IPL 2026 Schedule: வெளியான ஐபிஎல் 2026 அட்டவணை.. முதல் போட்டியில் மோதும் பெங்களூரு – ஹைதராபாத்
IPL 2026 First Phase Schedule: ஐபிஎல் 2026 முதல் 20 போட்டிக்கான அட்டவணை வெளியிடப்பட்டது. அதன்படி, முதல் போட்டியில் நடப்பு சாம்பியனான ராயல் சேலஞ்சர்ஸ் பெங்களூரு அணியும், சன் ரைசர்ஸ் ஹைதராபாத் அணியும் வருகின்ற 2026 மார்ச் 28ம் தேதி பெங்களூருவில் உள்ள எம்.சின்னசாமி ஸ்டேடியத்தில் இரவு 7.30 மணிக்கு மோதுகிறது.
ஐபிஎல் 2026 (IPL 2026) முதல் 20 போட்டிக்கான அட்டவணை வெளியிடப்பட்டது. அதன்படி, முதல் போட்டியில் நடப்பு சாம்பியனான ராயல் சேலஞ்சர்ஸ் பெங்களூரு அணியும் (RCB), சன் ரைசர்ஸ் ஹைதராபாத் அணியும் வருகின்ற 2026 மார்ச் 28ம் தேதி பெங்களூருவில் உள்ள எம்.சின்னசாமி ஸ்டேடியத்தில் இரவு 7.30 மணிக்கு மோதுகிறது. மீதமுள்ள போட்டிகளுக்கான அட்டவணை பின்னர் வெளியிடப்படும். தமிழ்நாடு, மேற்கு வங்கம் மற்றும் அசாமில் நடைபெறவிருக்கும் 2026 சட்டமன்றத் தேர்தல்களின் தேதிகளின் அடிப்படையில் எதிர்கால அட்டவணையை பிசிசிஐ வெளியிடும் என்று எதிர்பார்க்கப்படுகிறது.
சிஎஸ்கே அணியின் முதல் போட்டி எப்போது..?
முதற்கட்ட அட்டவணையில் சென்னை சூப்பர் கிங்ஸ் அணிக்கு நான்கு போட்டிகளில் விளையாடவுள்ளது. இதில், சென்னை சூப்பர் கிங்ஸ் அணி முதல் போட்டியில் ராஜஸ்தான் ராயல்ஸ் அணியை எதிர்கொள்கிறது. இந்த போட்டி கவுகாத்தியில் வருகின்ற 2026 மார்ச் 30ம் தேதி நடைபெறுகிறது. இதனை தொடர்ந்து, சென்னை சூப்பர் கிங்ஸ் – பஞ்சாப் கிங்ஸ் அணிகள் மோதுகின்றன. இந்தபோட்டி சென்னை சேப்பாக்கத்தில் வருகின்ற 2026 ஏப்ரல் 3ம் தேதி நடைபெறுகிறது.
ALSO READ: சின்னசாமி ஸ்டேடியத்தில் ஐபிஎல் போட்டிகள்.. மார்ச் 15 முதல் பயிற்சி.. ஆர்சிபி அணிக்கு 6 நிபந்தனைகள்!
2 நாட்களில் மட்டுமே ஒரே நாளில் 2 போட்டிகள்:
முதல் 15 நாட்களுக்கான அட்டவணையில் 2 நாட்களில் மட்டுமே ஒரே நாளில் 2 போட்டிகள் அடங்கும். வருகின்ற 2026 ஏப்ரல் 4ம் தேதி 2 போட்டிகளும், வருகின்ற 2026 ஏப்ரல் 5ம் தேதி 2 போட்டிகளும் நடைபெறவுள்ளன.
எப்போது, எங்கே, யாருக்கு எதிராக, யாருடைய முதல் போட்டி?
ஐபிஎல் 2026ல் மும்பை இந்தியன்ஸ் அணி வருகின்ற 2026 மார்ச் 29ம் தேதி கொல்கத்தா நைட் ரைடர்ஸ் அணிக்கு எதிராக தனது முதல் போட்டியில் விளையாடும். இந்தப் போட்டி மும்பையில் நடைபெறும். சென்னை சூப்பர் கிங்ஸின் முதல் போட்டியானது வருகின்ற 2026 மார்ச் 30ம் தேதி குவஹாத்தியில் உள்ள அதன் சொந்த மைதானத்தில் ராஜஸ்தான் ராயல்ஸ் அணிக்கு எதிராக நடைபெறும். 2026 மார்ச் 31ம் தேதி, குஜராத் டைட்டன்ஸ் அணி முல்லன்பூரில் உள்ள அதன் சொந்த மைதானத்தில் பஞ்சாப் கிங்ஸை எதிர்கொள்கிறது. அதனை தொடர்ந்து, 2026 ஏப்ரல் 1ம் தேதி, லக்னோ சூப்பர் ஜெயண்ட்ஸ் அணி டெல்லி கேபிடல்ஸை எதிர்கொள்கிறது. இந்தப் போட்டி எல்எஸ்ஜியின் சொந்த மைதானத்தில் நடைபெறுகிறது.
ALSO READ: ஐபிஎல்லில் அனைத்து போட்டிகளிலும் விளையாடுவாரா தோனி..? சிஎஸ்கே நிர்வாகம் விளக்கம்!
15 நாட்களில் 10 இடங்களில் ஐபிஎல் போட்டிகள்:
ஐபிஎல் 2026ன் 10 அணிகளும் முதல் ஐந்து நாட்களில் தங்கள் முதல் போட்டியை விளையாடும். அதன் பிறகு, அனைத்து அணிகளுக்கான இரண்டாம் சுற்று போட்டிகள் அனைத்தும் வருகின்ற 2026 ஏப்ரல் 2ம் தேதி தொடங்கும். 15 நாள் அட்டவணையில் 10 ஐபிஎல் 2026 மைதானங்களில் போட்டிகள் நடைபெறும். கொல்கத்தா மற்றும் குவஹாத்தி அதிகபட்சமாக தலா 3 போட்டிகளை நடத்தும். மீதமுள்ள மைதானங்கள் தலா 2 போட்டிகள் நடைபெறும்.
