நீண்ட நேரம் ஹெட்போன் பயன்படுத்தும் நபரா நீங்கள்? மருத்துவர் எச்சரிக்கை
Headphones: இன்றைய பரபரப்பான வாழ்க்கையில், ஹெட்போன்கள் இல்லாமல் ஒரு நிமிடம் கூட இயங்க முடியாது. அலுவலக மீட்டிங், பயணத்தின் போது பாடல்களைக் கேட்க என எப்போதும் ஹெட்போன்களிலேயே இருக்கிறது. இதனால் ஏற்படும் விளைவுகள் மற்றும் அதனை எப்பட தவிர்ப்பது என்பது குறித்து பார்க்கலாம்.
நாம் மிகவும் விரும்பும் பொருள், சத்தமில்லாமல் நம் செவித்திறனை அழித்து வருகிறது என்பது உங்களுக்குத் தெரியுமா? உலகெங்கிலும் உள்ள மில்லியன் கணக்கான இளைஞர்கள் தங்களை அறியாமலேயே ஒரு பெரிய சுகாதார நெருக்கடியில் சிக்கிக் கொள்கிறார்கள். மக்கள் அதிகம் பயன்படுத்தும் ஹெட்போன்களால் காது வலி போன்ற பிரச்னைகளை எதிர்கொள்கிறார்கள். முதலில் சிறியதாகத் தோன்றும் காதுவலி, எதிர்காலத்தில் உங்களை நிரந்தர செவித்திறனை இழக்க செய்யும் ஆற்றலைக் கொண்டுள்ளது. ஹெட்போன்களால் ஏற்படும் உண்மையான பாதிப்புகள் என்ன? நமது செவித்திறனைப் பாதுகாக்க நிபுணர்கள் என்ன அறிவுறுத்துகிறார்கள் என்பது குறித்து விரிவாக பார்க்கலாம்.
இப்போதெல்லாம், மணிக்கணக்கில் ஹெட்ஃபோன்கள் அல்லது இயர்போன்களைப் பயன்படுத்துவது சர்வசாதாரணமாகிவிட்டது. மொபைல் மற்றும் லேப்டாப்களின் பயன்பாடு அதிகரித்து வருவதால், அவை போன் அழைப்புகளுக்கு தொடர்ந்து பயன்படுத்தப்படுகின்றன. இருப்பினும், சுகாதார நிபுணர்களின் கூற்றுப்படி, அதிக சத்தத்தில் பாடல்களைக் கேட்பதும், தரமற்ற ஹெட்ஃபோன்களைப் பயன்படுத்துவதும் படிப்படியாக கேட்கும் திறனைக் குறைக்கிறது. பலர் முதல் அறிகுறிகளைப் புறக்கணிக்கிறார்கள். ஆனால் காது வலி மற்றும் காதில் கனமான உணர்வு ஆகியவை எதிர்காலத்தில் பெரிய பிரச்னைகளின் அறிகுறிகள் என்பதை நினைவில் கொள்ள வேண்டும்.
இதையும் படிக்க : மொட்டை அடித்தால் முடி அடர்த்தியாகுமா..? மருத்துவர் அருண்குமார் விளக்கம்!
ஹெட்போன் அதிகம் பயன்படுத்துவதால் ஏற்படும் பிரச்னைகள்
உங்கள் காதுகளின் ஆரோக்கியத்தில் நீங்கள் கவனம் செலுத்தவில்லை என்றால், நீங்கள் பல வகையான பிரச்னைகளை எதிர்கொள்ள வேண்டியிருக்கும். கேட்கும் திறன் இழப்பு ஒரு பிரச்னை. காதுகளில் தொடர்ந்து ஒலிப்பது போன்ற பிரச்னைகள் உங்கள் மன அமைதியை சீர்குலைக்கும். அறிகுறிகளில் காதுகளில் தொற்று, கடுமையான வலி அல்லது காதில் கனமான உணர்வு ஆகியவை ஏற்படும்.. இவை கேட்கும் திறனை மட்டுமல்ல, தூக்கமின்மை மற்றும் கவனம் செலுத்த இயலாமை போன்ற பிரச்னைகளுக்கும் வழிவகுக்கும். சத்தம் மூளையில் அழுத்தத்தை அதிகரிக்கும் மற்றும் மன பதட்டத்தை அதிகரிக்கும்.
இதையும் படிக்க : பராமரிப்பிற்கு பிறகும் சருமம் பொலிவை இழக்கிறதா? மிகப்பெரிய காரணம் இதுதான்!
ஹெட்போன்களால் ஏற்படும் ஆபத்துகளை தவிர்ப்பது எப்படி?
உங்கள் காதுகளின் ஆரோக்கியம் குறித்து நீங்கள் மிகவும் கவனமாக இருக்க வேண்டும் என்று மருத்துவர்கள் கூறுகிறார்கள். ஹெட்ஃபோன்களைப் பயன்படுத்தும் போது சில நடைமுறைகளைப் பின்பற்றுவது கட்டாயமாகும். நீங்கள் எப்போதும் மிதமான சத்தத்தில் மட்டுமே ஒலிகளைக் கேட்க வேண்டும். ஹெட்ஃபோன்களைத் தொடர்ந்து பயன்படுத்தாமல் இடையில் இடைவெளி எடுப்பது காதில் உள்ள மென்மையான தசைகளுக்கு ஓய்வு அளிக்கிறது. காதுகளில் அழுத்தம் கொடுக்காத நல்ல தரமான ஹெட்ஃபோன்களைத் தேர்ந்தெடுப்பது பாதிப்பின் தீவிரத்தைக் குறைக்கும். மேலும், நீங்கள் எப்போதும் உங்கள் காதுகளை சுத்தமாக வைத்திருக்க வேண்டும், ஆனால் உங்கள் காதுகளில் கூர்மையான பொருட்களை வைத்து அவற்றை சுத்தம் செய்வது உள்ளே உள்ள மென்மையான சவ்வை சேதப்படுத்தும்.
