காலில் சுளுக்கு.. ஆப்கானிஸ்தானுக்கு எதிரான ஒருநாள் போட்டியில் இருந்து விலகும் ஹர்திக் பாண்டியா?!

இந்திய அணியின் நட்சத்திர ஆல்-ரவுண்டரான ஹர்திக் பாண்டியா, ஆப்கானிஸ்தானுக்கு எதிரான ஒருநாள் தொடரில் இருந்து விலக்கப்பட்டுள்ளதாக தகவல் வெளியாகியுள்ளது. அவர் தனது உடற்தகுதி சோதனையில் தேர்ச்சி பெற்ற ஒரு நாள் கழித்து, ஒருநாள் தொடரில் இருந்து ஹர்திக் விலக்கப்பட்ட செய்தி வெளியாகியுள்ளது. டைம்ஸ் ஆஃப் இந்தியா அறிக்கையின்படி, ஹர்திக் பாண்டியாவுக்கு காலில் சுளுக்கு ஏற்பட்டுள்ளதால், அவர் ஒருநாள் தொடரில் பங்கேற்கவில்லை. சுளுக்கு காரணமாக, ஹர்திக் அடுத்த இரண்டு வாரங்களை பெங்களூருவில் உள்ள பிசிசி-யின் சென்டர் ஆஃப் எக்ஸலன்ஸில் கழிக்க நேரிடலாம்.

கணுக்காலில் சுளுக்கு

இந்தியா மற்றும் ஆப்கானிஸ்தான் அணிகளுக்கு இடையேயான ஒருநாள் தொடர் ஜூன் 13-ஆம் தேதி தொடங்குகிறது. முதல் ஒருநாள் போட்டி தர்மசாலாவில் நடைபெற உள்ளது. இதற்காக ஹர்திக் பாண்டியா ஜூன் 11-ஆம் தேதி இந்திய அணியில் இணைந்திருக்க வேண்டும். இருப்பினும், கணுக்காலில் ஏற்பட்ட சுளுக்கு, அவர் இந்திய அணியில் இணைவதற்கான காத்திருப்பை மேலும் நீட்டித்துள்ளது.

Also Read: CSKக்கு மாறும் ஹர்திக்.. KKRக்கு செல்லும் சூர்யகுமார்.. விரைவில் நடக்கப்போகும் வர்த்தகம்!

இதுகுறித்து பிசிசி அதிகாரி ஒருவர் டைம்ஸ் ஆஃப் இந்தியாவிடம் தெரிவித்தார். பிசிசி அதிகாரியை மேற்கோள் காட்டி, அந்தப் பத்திரிகை பாண்டியாவின் காயத்தை லேசான சுளுக்கு என்று விவரித்துள்ளது. பாண்டியாவுக்கு கணுக்காலின் நடுப்பகுதியில் சுளுக்கு ஏற்பட்டுள்ளது. இருப்பினும், இந்தக் காயம் நீண்ட காலம் நீடிக்காது. சுளுக்கு மோசமடைவதைத் தடுக்க, அடுத்த சில நாட்களுக்கு ஓய்வெடுக்குமாறு மருத்துவ ஊழியர்கள் அவருக்கு அறிவுறுத்தியுள்ளனர்.

14 மாதங்களுக்குப் பிறகு

ஆப்கானிஸ்தானுக்கு எதிரான தொடரில் 14 மாதங்களுக்குப் பிறகு ஒருநாள் கிரிக்கெட்டிற்குத் திரும்பும் நிலையில் ஹர்திக் பாண்டியா இருந்தார். ஆனால் இப்போது அவர் இன்னும் சிறிது காலம் காத்திருக்க வேண்டும். ஒருநாள் அணியிலிருந்து பாண்டியா நீக்கப்பட்ட நிலையில், அவருக்குப் பதிலாக வேறு ஒருவரை பிசிசி அறிவிக்குமா என்பதே ரசிகர்களின் எதிர்பார்ப்பாக உள்ளது. ஜூன் 13-ஆம் தேதி முதல் ஒருநாள் போட்டியில் விளையாடிய பிறகு, இந்தியாவும் ஆப்கானிஸ்தானும் ஜூன் 17-ஆம் தேதி நடைபெறும் இரண்டாவது ஒருநாள் போட்டிக்காக லக்னோவிற்குப் பயணம் செய்யும். மூன்றாவது மற்றும் இறுதிப் போட்டிக்காக இந்தியாவும் ஆப்கானிஸ்தானும் ஜூன் 20-ஆம் தேதி சென்னையில் மோதுகின்றன.