PM Modi : ஒரே சார்ஜில் 500 கி.மீ.. பிரதமர் மோடி தொடங்கி வைத்த சூப்பர் கார்.. 100 நாடுகளுக்கு ஏற்றுமதி!
Maruti Suzuki New EV Car : பிரதமர் நரேந்திர மோடி, குஜராத்தின் ஹன்சல்பூரில் மாருதி சுசுகியின் லித்தியம்-அயன் பேட்டரி ஆலையைத் திறந்து வைத்து, மாருதி சுசுகியின் முதல் மின்சார கார் இ-விட்டாரா எஸ்யூவியைக் கொடியசைத்துத் தொடங்கி வைத்தார். பின்னர் இந்திய தயாரிப்பு குறித்து பேசினார்
குஜராத்தில் நடைபெற்ற நிகழ்வில் பேசிய பிரதமர் மோடி, இந்த கார் ஜப்பான் உட்பட 100க்கும் மேற்பட்ட நாடுகளுக்கு ஏற்றுமதி செய்யப்படும் என்றார். இந்த 100 நாடுகளில் இந்தியாவில் தயாரிக்கப்பட்ட கார் ஓடுவதைப் பார்ப்பது இதுவே முதல் முறை. இதனுடன், ஹைப்ரிட் பேட்டரி எலக்ட்ரோலைட் உற்பத்தியும் இன்று முதல் தொடங்குகிறது. இந்த நாள் இந்தியாவிற்கும் ஜப்பானுக்கும் இடையிலான நட்புறவுக்கு ஒரு புதிய பரிமாணத்தை அளிக்கிறது. சுசுகி நிறுவனத்திற்கு நாட்டு மக்கள் சார்பாக நான் வாழ்த்துகிறேன்” என்று கூறினார்.
13 ஆண்டுகளுக்கு முன்பே வெற்றிக்கான விதைகள்
மேலும் இது குறித்து பேசிய பிரதமர் மோடி, ’13 வயது என்பது இளமைப் பருவம் தொடங்கும் வயது. இளமைப் பருவம் என்பது சிறகுகளை விரிக்கும் காலம். கனவுகள் பறக்கும் காலம். இன்று மாருதி தனது இளமைப் பருவத்தில் நுழைகிறது என்பதில் நான் மகிழ்ச்சியடைகிறேன். குஜராத்தில் மாருதியின் இளமைப் பருவப் பிரவேசம் என்பது, வரும் காலங்களில், மாருதி புதிய உற்சாகத்துடனும் ஆற்றலுடனும் முன்னேறும் என்பதாகும். இதனுடன், இந்தியாவின் வெற்றிக் கதைக்கான விதைகள் சுமார் 13 ஆண்டுகளுக்கு முன்பு விதைக்கப்பட்டன .
Also Read : எவ்வளவு அழுத்தம் வந்தாலும் நம் பலம் அதிகரிக்கும்.. டிரம்ப் வரி விதிப்பு குறித்து பேசிய பிரதமர் மோடி!
கொடியசைத்த பிரதமர் மோடி
#WATCH | Gujarat: Prime Minister Narendra Modi and Toshihiro Suzuki, President & Representative Director of Suzuki Motor Corporation, flagged off the ‘e-VITARA’, Suzuki’s first global strategic Battery Electric Vehicle (BEV), at the Suzuki Motor plant in Hansalpur, Ahmedabad.… pic.twitter.com/LPKWBjdykN
— ANI (@ANI) August 26, 2025
2012 ஆம் ஆண்டு, நான் குஜராத் முதல்வராக இருந்தபோது, ஹன்சல்பூரில் மாருதி சுசுகிக்கு நிலம் ஒதுக்கினேன். அந்த நேரத்தில், தொலைநோக்குப் பார்வை சுயசார்பு இந்தியா, மேக் இன் இந்தியா என்றும் இருந்தது. பின்னர் இன்று நாட்டின் தீர்மானங்களை நிறைவேற்றுவதில் நமது முயற்சிகள் பெரும் பங்கு வகிக்கின்றன. இந்தியாவுக்கு ஜனநாயகத்தின் நன்மை உண்டு. எங்களிடம் திறமையான பணியாளர்களின் பெரிய குழுவும் உள்ளது, எனவே இது ஒவ்வொரு நட்பு நாட்டுக்கும் வெற்றி சூழ்நிலையை உருவாக்குகிறது.
இன்று, சுசுகி ஜப்பான் இந்தியாவில் உற்பத்தி செய்கிறது, மேலும் இங்கு தயாரிக்கப்படும் வாகனங்கள் மீண்டும் ஜப்பானுக்கு ஏற்றுமதி செய்யப்படுகின்றன. இது இந்தியா-ஜப்பான் உறவுகளின் வலிமையின் சின்னம் மட்டுமல்ல, இந்தியாவின் மீதான உலகளாவிய நம்பிக்கையின் பிரதிபலிப்பாகும் என்றார்.
Also Read : இந்தியாவின் ஏழை முதல்வர் இவரா? அப்போ பணக்காரர் யார்? லிஸ்டில் CM ஸ்டாலின் எங்கே!
மேக் இன் இந்தியா
மேலும் பேசிய அவர், ஒருபுறம், மாருதி சுசுகி போன்ற நிறுவனங்கள் மேக் இன் இந்தியாவின் பிராண்ட் தூதர்களாக மாறிவிட்டன. தொடர்ந்து 4 ஆண்டுகளாக இந்தியாவின் மிகப்பெரிய கார் ஏற்றுமதியாளராக மாருதி உள்ளது. இன்று முதல், மின்சார வாகன ஏற்றுமதியை அதே நிலைக்கு கொண்டு செல்லும் செயல்முறையும் தொடங்குகிறது. இப்போது, உலகெங்கிலும் உள்ள டஜன் கணக்கான நாடுகளில் இயங்கும் மின்சார வாகனங்களில் மேக் இன் இந்தியா என்று எழுதப்பட்டிருக்கும் என்றார்.
ஒரே சார்ஜில் 500 கி.மீ
பிரதமர் மோடி ஹன்சல்பூரில் திறந்து வைத்த மாருதி சுசுகி ஆலை மிக முக்கியமானதாக பார்க்கப்படுகிரது. இங்கு தயாராகும் கார்கள், ஜப்பான் உட்பட 100க்கும் மேற்பட்ட நாடுகளுக்கு ஏற்றுமதி செய்யப்படும். இந்த கார் ஒரே சார்ஜில் 500 கி.மீ ஓடும். 2026 ஆம் ஆண்டில் இந்த ஆலையில் இருந்து 70 ஆயிரம் கார்களை உற்பத்தி செய்வது இலக்கு வைக்கப்பட்டுள்ளது. 80% கார் பேட்டரிகளும் இந்தியாவிலேயே தயாரிக்கப்படும். இந்த பேட்டரிகள் மின்சார வாகனம் மற்றும் கலப்பின வாகனங்களில் பயன்படுத்தப்படும்.
