் ஈடுபட்டுள்ளன. இந்திய அணி (Indian Cricket Team) முதல் போட்டியில் வெற்றி பெற்று தொடரில் 1-0 என முன்னிலை பெற முயற்சிக்கும். அதே சமயம், வெஸ்ட் இண்டீஸ் அணியும் முதல் போட்டியில் வெற்றி பெற்று இந்திய அணிக்கு அழுத்தம் கொடுக்க முயற்சிக்கும். எனவே, முதல் போட்டியின் போது வானிலை எப்படி இருக்கும் என்று தெரிந்து கொள்வோம்.
ALSO READ: ருதுராஜ்க்கு வாய்ப்பு.. வெயிட்டிங்கில் ஜெய்ஸ்வால்.. இந்திய அணி பிளேயிங் லெவன் கணிப்பு!
வானிலை எப்படி இருக்கும்?
இன்று அதாவது 2026 செப்டம்பர் 27ம் தேதி திருவனந்தபுரத்தில் மழை பெய்ய வாய்ப்பு மிகக் குறைவு என்றே கூறப்படுகிறது. அக்யூவெதர் (AccuWeather) தகவலின்படி, குறைந்தபட்ச வெப்பநிலை 26 டிகிரி செல்சியஸ் ஆகவும், அதிகபட்ச வெப்பநிலை 31 டிகிரி செல்சியஸ் ஆகவும் இருக்கும். மழை பெய்ய 15 சதவீத வாய்ப்பு உள்ளது. மேலும், ஈரப்பதம் 77 சதவீதமாகவும், காற்றின் வேகம் மணிக்கு 19 கி.மீ. ஆகவும் இருக்கும். மேலும், இன்றைய நாளில் ஓரளவு சூரிய ஒளி தென்படலாம், ஆனால் வானம் பெரும்பாலும் மேகமூட்டத்துடன் காணப்படும். வானிலை அறிக்கையின்படி, மழை போட்டியைப் பாதிக்காது.
இரு அணிகளும் இதுவரை நேருக்குநேர்:
இந்தியா மற்றும் வெஸ்ட் இண்டீஸ் இடையேயான ஒருநாள் போட்டி எப்போதுமே விறுவிறுப்பாக இருந்து வந்துள்ளது. இதுவரை இரு அணிகளுக்கும் இடையே 142 ஒருநாள் போட்டிகளில் விளையாடியுள்ளன. இதில், இந்தியாவே ஆதிக்கம் செலுத்தி வருகிறது. இந்தியா 72 போட்டிகளிலும், வெஸ்ட் இண்டீஸ் 64 போட்டிகளிலும் வெற்றி பெற்றுள்ளன. 2 போட்டிகள் சமனில் முடிந்துள்ளன. அதே சமயம், நான்கு போட்டிகளின் முடிவுகள் நிச்சயமற்றதாக அமைந்துள்ளன. இதற்கிடையில், டி20 போட்டிகளில் இந்தியா மற்றும் வெஸ்ட் இண்டீஸ் இடையே மொத்தம் 31 போட்டிகள் நடைபெற்றுள்ளன. இந்தியா 20 போட்டிகளிலும், வெஸ்ட் இண்டீஸ் 10 போட்டிகளிலும் வெற்றி பெற்றுள்ளன, ஒரு போட்டி கைவிடப்பட்டது. தற்போது இந்திய அணி இரு வடிவங்களிலும் வெஸ்ட் இண்டீஸ் அணியை விட முன்னிலையில் உள்ளது.
நேரலை எங்கு நடைபெறும்?
இந்தியா மற்றும் வெஸ்ட் இண்டீஸ் இடையேயான முதல் போட்டி ஸ்டார் ஸ்போர்ட்ஸ் தொலைக்காட்சியில் ஒளிபரப்பப்படும். தமிழ் உள்பட தொலைக்காட்சியில் பல மொழிகளில் வர்ணனையை நீங்கள் கேட்டு மகிழலாம். மேலும், இந்தப் போட்டி ஜியோ ஹாட்ஸ்டார் ஆப்பில் நேரலையாக ஒளிபரப்பப்படும். டிடி ஸ்போர்ட்ஸ் தொலைக்காட்சியிலும் இந்தப் போட்டியை இலவசமாகக் காணலாம்.
ALSO READ: ஊழியர்களிடம் கோபப்பட்ட கோலி.. பொறுமை இழந்த கே.எல்.ராகுல்! என்ன நடந்தது?
கணிக்கப்பட்ட இந்திய அணி விவரம்:
ரோஹித் சர்மா, சுப்மான் கில், விராட் கோலி, ருதுராஜ் கெய்க்வாட், கே.எல்.ராகுல், நிதிஷ் குமார் ரெட்டி, ரவீந்திர ஜடேஜா, குல்தீப் யாதவ், முகமது சிராஜ், பிரசித் கிருஷ்ணா, குர்னூர் பிரார்
