AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

கார்த்திகை மாதத்தில் சிவபெருமானுக்கு எந்த மலர்களைச் சமர்ப்பிக்கலாம்?

Karthigai Month: ஆன்மிகச் சிறப்பு மிக்க கார்த்திகை மாதத்தில் சிவபெருமானுக்குக் கத்திரிப்பூ எனப்படும் பிருகதி மலரைச் சமர்ப்பித்து அர்ச்சனை செய்வது மிகவும் விசேஷமானதாகும். இதனுடன் வில்வ இலை, தும்பைப் பூ, வெள்ளெருக்கு, நீல தாமரை, அரளி, நந்தியாவட்டை மற்றும் கொன்றை ஆகிய மலர்களால் வழிபடுவது சகல பாக்கியங்களையும் செல்வ வளத்தையும் தரும்.

கார்த்திகை மாதத்தில் சிவபெருமானுக்கு எந்த மலர்களைச் சமர்ப்பிக்கலாம்?
சிவன் Image Source: pinrest
Sivasankari Bose
Sivasankari Bose | Published: 16 Nov 2026 10:30 AM IST

ஆன்மிகச் சிறப்புகள் நிறைந்த கார்த்திகை மாதத்தில் சிவபெருமானுக்கு (Karthigai Month Shiva Worship) உரிய மலர்களைச் சமர்ப்பித்து வழிபடுவதால், பக்தர்களின் வாழ்வில் சகல நன்மைகளும் பெருகும் என ஆன்மிகப் பெரியோர்கள் தெரிவிக்கின்றனர். தமிழ் மாதங்களில் கார்த்திகை மாதம் சிவபெருமானுக்கும், முருகப்பெருமானுக்கும் மிகவும் உகந்த காலமாகக் கருதப்படுகிறது. இம்மாதத்தில் வரும் சோமவாரங்கள் எனப்படும் திங்கட்கிழமைகள் மற்றும் திருக்கார்த்திகை தினத்தன்று சிவாலயங்களில் விசேஷ பூஜைகளும், தீப வழிபாடுகளும் வெகு விமரிசையாக நடைபெறுவது வழக்கம். ஆகம மற்றும் ஜோதிட விதிகளின்படி, பன்னிரண்டு தமிழ் மாதங்களிலும் ஈசனை வழிபடுவதற்கு எனத் தனித்துவமான மலர்கள் சாஸ்திரங்களில் குறிப்பிடப்பட்டுள்ளன. அந்த வகையில், கார்த்திகை மாதத்தில் சிவபெருமானுக்குக் கத்திரிப்பூ எனப்படும் பிருகதி மலரைச் சமர்ப்பித்து அர்ச்சனை செய்வது மிகவும் விசேஷமானதாகக் கூறப்படுகிறது.

Also Read: திருவண்ணாமலையில் திருக்கார்த்திகை தீபத் திருவிழா கொடியேற்றத்துடன் தொடக்கம் – வெள்ளி வாகனங்களில் சண்டிகேஸ்வரர் வீதியுலா!

சிவனாருக்குப் பிரியமான மலர்களும் அவற்றின் பலன்களும்

கார்த்திகை மாதப் பூஜைகளின் போது கத்திரிப்பூவுடன் சேர்த்து, சிவனாருக்கு எப்போதும் பிரியமான வில்வ இலை, தும்பைப் பூ, வெள்ளெருக்கு மற்றும் நீல தாமரை ஆகியவற்றையும் பக்தர்கள் சமர்ப்பிக்கலாம். இதில் வில்வ இலை இல்லாமல் சிவ வழிபாடு முழுமை பெறாது என்றும், வில்வ அர்ச்சனை செய்வதால் சகல பாக்கியங்களும் கிட்டும் என்றும் புராணங்கள் கூறுகின்றன. தூய வெண்மை நிறம் கொண்ட தும்பை மலரால் ஈசனை வழிபடுவது முன்ஜென்மப் பாவங்களையும், தோஷங்களையும் நீக்கும் என்பது ஐதீகம். மேலும், வாழ்க்கையில் ஏற்படும் துன்பங்கள் மற்றும் எதிர்ப்புகளிலிருந்து விடுபட வெள்ளெருக்கு மலர்களும், செல்வ வளம் பெருக நீல தாமரை மலர்களும், நினைத்த காரியங்கள் தடையின்றி கைகூட அரளி மலர்களும் பூஜையில் பயன்படுத்தப்படுகின்றன.

Also Read: திருவண்ணாமலையில் திருக்கார்த்திகை தீபத் திருவிழா கொடியேற்றத்துடன் தொடக்கம் – வெள்ளி வாகனங்களில் சண்டிகேஸ்வரர் வீதியுலா!

வழிபாட்டில் கடைப்பிடிக்க வேண்டிய விதிமுறைகள்

அதேபோல், சாத்வீக குணம் கொண்ட நந்தியாவட்டை, கொன்றை மலர்கள் மற்றும் ஊமத்தம் மலர்களும் சிவபூஜைக்குச் சிறந்த பலன்களைத் தருபவை. ஆனால், சிவபெருமானுக்குத் தாழம்பூ கொண்டு அர்ச்சனை செய்வதைத் தவிர்க்க வேண்டும் என்று சாஸ்திரங்கள் அறிவுறுத்துகின்றன. மேலும், வழிபாட்டிற்குப் பயன்படுத்தும் மலர்கள் எப்போதும் புதியதாகவும், நறுமணம் மிக்கதாகவும் இருக்க வேண்டும். வாடிய மலர்கள், பூச்சி அரித்த பூக்கள் மற்றும் தரையில் விழுந்த மலர்களைப் பூஜைக்குப் பயன்படுத்துவதைத் தவிர்த்து, தூய பக்தியுடன் உகந்த மலர்களைச் சமர்ப்பித்து வழிபட்டால் ஈசனின் பரிபூரண அருளைப் பெறலாம் என ஆன்மிக ஆர்வலர்கள் குறிப்பிடுகின்றனர்.

பொறுப்புத்துறப்பு: ஆன்மிக நம்பிக்கைகள் மற்றும் பஞ்சாங்கக் கணிப்புகளின் அடிப்படையில் நேரங்கள் மாறுபடலாம். உங்கள் ஊருக்கான சரியான நேரத்தை உள்ளூர் பஞ்சாங்கத்தின் மூலம் உறுதிப்படுத்திக் கொள்ளுங்கள்.

Follow Us