Beetroot Skins Benefits: சருமம் முதல் தலை முடி வரை.. பீட்ரூட் தோல்களை வீணாக்காமல் இப்படி பயன்படுத்துங்க!
Many Benefits of Beetroot Skins: பீட்ரூட்டைப் போலவே அதன் தோலும் நன்மை பயக்கும். வீட்டில் தோட்டக்கலை முதல் தோல் மற்றும் கூந்தல் வரை அனைத்திற்கும் பீட்ரூட் தோல்கள் நன்மை பயக்கும். இவற்றை முகம் அல்லது ஹேர் பேக்குகள் தயாரிக்கப் பயன்படுத்தலாம்.
அதன் அழகான நிறத்திற்கும் சிறந்த சுவைக்கும் பெயர் பெற்ற பீட்ரூட்டில், பல ஊட்டச்சத்து நன்மைகள் நிறைந்துள்ளன. மக்கள் இதை ஒரு பழமாக, காய்கறியாக, ஜூஸாக மற்றும் சாலட்டாக சாப்பிடுகிறார்கள். பீட்ரூட் (Beetroot) நமது சருமத்திற்கும் முடிக்கும் அற்புதங்களைச் செய்கிறது. பலரும் பீட்ரூட்டின் சதை பகுதியை மட்டும் பயன்படுத்திவிட்டு, தோலை சீவி தூங்கி எறிந்துவிடுகிறார்கள். இருப்பினும், இந்த பீட்ரூட் தோலானது பல வகைகளில் நன்மை தரும். இன்று, சருமத்திற்கு (Skin Care) பீட்ரூட் தரும் நன்மைகள் மற்றும் அதை உங்கள் முடி மற்றும் சருமத்திற்கு எவ்வாறு பயன்படுத்தலாம் என்பதைப் பற்றி நாங்கள் உங்களுக்குக் கூறுகிறோம்.
ALSO READ: கண்ணாடி பார்க்கும் போதெல்லாம் ஜொலிக்கணுமா? இந்த சரும ரகசியம் தெரிஞ்சுக்கோங்க!
முடி மற்றும் சருமத்திற்கு எப்படி பயன் தரும்?
முகப்பரு மற்றும் பருக்களைக் குறைக்கும்
உங்களுக்கு எண்ணெய் பசை சருமம் இருந்து, முகப்பருக்களால் அவதிப்பட்டால், பீட்ரூட்டை கேரட் அல்லது வெள்ளரிக்காயுடன் கலந்து சாறு தயாரித்துக் குடிக்கவும். இது ஒரு ஆன்டிஆக்ஸிடன்ட் பானமாகச் செயல்பட்டு, உங்கள் சருமத்தை ஆரோக்கியமாக வைத்திருக்க மிகவும் நன்மை அளிக்கிறது. மேலும், நீங்கள் முகப்பருவால் அவதிப்பட்டால், இரண்டு தேக்கரண்டி புதிய பீட்ரூட் சாற்றை சாதாரண தயிருடன் கலந்து உங்கள் முகத்தில் தடவவும். அதை 15 நிமிடங்கள் அப்படியே விட்டுவிட்டு, பின்னர் கழுவவும். இது எந்தத் தழும்புகளையும் ஏற்படுத்தாமல் முகப்பருக்களை உலர வைக்கும்.
சருமப் பொலிவு
பீட்ரூட், அதன் ஆன்டிஆக்ஸிடன்ட் பண்புகளால், நமது சருமத்திற்கு உள்ளிருந்து பொலிவைத் தருகிறது. நீங்கள் தினமும் ஒரு குவளை புதிய பீட்ரூட் சாற்றை உங்கள் உணவில் சேர்த்துக்கொள்ளலாம். இது உடலில் உள்ள நச்சுக்களை நீக்கி இரத்தத்தைச் சுத்தப்படுத்துவதோடு, சருமத்திற்குப் பொலிவையும் அளிக்கிறது. முகத்தில் உள்ள இறந்த செல்களை நீக்கி, சருமத்தை மென்மையாக்க, பீட்ரூட் சாற்றை தவறாமல் தடவவும்.
வறண்ட சருமத்திற்கு ஈரப்பதம் தரும்:
வறண்ட சருமம் உள்ளவர்களுக்கு, பீட்ரூட் சாறு அருந்துவது சருமத்திற்கு ஈரப்பதம் அளிக்க ஒரு சிறந்த வழியாகும். மாற்றாக, ஒரு தேக்கரண்டி தேன் மற்றும் பாலை பீட்ரூட் சாற்றுடன் கலந்து, உங்கள் முகம் முழுவதும் தடவி ஃபேஸ் பேக் செய்யலாம். அது காய்ந்தவுடன், வெதுவெதுப்பான நீரில் கழுவவும். இது உங்கள் சருமத்தை நீண்ட நேரம் ஈரப்பதத்துடன் வைத்திருக்கும்.
முடிக்கு நன்மை பயக்கும்
பீட்ரூட் உங்கள் முடியின் வேர்களை உள்ளிருந்து வலுப்படுத்தும். இதில் உள்ள பல்வேறு வைட்டமின்கள் மற்றும் தாதுக்கள், ஆரோக்கியமான கூந்தலுக்குப் பங்களிக்கின்றன. நீங்கள் வீட்டிலேயே ஒரு கண்டிஷனரையும் தயாரிக்கலாம். அரைத்த காபி கொட்டைகளை பீட்ரூட் சாற்றுடன் கலக்கவும். இந்த கண்டிஷனர் உங்கள் தலைமுடிக்கு பளபளப்பையும், மென்மையையும், இயற்கையான நிறத்தையும் அளிக்கிறது.
ALSO READ: ஜில்லென்ற குளியல்… சில்லென்று மாறும் செல்கள்: ஒரே வாரத்தில் நடக்கும் அறிவியல் அதிசயம்!
பொடுகு ஒழிப்பு
பூஞ்சைத் தொற்று அல்லது வறண்ட உச்சந்தலையால் பொடுகு ஏற்படுகிறது. பீட்ரூட்டின் அழற்சி எதிர்ப்பு மற்றும் நொதிப் பண்புகள் முடி உதிர்தலைக் குறைப்பதோடு, பொடுகிலிருந்தும் நிவாரணம் அளிக்கும். ஒரு தேக்கரண்டி வினிகர் அல்லது வேப்ப நீரை பீட்ரூட் சாற்றுடன் கலந்து உச்சந்தலையில் தடவுவது பொடுகைப் போக்க உதவும். அதன் பிறகு, ஷாம்பு கொண்டு உங்கள் தலைமுடியைக் கழுவவும்.
