ஜம்மு காஷ்மீரில் காவல் நிலையத்தில் ஏற்பட்ட குண்டுவெடிப்பு.. 7 பேர் உயிரிழந்த சோகம்..
Jammu Kashmir Police Station Blast: ஜம்மு காஷ்மீரில் அமோனியம் நைட்ரேட் வெடி பொருட்களை சரிப்பார்த்துக்கொண்டிடுந்த போது காவல் நிலையத்தில் பயங்கர வெடி விபத்து ஏற்பட்டுள்ளது. இதில், ஏழு பேர் கொல்லப்பட்டனர், 27 பேர் காயமடைந்தனர். காயமடைந்தவர்களில் ஐந்து பேர் ஆபத்தான நிலையில் உள்ளனர்.
ஜம்மு காஷ்மீர், நவம்பர் 15, 2025: ஜம்மு காஷ்மீரில் அமோனியம் நைட்ரேட் வெடி பொருட்களை சரிப்பார்த்துக்கொண்டிடுந்த போது காவல் நிலையத்தில் பயங்கர வெடி விபத்து ஏற்பட்டுள்ளது. இதில், ஏழு பேர் கொல்லப்பட்டனர், 27 பேர் காயமடைந்தனர். காயமடைந்தவர்களில் ஐந்து பேர் ஆபத்தான நிலையில் உள்ளனர். பலி எண்ணிக்கை மேலும் அதிகரிக்கக்கூடும் என்று கூறப்படுகிறது. வெடிபொருட்களை சரிபார்த்துக்கொண்டிருந்த காவல்துறையினரும் தடயவியல் குழு உறுப்பினர்களும் உயிரிழந்தனர். ஸ்ரீநகர் நைப் மற்றும் தாசில்தார் உள்ளிட்ட அதிகாரிகளும் குண்டுவெடிப்பில் இறந்தனர். காயமடைந்தவர்கள் இந்திய ராணுவத்தின் 92 பேஸ் மருத்துவமனை மற்றும் ஷேர்-இ-காஷ்மீர் மருத்துவ அறிவியல் நிறுவனத்தில் அனுமதிக்கப்பட்டனர்.
காவல் நிலையத்தில் ஏற்பட்ட குண்டுவெடிப்பு:
#WATCH | A blast occurred near the premises of Nowgam police station in Jammu and Kashmir. More details awaited. Security personnel present at the spot. pic.twitter.com/nu64W07Mjz
— ANI (@ANI) November 14, 2025
பயங்கரவாத தொகுதியிலிருந்து கைப்பற்றப்பட்ட வெடிபொருட்களை ஆய்வு செய்யும் போது வெடிப்பு ஏற்பட்டதாகத் தெரிகிறது. இந்த சம்பவம் குறித்து அனைத்து கோணங்களிலும் போலீசார் விசாரணை நடத்தி வருகின்றனர். ஏதேனும் பயங்கரவாத சம்பவம் நடந்ததா என்பது குறித்தும் அவர்கள் விசாரணை நடத்தி வருகின்றனர்.
வெடி விபத்து குறித்து தீவிர விசாரணை:
#WATCH | Srinagar, J&K | Latest visuals from Nowgam, where a blast occurred near the premises of Nowgam police station. Security personnel present at the spot. pic.twitter.com/EeAv2alNz9
— ANI (@ANI) November 15, 2025
ஃபரிதாபாத்தில் இருந்து கொண்டுவரப்பட்ட வெடிபொருட்களை காவல்துறை தடயவியல் குழுக்கள் கையாளும் போது இந்த குண்டுவெடிப்பு நிகழ்ந்தது. பயங்கரவாத தொகுதி வழக்கில் இருந்து கைப்பற்றப்பட்ட 360 கிலோ எடையுள்ள பெரும்பாலான பொருட்களை காவல் நிலையத்திற்குள் போலீசார் வைத்திருந்தனர்.
கைப்பற்றப்பட்ட சில ரசாயனங்கள் காவல்துறை தடயவியல் ஆய்வகத்திற்கு அனுப்பப்பட்டன, ஆனால் பெரும்பாலான வெடிபொருட்கள் நிலையத்தில் வைக்கப்பட்டன. குண்டுவெடிப்பில் கொல்லப்பட்டவர்களின் உடல்கள் ஸ்ரீநகரில் உள்ள காவல் கட்டுப்பாட்டு அறைக்கு மாற்றப்பட்டன. நௌகாம் காவல் நிலைய குண்டுவெடிப்பு இரண்டு கோணங்களில் விசாரிக்கப்பட்டு வருவதாக காவல் வட்டாரங்கள் தெரிவித்தன.
மாஜிஸ்திரேட் முன்னிலையில் சீல் வைக்கும் போது அம்மோனியம் நைட்ரேட் தீப்பிடித்து வெடித்திருக்கலாம் என்று கூறப்படுகிறது. மறுபுறம், காவல் நிலைய வளாகத்திற்குள் நிறுத்தப்பட்டிருந்த காரில் ஒரு IED வெடிகுண்டு வைக்கப்பட்டு வெடித்திருக்கலாம் என்று போலீசார் சந்தேகிக்கின்றனர்.
