பழைய துணிகளே போதும்: அசத்தலான தரைக் துடைப்பான் தயாரிக்கும் எளிய முறை!

தீபாவளி பண்டிகை காலத்தில் வீட்டைச் சுத்தம் செய்யும்போது (Floor Cleaning Cloth) வெளியேற்றப்படும் பழைய பருத்தி ஆடைகளைக் கொண்டு மீண்டும் பயன்படுத்தக்கூடிய தரையைத் துடைக்கும் துணியை வீட்டிலேயே எளிதாகத் தயாரிக்கலாம். தேவையற்ற டி-ஷர்ட்டுகள், காட்டன் சேலைகள் அல்லது துண்டுகள் போன்ற மென்மையான மற்றும் தண்ணீரை நன்றாக உறிஞ்சும் தன்டிகொண்ட துணிகளைத் தேர்ந்தெடுப்பது சிறந்த பலனைத் தரும். தரையில் கீறல்கள் ஏற்படாமல் இருக்க, சீக்குயின்கள், எம்பிராய்டரி வேலைப்பாடுகள் அல்லது பொத்தான்கள் இல்லாத துணிகளைத் தேர்ந்தெடுப்பதுடன், அவற்றைப் பயன்படுத்துவதற்கு முன்பு சுத்தமாகக் கழுவி உலர வைக்க வேண்டும். இந்தத் துணிகளை 12×12 அங்குலம் அல்லது 20×30 அங்குலம் போன்ற பயன்பாட்டிற்கு ஏற்ற சதுர அல்லது செவ்வக வடிவங்களில் நேர்த்தியாக வெட்டி எடுத்துக்கொள்ளலாம். ஒற்றை அடுக்குத் துணிக்குப் பதிலாக, இரண்டு மூன்று அடுக்குகளாக மடித்தோ அல்லது நடுவே தடிமனான துண்டை வைத்தோ தடிமனான பேடாக மாற்றினால் அதிக தண்ணீரை உறிஞ்சி நீண்ட நேரம் துடைக்க உதவும்.

Also Read: பழைய பட்டுப் புடவைக்கு புதிய ஆடை… தீபாவளி ஆஃபர் எங்கே தெரியுமா?

பழைய உடைகளில் இருந்து தரைத் துடைக்கும் துணி

தீபாவளி பண்டிகை நெருங்கிவரும் நிலையில், வீட்டைச் சுத்தம் செய்யும் பணிகள் தீவிரமாக நடைபெற்று வருகின்றன. இத்தகைய தருணங்களில் வீடுகளில் பழைய ஆடைகள், தேவையற்ற பருத்தி உடைகள் குவிகின்றன. கடைகளில் டிஸ்போசபிள் துடைப்பான்களை வாங்குவதற்குப் பதிலாக, நமது வீடுகளில் உள்ள பழைய ஆடைகளைக் கொண்டே தரையைத் துடைக்கும் துணியை எளிதில் தயாரிக்கலாம். இது கூடுதல் செலவைக் குறைப்பதோடு, குப்பைகளைக் குறைத்து சுற்றுச்சூழலைப் பாதுகாக்க உதவுகிறது.

சரியான பழைய துணிகளைத் தேர்ந்தெடுத்தல்

தரையைச் சுத்தம் செய்வதற்குப் பருத்தித் துணிகள் சிறந்த தேர்வாக அமைகின்றன. பழைய டி-ஷர்ட்டுகள், காட்டன் சேலைகள், படுக்கை விரிப்புகள், துண்டுகள் அல்லது குர்த்தாக்கள் போன்ற மென்மையான மற்றும் தண்ணீரை உறிஞ்சும் தன்மைகொண்ட துணிகளைத் தேர்ந்தெடுக்க வேண்டும். பாசி ஊசிகள், எம்பிராய்டரி வேலைப்பாடுகள் அல்லது பட்டன்கள் உள்ள துணிகளைத் தவிர்ப்பது நல்லது, ஏனெனில் அவை தரையில் கீறல்களை ஏற்படுத்த வாய்ப்புள்ளது. துணியைப் பயன்படுத்துவதற்கு முன்பு சுத்தமாகக் கழுவி உலர வைப்பது அவசியமாகும்.

துணியை ஏற்ற அளவுகளில் நறுக்குதல்

தேர்ந்தெடுக்கப்பட்ட துணிகளைச் சமமான சதுர அல்லது செவ்வக வடிவ துண்டுகளாக வெட்டிப் பயன்படுத்தலாம். கைகளால் துடைக்க 12×12 அங்குல அளவுள்ள துண்டுகளும், துடைப்பத்தில் சுற்ற 20×30 அங்குல அளவுள்ள பெரிய துண்டுகளும் பொருத்தமாக இருக்கும். பழைய டி-ஷர்ட்டுகளை நீளமான பட்டைகளாக நறுக்கிப் பின்னித் துடைப்பான்களாகவும் மாற்றிக்கொள்ளலாம். கூர்மையான கத்தரிக்கோலைப் பயன்படுத்தித் துணியை நறுக்கினால் விளிம்புகள் நேர்த்தியாக வரும்.

தண்ணீரை உறிஞ்சும் திறனை அதிகரித்தல்

ஒற்றை அடுக்குத் துணி மிகக் குறைந்த அளவே தண்ணீரை உறிஞ்சும் என்பதால், துணியைப் பல அடுக்குகளாக மடித்துப் பயன்படுத்துவது சிறந்தது. இரண்டு அல்லது மூன்று துணி அடுக்குகளை ஒன்றன் மீது ஒன்றாக வைத்து, நடுவே தடிமனான பழைய துண்டை வைத்து மடிக்க வேண்டும். இவ்வாறு செய்வதால் துணி அதிக தண்ணீரைத் தாங்கி, நீண்ட நேரம் தரையைச் சிரமமின்றித் துடைக்க உதவியாக இருக்கும்.

துணியின் விளிம்புகளை உறுதியாக இணைத்தல்

வெட்டப்பட்ட துணி அடுக்குகள் நழுவி விலகாமல் இருக்க அவற்றை இணைத்துத் தைக்க வேண்டும். தையல் இயந்திரம் இல்லையெனில், பாதுகாப்புப் பித்தான்களைப் (Safety pins) பயன்படுத்தலாம் அல்லது துணிக்கான பசை கொண்டு ஒட்டலாம். துடைப்பத்தில் பயன்படுத்தும்போது, துணி சுருங்கிவிடாமல் இருக்க அதனைச் சுற்றி உறுதியாகக் கட்ட வேண்டும். துடைக்கும்போது துணி நகராமல் ஒரே சீராக இருப்பது மிகவும் அவசியமாகும்.

Also Read: பழைய பட்டுப் புடவைக்கு புதிய ஆடை… தீபாவளி ஆஃபர் எங்கே தெரியுமா?

சரியான முறையில் பயன்படுத்திப் பராமரித்தல்

தயாரிக்கப்பட்ட துணியைத் தண்ணீரில் நனைத்து அல்லது வழக்கமான கிளீனிங் கலவையைப் பயன்படுத்தித் தரையைச் சுத்தம் செய்யலாம். பயன்படுத்தியவுடன் சோப்பு மற்றும் வெந்நீர் கொண்டு துணியை உடனடியாகக் கழுவி, சூரிய வெளிச்சத்தில் நன்கு உலர வைக்க வேண்டும். அப்போதுதான் துணியில் இருந்து துர்நாற்றம் வீசாது. சமையலறை மற்றும் குளியலறைக்கு வெவ்வேறு துணிகளைப் பயன்படுத்திச் சுகாதாரத்தைப் பேணலாம்.