AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

சனிக்கிழமை காலில் கருப்பு கயிறு கட்டினால் இத்தனை நன்மைகளா?

Black Thread: சனிக்கிழமையில் காலில் கருப்பு கயிறு அணிவது கண் திருஷ்டி மற்றும் எதிர்மறை ஆற்றல்களில் இருந்து பாதுகாக்கும் என்ற ஆன்மிக நம்பிக்கை உள்ளது. கருப்பு கயிற்றில் ஒன்பது முடிச்சுகள் போடுவது நவதுவாரங்களைக் குறிப்பதாகக் கூறப்படுகிறது. ஆண்கள் வலது காலிலும், பெண்கள் இடது காலிலும் கருப்பு கயிறு அணிவது பாரம்பரிய வழக்கமாகப் பின்பற்றப்படுகிறது.

சனிக்கிழமை காலில் கருப்பு கயிறு கட்டினால் இத்தனை நன்மைகளா?
கருப்பு கயிறுImage Source: pinrest
Sivasankari Bose
Sivasankari Bose | Published: 16 Nov 2026 15:30 PM IST

இந்தியப் பாரம்பரியத்தில் காலில் கருப்பு கயிறு கட்டும் வழக்கம் பல தலைமுறைகளாகப் பின்பற்றப்பட்டு வருகிறது. சிலர் இதனை அலங்காரத்திற்காக அணிந்தாலும், ஆன்மிக நம்பிக்கைகளின்படி கருப்பு நிறம் கண் திருஷ்டி மற்றும் எதிர்மறை ஆற்றல்களில் இருந்து பாதுகாப்பதாகக் கருதப்படுகிறது. அடிக்கடி உடல் சோர்வு ஏற்படுவது, தொடர் பிரச்சினைகள் மற்றும் காரியத் தடைகள் போன்றவற்றைத் தவிர்க்கவும் கருப்பு கயிறு அணியும் பழக்கம் சிலரிடம் உள்ளது. எனவே, இதனை அவரவர் நம்பிக்கை மற்றும் குடும்பப் பாரம்பரியத்தின் அடிப்படையில் பின்பற்றலாம். மேலும், கயிற்றை காலில் இறுக்கமாகக் கட்டாமல் ரத்த ஓட்டத்திற்குப் பாதிப்பு ஏற்படாத வகையில் அணிவது அவசியம்.

Also Read: முருகன் திருக்கல்யாண நாளில் மறக்காமல் செய்ய வேண்டியது என்ன?

காலபைரவருடன் தொடர்புடைய கருப்பு கயிறு!

ஆன்மிக மரபுகளில் கருப்பு கயிறு காலபைரவரின் பாதுகாப்பு அடையாளமாகக் கருதப்படுகிறது. குறிப்பாக காசி உள்ளிட்ட பகுதிகளில் இதனைப் புனிதமான கயிறாக அணியும் வழக்கமும் காணப்படுகிறது. ஜோதிட நம்பிக்கைகளின்படி, சனி, ராகு, கேது ஆகிய கிரகங்களால் ஏற்படும் பாதிப்புகளைக் குறைக்கும் அடையாளமாகவும் கருப்பு கயிறு பார்க்கப்படுகிறது.

ஒன்பது முடிச்சுகள் போடுவதன் பின்னணி என்ன?

கருப்பு கயிறு அணியும்போது அதில் ஒன்பது முடிச்சுகள் போடுவது சில பாரம்பரிய வழிபாட்டு முறைகளில் முக்கியத்துவம் பெறுகிறது. இந்த ஒன்பது முடிச்சுகளும் மனித உடலில் உள்ள நவதுவாரங்களைக் குறிப்பதாக ஆன்மிக விளக்கம் அளிக்கப்படுகிறது. கயிறு கட்டும்போது இறை நம்பிக்கையுடனும் நல்ல எண்ணங்களுடனும் இருக்க வேண்டும் என்றும் கூறப்படுகிறது.

ஆண்கள், பெண்கள் எந்தக் காலில் கட்ட வேண்டும்?

பாரம்பரிய நம்பிக்கைகளின்படி, ஆண்கள் மற்றும் சிறுவர்கள் வலது காலிலும், பெண்கள் மற்றும் சிறுமிகள் இடது காலிலும் கருப்பு கயிறு அணிய வேண்டும் என்று கூறப்படுகிறது. குழந்தைகளுக்கும் இதே முறையைப் பின்பற்றும் குடும்பங்கள் உள்ளன. மேலும், சனிக்கிழமை மாலை நேரத்தில் கருப்பு கயிறு அணிவது மங்களகரமானதாகக் கருதப்படுகிறது.

Also Read: முருகன் திருக்கல்யாண நாளில் மறக்காமல் செய்ய வேண்டியது என்ன?

வெள்ளிக் கொலுசுடன் கருப்பு கயிறு அணிவதன் சிறப்பு!

பெண்கள் சிலர் கருப்பு கயிறுடன் வெள்ளிக் கொலுசு அல்லது பைரைட் கற்கள் பதித்த அணிகலன்களையும் அணிகின்றனர். இவை கண் திருஷ்டியைத் தடுப்பதுடன், வீட்டில் செல்வ வளத்தையும் நேர்மறை ஆற்றலையும் அதிகரிக்கும் என்பது பாரம்பரிய நம்பிக்கை. இருப்பினும், கருப்பு கயிறு அணிவதால் கிரகப் பாதிப்புகள் நீங்கும் அல்லது உடல்நலப் பிரச்சினைகள் சரியாகும் என்பதற்கு அறிவியல் ஆதாரங்கள் இல்லை.

Follow Us