Raksha Bandhan: நிதி பிரச்னைகளை தீர்க்கும் ரக்ஷா பந்தன் இறை வழிபாடு!
சகோதர அன்பை வெளிப்படுத்தும் ரக்ஷா பந்தன் பண்டிகை ஆன்மீக முக்கியத்துவம் வாய்ந்ததாக பார்க்கப்படுகிறது. இந்நாளில் விநாயகர், சிவன், லட்சுமி தேவி ஆகியோரை வழிபடுவது செல்வம், அமைதி, குடும்ப ஒற்றுமைக்கு உதவும். பூஜை முறைகள், மந்திரங்கள், சிறப்பு வழிபாடு பற்றி இந்த தொகுப்பில் காணலாம்.
சகோதரன் – சகோதரி உறவை மேம்படுத்தும் நோக்கில் கொண்டாடப்படும் ரக்ஷா பந்தன் பண்டிகை ஆண்டுதோறும் ஆடி மாத பௌர்ணமி நாளில் கொண்டாடப்படுகிறது. இந்நாளில் பெண்கள் தாங்கள் சகோதரனாக மதிக்கும் நபர்களுக்கு ராக்கி கயிறு கட்டி அவர்கள் வாழ்வாங்கு வாழ வேண்டும் என வேண்டிக் கொள்வார்கள். சகோதரர்கள் தங்கள் சகோதரிகளுக்கு பரிசு வழங்கி மகிழ்வார்கள். இத்தகைய சிறப்பு வாய்ந்த ரக்ஷா பந்தன் பண்டிகையை ஆன்மீக ரீதியாகக் கொண்டாடுவது வீட்டிற்கு செல்வத்தையும் அமைதியையும் தரும் என சொல்லப்படுகிறது. இந்த சிறப்பு நாளில் சிவன், லட்சுமி தேவி மற்றும் விநாயகரை வழிபடுவது மிகவும் புனிதமானது என நம்பப்படுகிறது. இந்த ரக்ஷா பந்தன் நாளில் சில சிறப்பு பூஜைகளைச் செய்வது வாழ்க்கையில் நல்ல மாற்றங்களைக் கொண்டுவரும் என்று கூறப்படுகிறது. அதனைப் பற்றிக் காணலாம்.
ரக்ஷா பந்தன் நாளில் வழிபாடு முறை
சாஸ்திரத்தில் சொல்லப்பட்டுள்ளபடி, ரக்ஷா பந்தன் தினத்தன்று, அதிகாலையில் எழுந்து புனித நீராட வேண்டும். சுத்தமான ஆடைகளை அணிந்தபின் நேராக பூஜை அறைக்கு செல்ல வேண்டும். அங்கு ஒரு தட்டில் அனைத்து ராக்கி கயிறுகளையும் வைக்கவும். அந்த தட்டில் ஒரு வெள்ளி நாணயம் அல்லது ஒரு ரூபாய் நாணயத்தை வைக்கவும். பின்னர் ராக்கிகளை விநாயகர் பாதத்தில் வைத்து பூஜை செய்யவும். பூஜை முடிந்ததும், நாணயத்தை ஒரு சிவப்பு துணியில் சுற்றி, நீங்கள் வீட்டில் பணத்தை வைக்கும் இடத்தில் வைக்கவும். இதைச் செய்வதால் நிதி சிக்கல்கள் நீங்கி செல்வம் பெருகும் என்று கூறப்படுகிறது.
Also Read: திருத்தணி முருகன் கோயில் வழிபாடு.. எவ்வளவு பலன்கள் தெரியுமா?
அதேபோல் வாழ்க்கையில் முன்னேற்றம் அடைய விரும்புபவர்கள் இந்நாளில் சிவபெருமானுக்கு அபிஷேகம் செய்யலாம். பஞ்சாமிர்தத்தால் சிவலிங்கத்திற்கு அபிஷேகம் செய்து, சிவபெருமான் சிலைக்கு ராக்கி கட்ட வேண்டும். பூஜை செய்யும்போது உங்கள் மனதில் சிவபெருமானின் நாமங்களை உச்சரிக்கவும். இந்த பூஜையைச் செய்வது வாழ்க்கையில் உள்ள தடைகளை நீக்கி, புதிய வாய்ப்புகள் கிடைக்கும் என சொல்லப்படுகிறது.
ரக்ஷா பந்தன் நாளில் லட்சுமி தேவியையும், விநாயகர் பகவானையும் வழிபடுவது வீட்டில் அமைதியையும் மகிழ்ச்சியையும் தரும் என நம்பப்படுகிறது. அப்படி வழிபடும் போது, லட்சுமி தேவி மந்திரமான ஓம் ஸ்ரீம் ஹ்ரீம் ஸ்ரீம் மகாலக்ஷ்ம்யை நமஹ என்பதை 108 முறையும், விநாயகர் மந்திரமான ஓம் கண கணபதயே நமஹ என்பதை 108 முறையும் உச்சரிக்கவும். இதைச் செய்வது குடும்பப் பிரச்சினைகள் நீங்கி செல்வத்தைப் பெருக்கும் என சொல்லப்படுகிறது.
Also Read: என்ன வேண்டினாலும் நிறைவேறும்.. திண்டுக்கல் கோட்டை மாரியம்மன் மகிமை!
தங்கள் குடும்பத்தைப் பாதுகாக்க விரும்புவோர் மஞ்சள், குங்குமம், சந்தனம், அரிசி, துர்க்கை, ஒரு ரூபாய் நாணயம் அல்லது ஒரு சிறிய தங்க காயின் ஆகியவற்றை ஒரு சுத்தமான பட்டுத் துணியில் போட்டு சிவப்பு அல்லது மஞ்சள் நூலால் கட்ட வேண்டும். இந்த மூட்டையை உங்கள் வீட்டின் பூஜை அறையிலோ அல்லது புனித இடத்திலோ வைக்கவும். இதைச் செய்வது குடும்பத்திற்கு அமைதி, ஆரோக்கியம் மற்றும் செல்வத்தைத் தரும் என்று நம்பப்படுகிறது.
(ஆன்மிக நம்பிக்கையின்படி இந்த தகவல்கள் கூறப்பட்டுள்ள நிலையில் இதற்கு டிவி9 தமிழ் பொறுப்பேற்காது. அதேபோல் அறிவியல்பூர்வ விளக்கமும் இல்லை)
